- Detalhes
- Visualizações: 404
#TimorLeste #UNTL #FCS #COVID19 #COVID19TL 24 Fevereiru 2022
Universidade Nacional Timor Lorosa’e (UNTL) nia Faculdade Siénsia Sosiál (FCS), Departamentu Siénsia Polítika (DCP) no Departamentu Komunikasaun Sosiál (DCS) realiza semináriu ho tema “Repõe Ordem Constitucional e Instituições Democráticas”, ho objetivu atu kompleta prátika husi estudante sira ne’ebé aprende matéria opsaun Dezenvolvimentu Polítiku, iha Kampus Kaikoli UNTL nian, Díli (23/02).
Dekanu FCS nian, no hanesan mós dosente disiplina nian, Profesór Camilo Ximenes Almeida, hateten semináriu refere, realiza ho inisitiva husi estudante sira, hakarak rona kandidatu ba Prezidente Repúblika sira 2022-2027 sira-nian misaun no vizaun.
“Eventu ne’e realiza ho inisiativa husi estudante sira, tanba sira aprende ona materia dezenvolvimentu polítika, liu-liu estudante Siénsia Polítika no Komunikasaun Sosiál, sira hakarak rona kandidatu sira-nia vizaun no misaun, nune'e, bele sai mós lisaun ba sira idaidak”, hatutan Profesór Camilo.
Dekanu hatete, aproveita tempu ne’e konvida kandidatura hotu, maibé sira seluk la disponivel, konsege konvida kandidatura na’in lima mak disponive hanesan Dra. Maria Helena Lopes de Jesus Pires (Dra. Milena Pires), Dr. Constancio Pinto “Terus”, Dr, José Manuel Ramos-Horta, Dr. Martinho Gusmão, no Dr. Antero Benedito da Silva.
Iha fatin hanesan Sandra da Costa Lay, Estudante DCP, semestre 6 haktuir katak, liuhusi semináriu refere fó hanoin katak tempu to’o ona feto kompete hodi ukun nasaun ida ne’e, hodi hatan ba dezafiu ne’ebé povu hasoru.
“Buat ne’e mak aprende husi semináriu ne’e katak tempu to’o ona atu feto mós bele kompete hodi ukun nasaun ne'e, haree liubá formulasaun polítika públika hodi responde ba desafiu ne’ebé komunidade hasoru”, hatutan.
Semináriu refere oradór husi Kandidatu ba Prezidente Repúblika 2022-2027, Dra. Maria Helena Lopes de Jesus Pires (Milena Pires), Dr. Constancio Pinto “Terus”, Dr, José Manuel Ramos-Horta, Dr. Martinho Gusmão, no Dr. Antero Benedito da Silva. Partisipa iha semináriu dosente, estudante no konvidadu sira.
Média UNTL 📝: Flora Ana Maria Ximenes (estajiária)
Foto📷 Alsino da Costa Madeira, Crispin de Jesus Amaral, Amaro de Jesus (estajiáriu)
- Detalhes
- Visualizações: 366
#TimorLeste #UNTL #SEJD #COVID19 #COVID19TL 22 Fevereiru 2022
Universidade Nacional Timor Lorosa’e (UNTL) koopera ho Sekretaria Estadu Juventude no Desportu (SEJD) no Embaixada Cuba 🇨🇺 iha Timor-Leste, konsege destaka formadór espesífiku iha área Edukasaun Fízika no Desportu na’in haat (4) hodi apoiu prosesu aprendisajen ba Departamentu Ensinu Edukasaun Fízika no Desportu, Fakuldade Edukasaun, Arte no Umanidade (DEFD-FEAH).
Eventu ne'ebé hala'o iha Sala Video Konferénsia UNTL nian, Díli (22/02) ne'e, Magnífiku Reitór UNTL, Profesór dr. João Soares Martins, MPH, Ph.D, agradese ba SEJD ho Embaixada Cuba nian ho apoiu liuliu rekursu umanu atu kontribui ba melhora liután kualidade ensinu DEFD-FEAH nian.
“Agradese ba SEJD ho Embaixada Cuba nian, ohin ita bele hasoru malu fali iha ne’e, ba servisu hamutuk hodi rekursu ba Departamentu Ensinu Edukasaun Fízika no Desportu iha Fakuldade Edukasaun, Arte no Umanidade - UNTL bele funsiona ho di'ak”, tenik Reitór.
Magnífiku Reitór mós garante ho profesór na'in haat DEFD ne'e, bele forma rekursu umanu kualifikadu ba iha dezenvolvimentu ensinu báziku, no Sekundáriu iha Timor-Leste ne'ebé presiza profesór.
Iha fatin hanesan, S.E. Sekretáriu Estadu Juventude no Desportu, Eng. Abrão Nokosiku Saldanha, hateten planu prioridade SEJD nian mós hakarak atu dezenvolve liután área desportu nian iha Timor-Leste tanba ne’e mak presiza mós manorin na’in sira kualidade.
“SEJD nia importánsia mak foku liubá dezenvolve área desportu hanesan aliserse tanba ne’e presiza duni profesor kualifikadu, nune’e hanesan na’in ba DEFD atu apoiu hodi melhora kualidade kursu ne’e no tuir ami-nia hanoin pontu-aranke mak UNTL tanba ne’e ami mós sei akompaña nafatin kursu to’o momentu ne’ebé universidade bele ona hodi jere rasik”, tenik S.E. Sekretáriu Estadu.
Partisipa iha sorumutu ne’e Visereitór, Dekana Fakuldade Edukasaun, Arte no Umanidade, Profesora Doutora Ana Cristina Silveira de Jesus Martins, Diretór DEFD Profesór Filomeno Amaral Bria, Diretór-Jerál Juventude SEJD, Sr. David Tomás de Deus, no konvidadu sira.
Média UNTL 📝 : Agostinho da Cruz e Silva
Foto 📷: Denilson Amandio Barros
- Detalhes
- Visualizações: 327
#TimorLeste #UNTL #FCE #COVID19 #COVID19TL 23 Fevereiru 2022
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins MPH, Ph.D, lansa Website Fakuldade Siénsia Ezata nian (https://fce.untl.edu.tl), no halo abertura ba “Seminário Científico: Os Estudantes Pesquisadores da UNTL” iha ámbitu komemorasaun ezisténsia FCE ba dala VII, iha salaun Ian Martin, Balide Díli (23/02).
Magnífiku Reitór iha abertura hateten, ezisténsia Fakuldade Siénsia Ezata ne’e importante tanba promove Siénsia Ezata Puru iha Timor-Leste.
“Fakuldade Siénsia Ezata nia ezisténsia ba dala VII iha UNTL no Timor-Leste, tanba ne’e ita bo’ot sira nia ezisténsia ne’e importante hatudu diferensa tanba promove siénsia puru iha País ida ne’e, no únika kursu iha Timor-Leste”, tenik Reitór.
Reitór mos hato’o nia dezeju ba Fakuldade hodi kria ona website Fakuldade nian hodi promove Fakuldade liuhusi website nune’e sosiedade bele koñese diak liutan.
Iha fatin hanesan, Dekanu FCE, Profesór Romualdo Lopes da Cruz, iha nia diskursu hateten, ezisténsia FCE durante ultrapasa desafiu oioin maibé nafatin iha kompromisiu atu promove Fakuldade ne’e durante nia mandatu.
“Kongratula FCE ba tinan 7 ezisténsia iha UNTL ho desafiu oioin ita ultrapasa, hanesan Dekanu ha’u-nia kompromisu hodi promove no lori susesu Fakuldade, marka inísiu ida mak website FCE nian, nune’e bele lori asesu informasaun relasiona atividade sira”, tenik Profesór Romualdo.
Profesór Romualdo mós hato’o agradese ba ekipa husi Departamentu Enjeñaria Informátika, Fakuldade Enjeñaria, Siénsia no Teknolojia (FECT) ne’ebé mak kria ona website ba nia Fakuldade.
Partisipa iha Sorumutu ne’e Vise-Dekanu FCE, funsionáriu, dosente, ekipa kriasaun website husi FECT ne’e lidera Profesór Jose Pinto no estudante sira.
Média UNTL 📝 : Agostinho da Cruz e Silva
Foto 📷 : Agostinho da Cruz e Silva
- Detalhes
- Visualizações: 341
#TimorLeste #UNTL #COVID19 #ConselhodosReitores #COVID19TL 22 Fevereiru 2022
Universidade Nacional Timor-Lorosa’e (UNTL) nia Magnífiku Reitór, Profesór dr. João Soares Martins MPH, Ph.D, ho estrutura enkontru ho Konsellu Doutores UNTL nian hodi diskute armonizasaun revizaun Estatutu Universidade nian, iha sala Videokonferénsia UNTL nian, Díli (21/02).
“Iha ita-nia Estatutu Konsellu Doutores universidade nian la inklui iha laran, entaun integra mós ba revizaun Estatutu Universidade nian tanba importante tebes atu armoniza nune’e kompetensia labele diferensa ho estatutu, para labele hamosu intrepretasaun sira ne’ebé afeta ba ita-nia progresaun estatutu no rejime kareira” tenik Magnífiku Reitór.
Prezidente Konsellu Doutores UNTL nian, Profesór Doutór Francisco Miguel Martins, M.Hum hatete, kompenténsia Konsellu Doutores ne’e ho nia regulamentu sira importante tebes. 
“Gabinete Jurídiku UNTL elabora ona proposta regulamentu ba Konsellu Doutores nian. Proposta regulamentu ne’e ami apresia ona iha diskusaun reuniaun iha 7 Janeiru ami aprezenta uluk artigu 7, diskusaun hotu ona, artigu 8 ba leten ne’e hein para halo diskusaun ida klean hodi hetan aprovasaun finál hafoin lori ba Konsellu Jerál hodi publika iha Jornál Repúblika”, dehan Eis-Reitór. 
Média UNTL 📝 : Altur Ramos
Foto 📷 : Altur Ramos
- Detalhes
- Visualizações: 290
#TimorLeste #UNTL #COVID19 #COVID19TL 21 Fevereiru 2022
Universidade Nacional Timor Lorosa'e (UNTL) nia Magnífiku Reitor, Profesór dr. João Soares Martins, MPH, Ph.D, prezide enkontru ho Dekanu sira hodi diskute kona-ba material ba laboratóriu iha kada fakuldayde, iha sala Vídeo Konferénsia UNTL nian, Díli, (18/02).
Objetivu husi enkontru ne'e atu rona preokupasaun sira husi kada Fakuldade, atu hatene kona-ba saida mak enfrenta no lista ba materiál sira ne'ebé presiza, Fakuldade idaidak sei submete ba Universidade.
Partisipa iha enkontru ne'e Visereitór ba Asuntu Akadémiku no Garantia Kualidade (VRAAGQ), Profesór Doutór Samuel Venâncio de Sousa Freitas, Visereitora ba Asuntu Estudantís (VRAE), Profesora Eng.ª Lígia Tomás Correia, M.Sc, Visereióor ba Asuntu Administrasaun Finansas no Administradór Jerál no Dekanu sira.
Média UNTL 📝 : Laurindo da Cruz Gomes
Foto 📷 : Denilson Amandio Barros