Mapa do Site        TL |  PT |  ENG 
Notícias  (+)
LICEU, Dili, Timor-Leste, 17 Maio 2016
Fakuldade Edukasaun Arte no Umanidade, realiza judisium iha Líceu sesta-feira (17-5) ne’e hodi despede ho finalista sira hamutuk nain 146 ho tema “Memoria mak Dalan no Roman Ba Dezenvolvimentu Nasionál”. Iha diskursu, Dekanu Fakuldade Edukasaun Arte no umanidade, Pedro Soares, hateten judisium ne’e seremónia ida ne’ebé ho karakterístika akadémiku hodi halo atribuisaun títulu akadémiku ba estudante unuversitáriu sira ne’ebé maka hala’o nia estudu iha universidade (UNTL) maibé la’ós fasil tanba liuhusi esforsu ho estuda, no terus oioin. “Sai husi fatin ida ne’e, ita-boot sira-nia knar boot liután tanba ne’e dedika an bainhira servisu iha fatin ruma liuliu nu’udar edukadór. Ohin loron Ministériu Edukasaun iha nia planu hodi reforma profesór sira, entaun Graduadu sira mak iha papel importante hodi troka” Eis-vise dekanu Asuntu akadémiku FEAH ne’e mós afirma katak. Fonte ne’e agradese ba entidade tomak tantu inan-aman, funsionáriu, dosente sira ne’ebé fó apoiu ba prosesu tomak graduadu hirak ne’e to’o finaliza estudu iha universidade ne’e. Iha periodu dahuluk tinan letivu 2016 ne’e, UNTL sei fó graduasaun ba finalista hamutuk nain 331 ne’ebé sei hetan títulu nu’udar baixarelatu no lisensiadu iha área estudu oinoin husi Universidade Nasionál Timor Lorosa’e (UNTL). Tuir kalendáriu Akadémiku graduasaun ba periodu ne’e sei hahú iha loron 25 fulan Maiu, loron 25 gladi iha Sentru Konvensaun Dili, no graduasaun sei hahú iha loron 27.
Sala Auditorio LICEU, Dili, Timor-Leste, 16 Maio 2016
Universidade Udayana koopera ho UNTL realiza semináriu no kapasita estudante sira ne’ebé mak hakarak kontinua estudu iha Universidade Udayana no deskute mós konaba oinsa haluan Departamentu Saúde Animál ba Fakuldade Saúde Veterinária. Dekanu Fakuldade Agrikultura Acasio Cardoso Amaral, iha nia entrevista ba jornalista UNTL, segunda-feira (16-5), hateten katak ekipa husi Universidade Udayana mai fó seminariu kona-ba Bio-gás no kria diskusaun detallu kona-ba kooperasaun entre Universidade Udayana no UNTL hodi upgrade Diploma Saúde Animál ba Fakuldade Veterinária Medisina iha UNTL. Iha fatin hanesan, Prezidente Organizasaun Antigu Estudante husi Universidade Udayana Enga. Brigida Antónia Correia katak kooperasaun entre universidade rua ne’e atu kapasita estudante ne’ebé hakarak kontinua estudu iha Universidade Udayana. “Ami alumni ne’ebé hela iha estranjeiru (Timor-Leste) harí ami-nia organizasaun ida ne’e atu servisu hamutuk ho universidade Udayana liuliu iha área rekursu umanu, dahuluk fasilita Timoroan sira mak hakarak ba eskola iha Udayana, daruak kria mós relasaun ho ministériu kompetente no UNTL, oinsá Universidade Udayana bele iha ligasaun di’ak liuhusi kria atividade peskiza”, Alumni ne’e afirma. Organizasaun ne’e harii iha tinan rihun rua sanulu resin haat (2014) no oras ne’e dadaun sira fó ona ezame ba estudante ne’ebé mak remata husi ensinu sekundáriu. Iha tinan ida ne’e estudante hamutuk hát-nulu-resin lima ne’ebé prepara ona atu ba estuda iha Universidade Udayana Indonézia no iha posibilidade ba nivel lisensiatura, mestradu.
UNTL, Kampus Sentrál, 5 Maio 2016
Reitór UNTL, Professor Doutor Francisco Miguel Martins, loke atividade kona-ba Dia da Língua Portuguesa e da Cultura da CPLP no Feira do Livru ho tema ‘Não há uma Língua Portuguesa, Há Línguas em Português’ iha kampus sentral UNTL, Kinta-Feira ne’e (5/5) Iha diskursu Reitór UNTL hateten katak UNTL, nu'udar universidade estadu nian úniku iha Timor-Leste, iha dever atu promove Lingua Portuguesa iha Timor-Leste no mos tulun eleva kualidade akadémika no kualidade vida umana iha Timor-Leste. Partisipa iha serimonia abertura ne’e, Embaixadór Portugal iha Timor-Leste, Manuel Gonçalves de Jesus, Pro-Reitór sira, Administradór UNTL, Dekano Fakuldade sira, Funsionariu sira, Professor/a sira, Profesor lingua portuguesa sira no Estudante UNTL sira nian.
Díli, 29 Abril 2016
Universidade Nasionál Timor Lorosa’e (UNTL), sai vensedór daruak iha CARAVANA ARTISTÍCA 2016 ida ne’ebé realiza husi Ministériu Turizmu Arte no Kultura hodi promove timoroan sira-nia identidade kulturál. Tuir Avelino Ximenes Cruz hanesan Xefe husi Sentru Konservasaun Dezenvolvimentu Arte no Kultura (CCDAC) husi UNTL, objetivu husi Karavana Artistíka ne’e atu envolve estudante sira hodi kria atividade ne’ebé bele dezenvolve kultura, dansa no seluk tan. Xefe CCDAC nian, afirma katak eventu Karavana ne’e realiza dala ida kada tinan no ba tinan ne’e hetan apoiu orsamentu husi UNTL ho montante Dollar Amérikanu rihun rua (US$ 2,000. 00). Iha eventu Karavana tinan ne’e (2016), Grupu Milenium Tais Timor sai vensedór dahuluk, UNTL vensedór daruak no datoluk grupu husi Dare.
UNTL, 26 Abril 2016
Estudante mellór UNTL nian nain 20 hetan bolsa-estudu husi Astomos Energy Corporation, Japan. Reitór UNTL, Francisco Miguel Martins, agradese ba kompañia refere tanba oferese bolsa-estudu hodi motiva estudante hasa’e kualidade iha área idaidak nian, bolsu estudu mos hamosu espíritu kompetisaun entre estudante sira tanba bainhira la esforsu oportunidade sei monu ba estudante seluk. “Husu ba bolseiru nain ruanulu ne’ebé simu bolsu estudu ne’e, atu nafatin haka’as aan estuda liután. Bolsa-estudu ne’e fó atu enkoraja estudante sira, hakaas an estuda no sai ezemplár hodi eleva kualidade akadémika Universidade Nasionál Timor Lorosa’e (UNTL). Vise ministra Edukasaun, Dulce Soares, iha ninia diskursu apresia ho bolsa-estudu ne’ebe oferese ne’ebé ajuda Ministériu Edukasaun liuhusi UNTL no pasu foun ida ba estrutura UNTL nian atu nafatin esforsu hodi eleva kualidade estudante iha futuru. Bolseiru nain rua sei halo mós interkámbiu semana rua iha Japaun iha tinan ne’e mak hanesan Carla da Costa (FEG) no Simão Monteiro Saldanha (Faspol). Simão Monteiro Saldanha, sente orgullu ho oportunidade ne’e, tanba nu’udar lisaun oinsa maneja tempu hodi aprende. “Ami ba hodi aprende matenek, esperiénsia no skill edukasaun nian, halo komparasaun dezenvolvimentu siénsia iha nasaun dezenvolvidu sira liuliu Japaun ho ita-nia rain”, tenik estudante ne’e. Bolseiru ne’e mós husu ba estudante UNTL tomak ne’ebé seidauk hetan oportunidade ne’e katak, ho esforsu maneja tempu no estuda bele mós hetan oportunidade hanesan iha futuru.
UNTL, 25 Abril 2016
Reitor UNTL, Professor Doutor Francisco Miguel Martins halao enkontru no asina kontratu ho empreza Guardamor, Telkomcel no Andrew.
Faculdades
Agricultura
Ciências Exatas
Ciências Sociais
Direito
Economia e Gestão
Educação, Artes e Humanidades
Engenharia, Ciência e Tecnologia
Filosofia
Medicina e Ciências da Saúde
Investigação
Centro de Estudos de Género
Centro de Formação Avançada para o Ensino e Aprendizagem
Centro de Língua Inglesa
Centro Nacional de Investigação Científica
Centro para a Mudança Climática e Biodiversidade
Instituto da Língua Portuguesa
Instituto de Estudos de Paz, Conflito e Social
Instituto Nacional de Linguística
Estudos Pós-Graduados
Pós-GraduaçõesMestrados
Programas Internacionais
Gabinete para os Assuntos da Cooperação
© 2016 UNTL - Universidade Nacional Timor Lorosa'e Última Atualização: 2016-05-25
DNIT - Direção Nacional de IT webmaster@untl.edu.tl