- Detalhes
- Visualizações: 349
#TimorLeste #UNTL #FMCS #COVID19 #COVID19TL 17 Fevereiru 2022
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D, halo abertura ba revizaun kurríkulu Ensinu Superiór Parteira, Fakuldade Medisina no Siénsia Saúde (FMCS), ne’ebé sei hala’o durante loron tolu (17-19), iha Polo Universitáriu Gleno-Ermera (17/02)
“Ohin FMCS halo revizaun kurríkulu ba kursu Parteira nian, hodi responde ba rekomendasaun ANAAA nian ne’ebé avalia ba kursu parteira hetan notas B, maibé kada tinan sempre halo revizaun, nune’e bele hetan mudansa foun ruma iha servisu, siénsia, teknolojia no iha área kuidadu parteira nian, liuliu ba inan isin rua no ba labarik sira ne’ebé foin moris”, tenik Reitór.
Magnífiku Reitór hatutan, planu ba futuru atu rekruta tan profesór sira hodi garante kontinuidade eskola nia funsionamentu, presiza tau atensaun mós iha área peskiza.
Iha abertura ne'e, Dekanu FMCS nian, Profesór José Deonisio Ximenes, hateten, objetivu husi revizaun refere, atu hatan ba ezijénsia husi Ajensia Nasionál ba Avaliasaun no Akreditasun Akadémika (ANAAA) nian, ligadu ho kualidade formasaun, no prátika kontinua. 
“Objetivu husi revizaun kuríkulu ne’e atu hatan ba ezijénsia ANAAA nian, ne’ebé avalia ona konsege hetan nota B, ami konvida mós parseiru sira hodi fó informasaun di’ak liután, tanba haree ba esperiénsia sira liu ona, ami bele ajusta iha ensinu teoria no prátika, tanba tuir loloos revizaun tiha ona, maibé tanba pandemia tinan rua ba kotuk ami labele halo buat ida”, dehan Dekanu.
Dekanu husu nafatin ba dosente no estudante sira la’o ho objetivu ida de’it hodi kontribui ba mellora di’ak liubá futuru.
Atividade ne’e organiza husi Ekipa Eskola Superior Parteira-FMCS, partisipa husi, Visereitór, Proreitór, Diretór-Jerál, Diretór Nasionál no konvidadu sira.
Média UNTL 📝 : Leonia de A. da Costa
Foto 📷 : Leonia de A. da Costa
- Detalhes
- Visualizações: 330
#TimorLeste #UNTL #FECT #JICATimorLeste #COVID19 #COVID19TL 16 Febreiru 2022
Universidade Nacional Timor Lorosa'e (UNTL) nia Magnífiku Reitor, Profesór dr. João Soares Martins MPH, PhD, agradese ba Governu Japaun 🇯🇵 tanba durante ne'e apoia nia Fakuldade Enjeñaria, Siénsia no Teknolojia (FECT), no kontinua fó apoiu iha formasaun, fasilidade no peskiza. 
“Agradese ba Governu Japaun liuhusi JICA, tanba durante ne'e apoiu FECT iha fasilidade, no harii mós edifísiu ida ne'e, maibé ami husu atu bele suporta mós fakuldade sira seluk tanba fakuldade sira seluk mós presiza tulun ba prátika laboratóriu nian”, dehan Magnífiku Reitor, iha Auditóriu FECT Hera, Díli (15/02).
Dekanu FECT nian, Professor Alfredo da Silva Guterres Ximenes, M.Eng, hateten, kooperasaun entre JICA ho FECT UNTL nian durante tinan 20 resin ona, sira apoiu fasilidade no ekipamentu hodi fasilita estudante sira iha prosesu aprendizajen.
“Ita-nia kooperasaun ne'e durante tinan 20 resin ona, JICA apoiu ita buat barak tebes, hanesan fasilidade no ekipamentu sira iha are ida-idak iha FECT, nune'e ajuda estudante sira iha prátika, JICA mós oferese mai ita, edifísiu ne'ebé uza dadaun”, tenik Dekanu.
Iha fatin hanesan, representante JICA nian Sr. GOTO Ko hateten, apoiu hirak ne'e atu fasilita estudante Enjeñaria sira iha prátika laboratóriu no sei kontinua fasilita formaaun balu kona-ba soldajen iha area téknika nian.
“Ha'u apresia tebes ba UNTL tanba estudante sira bele uza ekipamentu sira ne'e ba prátika no sei kontinua fó formaaun iha parte soldjen nian hodi aumentar koñesimentu estudante sira-nian iha are teknika no seluk tan”, hatutan Sr. GOTO.
Iha sorumutu ne'e, professor sira entrega mós rezultadu peskiza ne'ebé durante ne'e dosente halo hodi prodús livru ba partisipante sira.
Partisipa husi Diretora-Jérál Ensinu Superiór no Siénsia, Dra. Filomena Lay Guterres, Visedekanu sira, dosente no ekipa husi JICA.
Média UNTL 📝 : Leonia de A. da Costa
Foto 📷 : Denilson A. Barros
- Detalhes
- Visualizações: 353
#TimorLeste #UNTL #PresidênciaRepública #FOKAVANA #COVID19 #COVID19TL 17 Febreiru 2022
Universidade Nacional Timor Lorosa'e (UNTL) nia Magnífiku Reitor, Profesór dr. João Soares Martins MPH, Ph.D, ho ekipa Forum Komunikasaun ba Valór Nasaun (FKOVANA) hasoru malu ho Prezidente Repúblika (PR) 🇹🇱, SE Francisco Guterres Lú Olo, iha sala enkontru PR nian (16/02), hodi konvida Prezidente República na abertura do halo no seminário do tema "Reflesaun Nasionál ho Espíritu Rekonsiliasaun, Konstrui no Konsolida Estadu RDTL" não foi realizado em loron-24 fulan-Fevereiru.
Magnífiku Reitor UNTL iha entrevista hateten, UNTL ho FKOVANA nia prezensa atu konvida Prezidente Repúblika hodi halo abertura ba seminário ne'ebé universidade nasionál ho FKOVANA organiza.
"Ohin UNTL ho FKOVANA mai hasoru malu ho Sua Exelénsia Prezidente Republika, hakarak konvida hodi loke abertura no seminário ne'ebé organiza husi parte rua ne'e, no sei halo iha loron 24 Febreiru ne'e ho tema sentrál Reflesaun Nasional ho Espíritu Rekonsiliasaun ", tenik Reitor.
Magnífiku Reitor mos hatutan, objetivu husi semináriu ne'e atu halibur líder nacional sira, hodi fahe esperiénsia ba prosesu luta ba ukun rasik-an. 
Prezidente República, SE Francisco Guterres Lú OLo, mós aseita tebes ho konvite ba semináriu refere no disponivel sei partisipa.
"Hau sei ba halo abertura no hato'o hau nia intervensaun, ho tema ne'ebé hateten ona, importante tebes tau atensaun ba aspeitu rua ; Demokrasia iha Estadu-Direitu Demokrátiku, nia koerensia no valor sira kulturál nian, tanba agora dadaun ita- nia sosiedade, moris ho prekonseitu, deskunfia malu", tenik Prezidente Repúblika.
Iha fatin hanesan, Prezidente Konsellu Ezekutivu ba Forum Komunikasaun Valór Nasaun (F-KOVANA), Sr. Eládio António Faculto de Jesus, hateten, sitsaun atuál presiza lider hamutuk atu rezolve.
“FKOVANA ho UNTL hakarak promove reflesaun nasionál ida kona-ba situasaun politika, atu hanoin hamutuk rekonsiliasaun hanesan parte ida atu solusiona problema”, hatutan Sr. Eládio.
Seminário nasionál ne'ebé sei hala'o ne'e, tuir planu oradór prinsipál sira ne'ebé konvida mak Líder Karizmátiku Kay Rala Xanana Gusmão, Dr. Mari Alkatiri, Dr. José Ramos-Horta, Sr. Rogerio Tiago Lobato, Dr. José Luís Guterres.
Média UNTL 📝 : Agostinho da Cruz e Silva
Foto 📷 : Pio Belo Ximenes
- Detalhes
- Visualizações: 398
#TimorLeste #UNTL #KonselluGestaun #COVID19 #COVID19TL 17 Febreiru 2022
Universidade Nacional Timor Lorosa'e (UNTL) nia Magnífiku Reitor, Profesór dr. João Soares Martins, MPH, PhD, prezide reuniaun Konsellu Jestaun nian, hodi ko'alia kona-ba rekrutamentu ba Dosente Permanente ne'ebé prevé ona atu rekruta iha tinan akadémika 2022 nian, iha Sala Vídeo Konferénsia UNTL nian, Díli (16/02 ).
Objetivu husi reuniaun ne'e, atu diskute kona-ba vaga limanulu resin ida (51) ne'ebé atribui ona ba Fakuldade sia, liuliu ba Departamentu sira ne'ebé menus dosente permanente.
Partisipa iha sorumutu ne'e, Visereitór ba Asuntu Akadémiku no Garantia Kualidade, Profesor Doutór Samuel Venâncio de Sousa Freitas, Visereitór ba Asuntu Administrasaun Finansaun no Administradór-Jérál, Profesor Helio AX Mauquei, Ph.D ho Dekanu sira.
Média UNTL 📝 : Denilson Amândio Barros
Foto 📷 : Leonia de A. da Costa
- Detalhes
- Visualizações: 343
#TimorLeste #UNTL #NewZeland #UNDP #COVID19 #COVID19TL 16 Fevereiru 2022
Universidade Nacional Timor Lorosa’e (UNTL), liuhusi Diresaun Nasionál Património i Bens, simu apoiu AC (Air Conditioner) ho unidade 10 ne’ebé apoiu husi UNDP (United Nations Development Program), no apoiu ne’e entrega, iha Kampus Kaikoli UNTL nian, Díli, (16/02).
Proreitór ba Asuntu Dezenvolvimentu Instituisionál (PRADI), Profesór Doutór Lelis Gonzaga Fraga, agradese ba UNDP ne’ebé bele apoiu ekipamentu hirak ne’e ba universidade.
“Agradese ba Governu Nova Zelandia 🇳🇿 tanba bele aloka orsamentu mai iha Timor-Leste no implementa husi UNDP, hodi fó apoiu ekipamentu hirak ne’e mai iha UNTL, no espera bele hadia di’ak liután servisu sira iha universidade nasionál’’, tenik Profesór Lelis.
Iha fatin hanesan, Xefe Departamentu Patrimonio i Bens, Sr. Abrão Conceição Gomes da Silva, hateten, apoiu refere hanesan parte kooperasaun ida ba universidade.
‘’Ajuda hirak ne’e ita sei jere haree ba iha nesesidade, tanba fakuldade no diresaun iha AC balun aat ona, no bele troka fali ho foun ne’e’’, tenik Sr. Abrão.
Aleinde ne’e, Xefe Unidade Ozonu UNDP nian, Sr. Luis Belo, hateten, ekipamentu hirak ne’e parte husi “Public Awarness’’ ida ba Timor-Leste no apoiu husi Governu Nova Zelándia no implementa liuhusi UNDP.
“Ekipamentu hirak ne’e foun bolu naran R32 hodi troka AC tuan R22 ne’ebé agora sei uza no bainhira troka ami sei foti atu ba rai iha fatin formasaun Becora, nune’e labele uza no labele sobu atu estraga fali ambiente tanba nia iha gás esfadu bele estraga ambiente’’, tenik Sr.Luis Belo.
Média UNTL 📝 : Laurindo da Cruz Gomes
Foto 📷 : Avelino Bobo, Altur Ramos