240967321 4577337832287566 1428994619906775323 n
#TimorLeste #UNTL #PRAC #COVID19 #COVID19TL 15 Outubru 2021 - Universidade Nacional Timor Lorosa’e (UNTL), nia Magnífiku Reitór, Profesór dr. João Soares Martins, MPH, Ph.D, akompaña husi Proreitora ba Asuntu Kooperasaun, Profesora Doutora Lídia Gomes, SKM, MPH, enserra formasaun ba bolseiru foun UNTL nian ne'ebé atu hala'o estudu iha Portugal, iha Auditóriu Liceu UNTL nian, Díli (15/10).
 
Relasiona ho enseramentu ne'e, Magnífiku Reitór hateten, formasaun ne’e importante ba bolseiru sira hodi koñese oinsá moris iha sosiedade Portugal nian, liuliu aprende no adaptasaun ba kultura.
"Formasaun ne’ebé UNTL fasilita ba bolseiru sira ne’ebé atu hala'o estudu iha Portugal, ne'e hanesan oportunidade di’ak ba sira, nune’e fasil atu komunika no servisu hamutuk iha sosiedade, liuliu bele koñese realidade moris lor-loron nian", tenik Reitór.
Reitór mós dezeja katak, bolseiru sira sei remata estudu ho susesu iha Portugal, no sei aplika fali koñesimentu sira ne’e iha Timor-Leste, liuliu iha universidade.
 
241193175 4577341188953897 2902123733558598917 n
 
Iha fatin hanesan, Proreitora ba Asuntu Kooperasaun nian hateten, formasaun ida ne'e foin dahuluk iha estrutura foun universidade nian, ne'ebé oferese ba sira na'in sanulu resin hat, ne’ebé kompostu husi Doutoramentu na’in 2, Mestradu na’in 7, no Interkámbiu Lisensiatura na’in 5.
" Objetivu husi formasaun, atu fó hanoin ba kandidatu sira atu prepara-an didiak, antes sira ba hala’o estudu iha Portugal", tenik Proreitora.
240666212 4577341948953821 5002646936283885057 n
 
Tuir Bolseira Madalena da Cruz, bolsu estudu ne'e hanesan buat foun ba iha Interkámbiu lisensiatura nian, liuhusi Programa Prokultura, kona-ba prosesu no preparasaun halo ona durante fulan ida molok viajen.
"Formasaun ne'e, hanesan materia ka matadalan ida oinsá ajuda ami bainhira ami aranka ba Portugal, ho nune’e ami iha ona koñesimentu di'ak hodi bele ajuda hala'o ami-nia estudu", tenik Madalena.
Madalena hatutan katak, maske iha dezafiu maibé sei nafatin esforsu atu aprende hodi eleva kapasidade iha dalen portugés.
Iha enseramentu ne’e mos, Universidade entrega sertifikadu formasaun ba bolseiru sira inklui sertifikadu apresiasaun ba formadór sira.
 
245766917 4577338398954176 4830135987140715416 n
 
Partisipa iha enseramentu ne'e, reprezentante husi Embaixada Portugal nian, formadór, ekipa tékniku Gabinete Koperasaun nian, ekipa tékniku Gabinete Reitoria, no bolseiru sira.
Média UNTL 📝: Emerenciana Martins
Foto 📷 : Denilson A. Barros

Comment

245762614 4573330982688251 3484249142373732234 n
#TimorLeste #UNTL #UNWomen #@koica.timorleste #COVID19 #COVID19TL 14 Outubru 2021 -  Universidade Nacional Timor Lorosa’e (UNTL), nia Magnífiku Reitór Profesór dr. João Soares Martins, MPH, Ph.D, akompaña husi Visereitora ba Asuntu Estudantís, Profesora Eng. Lígia Tomás Correia, M.Sc, Reprezentante UN Women iha Timor-Leste, Sra. Nuntana Tangwinit, lansa Grupu Traballu Tékniku ba Inisiativa Kampus Seguru ne’ebé apoiu finansiamentu husi Korea International Cooperation Agency (KOICA).
 
“Liuhusi Inisiativa Kampus Seguru ne’e, di’ak tebes ligadu ho direitus umanus ema nian, ema hotu tenke livre husi kualker forma violénsia, liu-liu violénsia hasoru feto. Feto sira iha direitu atu livre, tanba ne’e mak ho inisiativa ida ne’e, ita bele servisu di’ak liután atu asegura katak, ema hotu livre atu mai aprende, estuda no servisu iha resintu kampus, liuliu ita-nia oan feto no inan feton sira”, tenik Reitór, iha Otel Timor Díli (14/10).
243396762 4573331419354874 3718848199837325179 n
 
Iha fatin hanesan, Reprezentante UN Women iha Timor-Leste, hateten lansamentu ne’e iha universidade nasionál hanesan inisiativa ho objetivu atu halakon violénsia kontra feto, asédiu-seksuál no labarik iha resintu kampus.
“UN Women atu servisu hamutuk ho parseiru sira hotu, atu asegura katak feto no labarik sira iha espasu públiku no privadu la bele hetan violénsia ba sira, liuliu programa kampus seguru atu asegura feto no labarik feto sira, nune’e asédiu-seksual sei la akontese iha espasu kampus seguru nian”, tenik Nuntana.
 
246056366 4573331556021527 1103084287581522227 n
 
Aleinde ne’e mós, Diretora KOICA iha Timor-Leste, Sra. Eunju Cha, hateten, dezeja katak programa Kampus Seguru sei hato’o ba estudante sira iha UNTL ne’ebé iha tempu tuir mai sira sei aprende, hetan koñesimentu ne’ebé di’ak no hetan mudansa pozitivu.
“Dalaruma sira-nia situasaun ameasadu, tanba ne’e, sira sei la fokus ba estudu ho ida ne’e asertamente halo sira insidente, nomós dala balun eskola la remata iha instituisaun edukativu universidade, ho nune’e programa Kampus Seguru importante tebes ba feto no labarik sira, atu disemina informasaun ba Sívitas Akadémika sira”, tenik Diretora.
 
245701055 4573330742688275 8849194904177049511 n

245850491 4573330749354941 4545361541200545044 n

Partisipa iha lansamentu ne’e Proreitor ba Assuntu Provedoria no Akonsellamentu, Profesór Tomé Xavier Jerónimo, SH, MD, dosente, funsionáriu, no estudante UNTL nian, reprezentante husi Komisaun Funsaun Públika, reprezentante husi Ministériu Ensinu Superiór Siénsia no Kultura, ekipa UNWomen inklui konvidadu sira.
Média UNTL 📝: Denilson A. Barros
Foto 📷: Pio Belo Ximenes

Comment

241540423 4572022192819130 1539748312768492311 n
#TimorLeste #UNTL #UniversidadeAveiro #COVID19 #COVID19TL 14 Outubru 2021 -  Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D, hala’o enkontru liuhusi Zoom ho Universidade Aveiro, Portugal 🇵🇹, nia Vice-Reitor para Investigação, Inovação, Formação de 3º Ciclo e Acreditação, Profesór Doutór Artur Silva, no mós nia Vice-Reitor para Ensino e Formação, Profesór Doutór Jorge Adelino da Costa, iha sala Video Conferensia UNTL nian, Díli (12/10), hodi diskute kooperasaun institusionál ba iha futuru.
 
Durante sorumutu liuhusi Zoom, Magnífiku Reitór ho reprezentante Universisade Aveiro nian ko’alia mós kona-ba memorandu entendimentu ne’ebé atu asina iha tempu besik.
245018228 4572021972819152 2593650031908236327 n
 
244713991 4572021849485831 2459958591124949060 n
 
Partisipa iha enkontru ne’e Visereitór ba Asuntu Akadémiku no Garantia Kualidade, Profesór Doutór Samuel Venâncio de Sousa Freitas, Visereitór ba Asuntu Estudantís, Profesora Eng. Lígia Tomas Correia, M.Sc, parte Universidade Aveiro nian Visereitór, no Ekipa Tékniku Gabineti Reitoria UA nian.
Média UNTL 📝: Agostinho da Cruz e Silva
Foto 📷: Agostinho da Cruz e Silva

Comment

240594241 4572028726151810 4436913318850711416 n
#TimorLeste #UNTL #DEMKOM #COVID19 #COVID19TL 14 Outubru 2021 -  Universidade Nacional Timor Lorosa’e (UNTL), liuhusi Diresaun-Jerál Servisu Apoiu Reitoria nia Departamentu Média no Komunikasaun (DEMKOM) hala’o enserramentu ba atividade estájiu profisionál ba estudante Departamentu Komunikasaun Sosiál, Fakuldade Siénsia Sosiál (DCS-FCS) na’in haat ne’ebé kompleta ona sira-nia estájiu.
 
Iha atividade ne’ebé realiza iha sala Vídeo Konferénsia ne'e (13/10), Vise-Reitora ba Asuntu Estudantís, Profesora Eng. Lígia Tomás Correia, M.Sc, hateten, universidade fó nafatin korajen ba estudante sira atu aprende, maibé atu aproveitamente ne’e husi idaidak nia esforsu no vontade.
“Atu eleva ita-nia kapasidade pesoál ne’e, ida-idak mak tenki esforsa aan, tanba universidade fó meiu hotu no fasilidade, imi-nain haat bele mai hamutuk ho Ekipa DEMKOM, no ha’u mós bele koñese imi hodi bele fahe informasaun ne’e ba malu di’ak liután,” tenik Visereitora.
 
245547503 4572029126151770 6264146739677725522 n
 
Iha fatin hanesan, Xefe Departementu DEMKOM nian, Sra. Adelaide Maria Filipa da Cunha, agradese ba parte Fakuldade nia DCS no Gabinete Reitoria, ne'ebé fó fiar ba DEMKOM atu sai fatin estájiu ba estudante sira.
“Durante ne’e ami tetu katak Departamentu ne’e harii duni ho rekursu no fasilidade ne’ebé natoon, maibé Departementu Komunikasaun Sosiál fó fiar ba Departamentu ne’e atu sai fatin estájiu ba alin estudante sira”, tenik Xefe DEMKOM.
 
241243805 4572028809485135 631751947070596704 n
 
Xefe Departamentu mós dezeja katak, estudante sira bele aprende koñesimentu ruma liuliu iha prátika, tanba sira mak iha área espesializada liga ba prosesu produsaun notísia, jestaun tempu, no administrasaun.
Iha fatin hanesan, Orientadór Profesór Miguel Gonçalves, L.CS. agradese ba DEMKOM, ne’ebé fó ona fatin ba estudante sira atu bele hala’o sira nia estájiu profisioál no kontinua solisita ba DEMKOM-UNTL atu bele fó nafatin oportunidade hanesan ba estudante sira iha futuru.
 
241515268 4572029372818412 4158172011662982909 n
 
“Hanesan orientadór, ha’u deseja esperiénsia ne’ebé sira hetan husi DEMKOM bele fasilita ona sira komprende kona-ba realidade husi teoria ne’ebé sira aprende no preparadu ba idaidak nia futuru, no aleinde ne’e sira mós koñese estrutura sira universidade nian”, hatutan orientadór.
 
242399241 4572028882818461 4425443109504810067 n
 
Iha fatin hanesan, estajiária Leonia de Araújo representa sira seluk, fo agradese ba DCS no DEMKOM no ekipa tomak ne’ebé durante ne’e akompaña sira iha prosesu aprende nian, no expresa sira esperiénsia ne’ebé sira hetan durante iha períodu estájiu.
“Hakerek notisia dalaruma sente difísil, maibé liuhusi servisu ekipa aprende iha Departamentu ne’e, ami bele aplika no hetan koñesimentu prátiku”, tenik Leonia.
240669116 4572029256151757 5641186698501300246 n
 
Iha enserramentu ne’e, DEMKOM mós oferese sertifikadu apresiasaun ba estajiáriu sira, ne’ebé apoiu ona universidade.
Partisipa iha serimónia ne’e, Diretór-Jerál Servisu Apoiu Reitoria, Sr. Jacinto H. S. Belo, M.EGA, ho ninia ekipa, Asesór Tekniku Reitoria, Sr. Diogo Freitas da Silva no Sr. Mateus Gonçalves, Xefe Departamentu Protokolu, Sra. Amonia Lobato, funsionáriu no estajiáriu sira.
Média UNTL 📝: Laurindo da Cruz Gomes
Foto 📷: Pio Belo Ximenes

Comment

241374122 4572016886152994 1978111979203259369 n
#TimorLeste #UNTL #FD #COVID19 #COVIDTL 13 Outubru 2021 - Universidade Nacional Timor Lorosa’e (UNTL), nia Fakuldade Direitu hala’o semináriu ho tema "Promover e Elevar os Conhecimento Jurídicos dos Estudantes da Faculdade de Direito através da Realizacão da Atividade de Palestra” hodi komemora Loron Ezistensia Fakuldade Direitu ba dala sanulu resin neen (XVI).
 
Iha Auditóriu Liceu UNTL nian, (13/10), Dekanu FD nian, Profesór Isidoro Viana da Costa, hateten, nia parte realiza semináriu ne'e atu fó koñesimentu ba estudante sira hodi domina saida mak papél husi jurísta nian ba direitu hodi kombate korupsaun, nune’e bele foti desizaun ba kondenasaun hahalok kriminál sira iha Timor-Leste.
 
239712540 4572016786153004 5446747730064207443 n
 
“Fakuldade Direitu nia papél atu forma, eduka no kontribui ba Estadu Demokrátiku iha Timor-Leste, tanba ne’e ami konvida Komisaun Anti Korupsaun hodi fahé koñesimentu sira kona-ba papél jurísta nian, importante hodi kontribui ba estabilidade sosiedade nian liuliu iha krime organizadu sira hanesan, hahalok korupsaun hodi fó benefisiu ba pesoál iha nia vida” dehan Dekanu.
 
244971945 4572017069486309 3347366108174675149 n
 
Iha fatin hanesan, Komisáriu Komisaun Anti Korupsaun(KAK), Dr. Sérgio Hornai, hateten jurista tenke sai sabedoria ba razaun no koñesimentu no iha ligasaun ho direitu no demokrásia atu defende sidadaun iha Tribunál.
“Ita bo’ot sira iha espetativa bo’ot bele sai lisensiadu iha direitu ho exelente, atu nune’e bele manan konvivénsia iha grande komunidade”, tenik Komisáriu.
 
241383330 4572017402819609 3885034873319730625 n
 
Iha fatin hanesan, presidente komisaun organizadora, Joaquim Domingos Ramos, hateten, objetivu husi semináriu refere atu ajuda kontribui no eleva kapasidade jurídika estudante sira-nian.
“Ha’u rona esplikasaun husi oradór Dr. Sergio Hornai katak, oinsá papel jurísta nian iha estadu direitu demokrátiku atu hatur loloos justisa tuir nia fatin, nomós oinsa atu hamutuk ho orgaun estatal sira iha estadu ne’e nian, atu haree ba iha problema sosiál defisiensia hodi fó solusaun ba iha sosiedade sira”, tenik Joaquim.
Partisipa iha semináriu ne’e, estrutura Fakuldade Direitu, Komisáriu Komisaun Anti Korupsaun (KAK), Dr. Sérgio Hornai, dosente, no estudante inklui konvidadu sira.
Média UNTL 📝: Denilson A. Barros
Foto 📷: Denilson A. Barros

Comment