Mapa do Site        TL |  PT |  ENG 
Notícias  (+)
Centro Convencoes De Dili, 30 Junho 2016
CCD-Universidade Nacional Timor Lorosa’e (UNTL), é a universidade recolhadora do XXVI (Vegéssimo sexto) Encontro da AULP (Associação das Universidades de Língua Portuguesa), que ocorrendo durante três dias (29-30 de junho e 1 de julho) no Centro Convenções de Díli, contado com a partecipação dos reitores e pesquisadores de 100 universidades no espaço da CPLP e Macau. Reitor de UNTL, Francisco Miguel Martins, sublinhou no discurso que não é facil encontrar palavras que permitem esforçar a honra e alegria com que a UNTL acolhe este XXVI (Vegéssimo sexto) Encontro da AULP, contribuindo de alguma forma para substerem os laços unem, a todos que desejar boas vindas e ainda que neste o jovem pais. “Bem hajam todos aqueles que contribuem o seu esforço para demanda de um futuro que sois não só menzageiros mas atores de progredir e endereço aos partecipantes os votos pessoais de felicilidades no decursso dos trabalhos deste Vegéssimo sexto das Associação das Universidades Língua Portuguesa”, acrescentou ainda o Reitor. O Ministro de Estado, Coordenador dos Assuntos Sociais e Ministro da Educação, António da Conceição, disse que o ensino superior é considerado cada vez mais como um bem público é um direito de todos os cidadãos, para além de uma peça fundamental à desenvovimento sustentável. “O encontro é uma excelente oportunidade para se conjugarem esforços e se dezenharem os programas multilarterais que promove um cresimento harmonioso das universidades dentro do espaço da Língua Portuguesa”, O Governante afirmou. A mesma fonte reprezenta também o Primeiro Ministro de RDTL, e deseja um bem sucedido encontro de trabalho de partinha de diálogo em prol do desenvolvimento integrado, inclusivo no qual a qualidade de ensino superior é uma condição fundamental. Entretanto, o Presidente de AULP, Rui Martins disse que o encontro é sem dúvida um encontro histórico é de relembrar todos que estão presentes e para assossiação que pela primeira ves trinta anos de cuidado reunidos em terra de Timor-Leste na cooperação desde início da entrada de UNTL na AULP em Novembro 2003. Presidente de AULP sublinhou que nas suas presenças prova que o obstaclo é uma substáncia física e são facilmente para passaveis quando existe a partida do conhecimento pela melhoria de educação em geral e do ensino superior, na produção e disseminação de Língua Portuguesa. A agenda do Encontro abordou diversos aspetos em torno de: “Rotas de signos: mobilidade académica e globalização no espaço da CPLP e Macau” sendo este tema distribuído por várias sessões:1) Políticas e estratégias de viabilização da mobilidade académica nos países lusófonos, 2) Ciências: difusão e desenvolvimento(s) em língua portuguesa, 3) Rotas de signos: sentidos, migrações e interculturalidade, 4) Paisagens, natureza e cultura,5) Outros desafios das Instituições de ensino superior da AULP, Paralelamente ao Encontro, estão previstas atividades de índole cultural e científica.
Municipio De Manatuto, 20 Junho 2016
Universidade Nasionál Timor Lorosa’e, liuhusi fakuldade Medisina Siénsia i Saúde segunda-feira (20-6) realiza serimónia despedida ba estájiu sosiál ba estudante sira iha munisipiu manatutu ne’ebé fó ona asistensia ba komunidade hodi fila hikas mai UNTL. Reitór Universidade Nasional Timor Lorosa’e UNTL, Fransisco Miguel Martins iha Munisípiu Manatutu liuhusi nia entrevista ba Média-UNTL katak, parte estájiu serbisu sosiál ne’e Estudante sira atu aprende mesak ho komunidade no konkretiza di’ak liután sira-nia koñesimentu kona-ba saúde nian. Fonte ne’e, aumenta liután katak estájiariu sira ne’ebé hala’o estajiu iha Munisípiu Manatutu ne’e husi Fakuldade Medisina Siénsia I Saúde ne’ebé por volta 200 universitáriu maka dalahuluk hala’o estajiu iha munisipiu refere. Iha fatin hanesan Adjuntu Administradór Munisipiu Manatutu, Agripino da Silva Sarmento sente kontente tanba estajiáriu sira bele hamutuk ho autoridade munisípiu no komunidade durante fulan rua nia laran, no iha relasaun di’ak hodi aprende saida maka naran povu ne’e nia sofrimentu. “Durante ne’e estajiáriu sira ba identifika problema sira iha komunidade le’et husi suku to’o aldeia, nune’e ami apresia tebes no husu ba UNTL sebele tinan oin lokaliza tan estajiáriu iha munisípiu Manatutu”, rekomenda Adjuntu Agripino da Silva Iha fatin hanesan estajiária, Angelica Jacinta Hornai Colo sente kontente tanba bele hala’o estajiu hodi haklean koñesimetu no identifika mós problema iha sosiedade hanesan Inan partus iha uma, planeamentu familiár no seluk tán. “Relasiona problema hirak ne’e, ami hakarak husu ba Ministériu Saúde atu servisu hamutuk ho akadémika sira hodi nafatin sosializasaun ba komunidade sira iha munisipiu atu komunidade sira bele hatene saida maka di’ak ba sira-nia saúde rasik”, Estajiariu ne’e mós rekomenda Estajiu servisu sosiál nu’udar parte ida husi pillar tolu universidade nian katak aprende, peskiza no dedikasaun ba komunidade iha terenu. programa ne’e importante atu estudante sira ne’ebé estuda ona teoria ba aplika iha komunidade nia leet hodi bele deskobre kualidade estudante sira-nia durante prosesu aprendizajem. Estudante besik atus rua maka estajiu servisu sosiál ne’e husi Fakuldade Medisina Siénsia Saude. Relasiona ho despedidade ne’e estudante sira mós aprezenta drama kiik ida relasiona ho sira-nia estajiu liu-liu ko’alia kona-ba saúde no planeadu familiár.
Kampus Sentral - UNTL, 7 Junho 2016
CC-Universidade Nasionál Timor Lorosa’e (UNTL), inagura fatin instalasaun foun ba reitór, ne’ebé prezide missa husi amu Ângelo Salsinha no Asina mós nota entendimentu ida ho Escola Portuguesa de Díli, hodi kria kooperasaun ba área formasaun. Reitór UNTL niam, Profesór Doutór Francisco Miguel Martins, hateten katak serimónia ne’e atu asina protokolu ho Escola Portuguesa de Díli no inagura mós fatin foun reitór nian ne’ebé foin reabilita hodi servisu ho fiar, responsabilidade tan fatin ne’e importante atu hasai desizaun ba dezenvolvimentu Institusionál UNTL nian. “Ita sei simu Universidade sira hamutuk kuaze 150 husi nasaun CPLP nian ne’ebé hanaran AULP (Associação das Universidades de Língua Portuguesa - AULP) inklui Macau, ne’ebé realiza kada tinan maibé konferénsia internasionál tinan ne’e UNTL mak sai uma nain”, Reitór afirma. Relasiona ho asina protokolu ne’e, Retór hateten UNTL asina ona memorandum ho nasaun oioin no instituisaun lokál, nasionál sira atus ida hitunulu atu kria kooperasaun bilaterál, trilaterál, multilaterál iha aspetu dezenvolvimentu rekursu umanu ne’ebé importante ba futuru nomós sei asina tan iha konferénsia AULP ne’e. Entretantu Diretór Aprovizionamentu, José Carlos Amaral de Araújo, informa katak reabilitasaun ne’e ho montante orsamentu $ 14.412.30 ho mobiliario inklui meza, kadeira, sofa no seluk tan ho inisiativa husi Reitór atu halo atividade AULP nian. Konferénsia AULP sei akontese iha loron 29 Juñu to’o loron 1 Jullu 2016, ne’ebé sei iha asembleia jerál, palestra iha plenária, ho area temátika espesífika, aprezentasaun husi peskizadór sira-nian, lansamentu livru no fó prémiu ba manán nain ba hakerek livru. UNTL hola parte ba AULP iha tinan 2003, ne’ebé partesipa ona iha konferénsia sira AULP nian. Preparasaun ba konferénsia ne’e kompostu husi komisaun internasionál ne’ebé sedeada iha Lisboa, no UNTL hanesan komisaun lokál tanba únika sai uma nain hodi realiza eventu ne’e.
Kampus Sentral UNTL, Dili, 1 Junho 2016
Prezidenti Asosiasaun Estudante Fakuldade sira, Konvoka primeira reuniaun hodi eleje sira nia reprezentante ba órgaun superiór UNTL nian Ohin, loron Kuarta-feira, data 01 Juñu 2016, iha Kampus Sentrál UNTL, konvoka reuniaun dahuluk entre prezidente eleitu sira husi órgaun Asosiasaun Akadémika Estudante nian ho objetivu hodi eleje reprezentante estudante nain 3 ba túr iha órgaun superiór UNTL nia sira ho Mandatu tinan 2. Reuniaun dahuluk ne’e partisipa husi prezidente eleitu sira husi órgaun Asosiasaun Akadémika Estudante nian husi Fakuldade 8 iha UNTL, hamutuk ema nain 24, Feto 3 Mane, 21, ne’ebé akompaña husi Lideransa UNTL no Tekniku Administrativu sira husi Gabinete Pro-Reitór Assuntu Estudante. Rezultadu husi reuniaun dahuluk ne’e, hili reprezentante estudante nain tolu ho sistema votasaun lista nakloke, finalmente Kandidatu nain 8 ne’ebé konkore ba vaga ka postu refere, sira nain 3 mak konsege eleitu ba pozisaun sira hanesan tuir mai ne’e: 1. Lizerio Dias, estudante husi Fakuldade Ciência Sociais, Departementu Relasaun Internasionál, eleitu ba membru Konsellu Jeráll UNTL, 2. Januário F. Pinto, estudante husi Fakuldade Filosofia, Departementu Filosofia Jeral, eleitu ba membru Konsellu Dixiplinár UNTL, no 3. Emelita do Rosario, estudante husi Fakuldade Medicina e Ciência Saúde, Departementu Parteira, eleita ba membru Senadu Akadémika UNTL,
Centro Convenções De Dili , 27 Maio 2016
Reitór UNTL, Francisco Miguel Martins, iha nia diskursu, agradese ba inan-aman sira ne’ebé fó konfiansa ba UNTL hodi haruka oan sira mai estuda iha instituisaun ida ne’e, hamutuk ho entidade tomak, inan-aman parente, viziñu, nomós Estadu, Governu, Parlamentu Nasionál, autoridade sivil no militár. “Ba Graduandu sira, imi konsege ultrapasa tiha obstáklu, susar oioin, osan, hahan, hela fatin laiha, hodi hela ho família hodi estuda, ikus mai ho esforsu tomak konsege susesu, dalaruma ema dehan “A luta continua a vitória sempre, ohin imi-nia loron vitória no loron ikus iha UNTL”, hateten Reitór. Fonte ne’e dezeja no hato’o parabens ba graduadu sira maibé dezafiu foun sei barak liután no simples liu maka la hetan servisu, buka husi fatin ida ba fatin seluk ema taka odamatan, lalika dezanimadu, tanba ne’e luta nafatin basa UNTL fó de’it maka kail, la’ós ikan maibé kail ne’ebé sai bukae ida oinsá buka ikan barak liután. Ministru Koordenadór Asuntu Sosiál no Ministru Edukasaun António da Conceição, iha nia diskursu hateten sistema edukasaun no ensinu tenke forma rekursu umanu ho kualifikadu ne’ebé Timor-Leste presiza hodi kontinua konstroe nasaun ida ne’e, no agradese ba korpu-dimplomátiku sira ne’ebé apoiu ona UNTL liuhusi projetu kooperasaun oioin. “UNTL tenke sai modelu referénsia ba instituisaun seluk, iha kulidade ensinu ministradu ho kualidade jestaun no organizasaun institusionál. Liuhusi traballu ekipa, bazeia ba prinsípiu profisionalizmu, disiplina, rigór maka bele alkansa no konsolida UNTL sai “Sentru Exelénsia ba Ensinu Superiór iha Timor-Leste” rekomenda Ministru Edukasaun. Ministru ne’e, felisita ho momentu ida ne’e, lori naran Ministériu Edukasaun nian kongratula ba graduandu sira tanba bele konklui sira-nia kursu superiór, liuhusi dedikasaun no esforsu, loron ne’e rekoñesida hodi hahú ho etapa foun ida iha ne’ebé konvidadu hodi partesipa iha dezenvolvimentu Nasionál. Liuhuai Oratio Sapientia, Eis-reitór UNTL, Aurélio Guterres, katak bainhira laiha siénsia no teknolojia mundu ne’e sai oinsa loos tanba ne’e, interese hodi kompriende mundu ne’e, ho nia fenomena naturál sira, hahú husi pre-istória hodi buka alkansa koñesimentu ho kbiit fó sentidu ba moris hodi prezerva moris. Juventina Correia Ximenes, graduada Cum laude, ne’ebé reprezenta graduadu sira hateten haree ba roda dezenvolvimentu ho nia progresu, sira sente nakboluk partisipa iha prosesu ida ne’e, liuhusi estuda makaas, buka matenek, no koko buka hatene segredu Sapientia ET Veritas, espíritu atu serbí. “Kada prosesu iha nia rekejitu, ami balun halo inam-aman ba maluk sira seluk tiu, avó sai enkarregadu edukasaun no balun auto-sustentavel. Ho situasaun reál ne’ebé ami enfrenta maibé buat lubuk maka universidade iha hodi lori ona ami to’o rohan ba síklu ida ne’e”, Juventina hato’o. Antes fila ba hamutuk ho komunidade, graduada ne’e, husu ba UNTL ho Governu atu hamoris hikas programa Pós-graduasaun, Mestradu no Doutoramentu atu halo poupansa ba fundu mina-rai, aranja materiál barak liután bodik ba nesesidade ensinu-aprendizajen, hamoris asosiasaun alumni UNTL nian no dignifika fundadór mahuluk sira-nian tanba ho sira maka ita bele. UNTL harii iha loron 17 fulan novembru 2000, ho nia vizaun “Sentru Exelénsia ba ensinu superiór iha Timor-Leste” hodi gradua ona ba dalasanuluk resin lima hahú tinan 2003, ho graduadu ne’ebé sai fini ba futuru hamutuk rihun sanulu resin.
Kampus Fakuldade Ekonomia No Jestaun - UNTL, 18 Maio 2016
Universitáriu sira ne’ebé hamahan-an iha ESHANA (Estudante Hadomi Natureza), realiza seremónia Isar Bandeira iha foho lulik matebian nian tutun hodi presta omenajen no valoriza eroi sira-nia luta, iha aldeia Wai-buro, Suku Hai koni, Postu Administrativu Baguia Munisípiu Baucau. Relasiona ho atividade viajen ne’e, Prezidente Komisaun Organizadór João Hornai, iha nia entrevista hateten iha programa ne’e konvida universitáriu sira hotu iha UNTL hodi selebra hamutuk loron boot hotu hanesan 20 Maiu, 28 Novembru no 20 Agostu atu fó hanoin ba partesipante sira hodi fó valór ba loron istóriku sira. “Ami (Grupu ESHANA) hili Foho Matebian ba tinan ida ne’e tanba nu’udar fatin istóriku ne’ebé uluk sai fatin abrigu ba luta nain sira, nomós maluk sivíl sira subar fatin hodi hatene loloos fatin istóriku ne’e oinsá maka ita-nia luta nain sira hili fatin refere”, afirma Atuál Estudante Fakuldade Ekonomia no Jestaun ne’e. Iha fatin hanesan, Evalina do Rosário Mendonça, membru ESHANA, sente orgullu tanba bele selebra loron espesiál ne’e iha Foho Matebian ho partesipante barak, katak loron istóriku ne’e labele komemora de’it iha sidade. “Programa ne’ebé ami sei hala’o maka sei dada bandeira iha foho mateian nia tutun no ami iha divizaun oioin hanesan divizaun ambientál sei fó formasaun ba estudante no komunidade sira atu hatene oinsá hadomi natureza, no divizaun sosiu-ekonómiku kulturál atu husu potensiál saida de’it maka iha”, hatutan Evalina. Vise-dekanu Asuntu Estudantíl, FEG, Longuinhos dos Santos, atividade ne’e estudante sira realiza hodi komemora loron 20 maiu no halo mapeamentu ba fatin istóriku Foho Matebian nian no tau mós emblajen ruma atu iha oportunidade ba governante sira, atu ita hanoin hikas no sai mós fatin potensiál turístika. Grupu Estudante Hadomi Natureza ka Eshana, eziste iha Fakuldade Ekonomia no Jestaun ne’ebé envolve estudante hodi hadomi Natureza liuhusi programa oioin hodi fó atensaun ba komunidade no publiku katak natureza ne’e presiza konserva tanba kontribiu ba luta timoroan sira nian durante rezisténsia.
Faculdades
Agricultura
Ciências Exatas
Ciências Sociais
Direito
Economia e Gestão
Educação, Artes e Humanidades
Engenharia, Ciência e Tecnologia
Filosofia
Medicina e Ciências da Saúde
Investigação
Centro de Estudos de Género
Centro de Formação Avançada para o Ensino e Aprendizagem
Centro de Língua Inglesa
Centro Nacional de Investigação Científica
Centro para a Mudança Climática e Biodiversidade
Instituto da Língua Portuguesa
Instituto de Estudos de Paz, Conflito e Social
Instituto Nacional de Linguística
Estudos Pós-Graduados
Pós-GraduaçõesMestrados
Cooperação Nacional e Internacional
Cooperação Nacional e Internacional
© 2016 UNTL - Universidade Nacional Timor Lorosa'e Última Atualização: 2016-07-22
DNIT - Direção Nacional de IT webmaster@untl.edu.tl