- Detalhes
- Visualizações: 309
#TimorLeste #UNTL #VRAAGQ #COVID19 #COVID19TL 21 fevereiru 2022
Universidade Nacional Timor Lorosa’e (UNTL) nia Visereitór ba Asuntu Akadémiku no Garantia Kualidade (VRAAGQ), Profesór Doutór Samuel Venâncio de Sousa Freitas, iha Kampus Sentrál UNTL nian, Díli (17/02), hateten Universidade preparadu hodi hein estudante foun tinan akadémiku 2022.
“Vaga ne’ebé UNTL oferese, estudante 4100, tuir informasaun husi Ministériu Ensinu Superiór, Siénsia no Kultura, katak iha fulan ida ne’e sei anúnsiu naran estudante sira ne’ebé admitidu ba iha públiku” tenik Visereitór. 
Profesór Samuel hatutan, parte UNTL preparadu hela tanba prosedimentu iha ona, no sei aselera atu konklui rejistu ho lalais hodi tuir orientasaun akadémika, no aula ba simu estudante foun ba tinan akadémiku 2022 nian.
Média UNTL 📝 : Altur Ramos
Foto 📷 : Altur Ramos
- Detalhes
- Visualizações: 313
#TimorLeste #UNTL #SNL #COVID19 #COVID19TL 21 Febreiru 2022
Universidade Nacional Timor Lorosae'e (UNTL) nia Magnífiku Reitor, Profesór dr. João Soares Martins, MPH, Ph.D, hamutuk ho estrutura simu simbolicamente Aihan ba Seguransa Alimentár (Fós Rai, Batar, Foremungu, Forerai, Koto) não é distribuído por Sentru Lojístika Nasionál (SLN), iha sala Vídeo Konferénsia UNTL nian, Díli (18/02).
“Agradese tebtebes ba Sentru Lojístika Nasional tanba bele ajuda estudante sira liuhusi oferese ai-han sira, maské situasaun ne'e la difísil hanesan tinan kotuk ita hasoru pandemia COVID-19, liuliu agradese ba ita boot sira tanba tinan kotuk mós oferese aihan ba estudante sira iha tempu difísil nia laran”, tenik Reitor.
Assor Prinsipal Sentru Lojístika Nasionál, Sr. Joni Gonçalves, odiar, medir sua segurança alimentar não é importante saber como é kbiit laek sira, tanba ne'e categoria mós estudante sira.
“Lokraik ne'e ita entrega simbolikamente ba UNTL, desizaun mai husi VIII Governu Konstituisionál ne'ebé aprova husi Konsellu-Ministru no promulga husi Prezidente Repúblika atu fasilita aihan sira hanesan, Fós Rai, Batar, Foremungu Forerai, Koto no seluk tan ne' ebé sosa husi agrikultór sira hodi fahe fali ba kbiit laek sira inklui estudante sira”, dehan Sr. Joni.
Partisipa iha entrega aihan ba Seguransa Alimentár ne'e, Visereitora ba Asuntu Estudantís, Profesora Eng.ª Lígia Tomás Correia, M.Sc, dosente no ekipa husi Sentru Lojístika Nasionál nian. 
Média UNTL 📝 : Leonia de A, da Costa
Foto 📷 : Altur Ramos
- Detalhes
- Visualizações: 309
TimorLeste #UNTL #VRAAGQ #COVID19 #COVID19TL 21 Fevereiru 2022
Universidade Nacional Timor Lorosa’e (UNTL) nia Visereitór ba Asuntu Akadémiku no Garantia Kualidade (VARGQ), Profesór Doutór Samuel Venâncio de Sousa Freitas, iha Kampus Sentral UNTL nian, Díli (16/02) hateten, kalendáriu akadémiku ba prosesu aprendizajen tinan letivu 2022 nian publika ona, iha loron 3 Janeiru no distribui ona ba fakuldade sira.
“Kalendáriu Akadémiku ne’e preve ona katak iha dia 7 Fevereiru aula semestre impár 2022 nian, maibé Fakuldade idaidak ajusta tuir realidade, tanba balun sei halo ezame no balun sei konklui aula ba semestre anteriór nian”, tenik Profesór Samuel.
Profesór Samuel mós konvida estrutura Fakuldade hotu, Departamentu no dosente sira atu aselera aula semestre tuan nian, hodi hahú fali semestre foun 2022 nian.
Iha sorin seluk, Dekanu Fakuldade Direitu nian, Profesór Isidoro Viana da Costa hateten, Fakuldade iha autonomia atu halo jestaun no administra aula tuir kalendáriu ne’ebé universidade publika tiha ona.
‘’Profesór balun mak sei atraza uitoan iha programa semestre pár 2021 nian, no Fakuldade autoriza atu kontinua to’o remata maibé Fakuldade estabele prazu ida másimu ba 16 enkontru iha finde Fevereiru tenki remata no sira ne’ebé hotu ona tuir kalendáriu normál iha dia 7 fulan ne’e komesa aula normalmente”, tenik Profesór Isidoro. 
Dekanu ne’e realsa tan katak, nia dosente sira sei konbina mós ho estudante sira atu bele fó tan aula-estra husi kalendáriu ne’ebé iha, atu bele kompleta ba enkontru dala 16 iha semestre ida nia laran.
Média UNTL 📝 : Laurindo da Cruz Gomes
Foto 📷 : Denilson Amandio Barros
- Detalhes
- Visualizações: 313
#TimorLeste #UNTL #FAGRI #MOP #COVID19 #COVID19TL 21 Fevereiru 2022
Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins, MPH, Ph.D, ho ekipa husi Ministériu Obras Públikas halo vizita ba konstrusaun edifísiu foun Fakuldade Agrikultura nian, nune'e bele kontinua servisu ba oin, iha Kampus FAGRI nian Hera, 18/02.
Objetivu husi vizita refere, atu hatene kona-ba konstrusaun nia nível no aliserse hodi kontinua servisu konstrusaun nian. Enkuantu kontrusaun responsável husi kompañia tolu 3 hanesan Bobolait L.DA, Dany Star L.DA no Hedge Construction Unipesoal L.DA.
Partisipa iha vizita ne'e, Visereitór, Proreitór, Diretór sira, ekipa tékniku husi Ministériu Obras Públikas nian no ekipa husi Kompania konstrutór sira, inklui traballadór
sira.
Média UNTL 📝 : Denilson Amandio Barros
Foto 📷 : Denilson Amandio Barros
- Detalhes
- Visualizações: 393
#TimorLeste #UNTL #EmbaixadadePortugalemTimorLeste #COVID19 #COVID19TL 17 Fevereiru 2022
Universidade Nacional Timor-Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D, akompaña husi Visereitora Asuntu Estudantís, Profesora Eng.ª Lígia Tomás Correia, M.Sc, no Diretór-Jerál Servisu Apoiu Reitoria, Sr. Jacinto Belo, M.EGA.Eng, enkontru ho Embaixadór Portugál 🇵🇹 iha Timor-Leste, S.E. José Pedro Machado Vieira, iha Embaixada Portugal, Díli (17-02).
Objetivu husi sorumutu ne’e, universidade nasionál atu agradese ba Embaixadór, antes termina ninia mandatu, hanesan simbolu agradesimentu ida ba kooperasaun no apoiu sira durante ne’e ba UNTL.
Média UNTL 📝 : Altur Ramos
Foto 📷 : Altur Ramos