- Detalhes
- Escrito por Adelaide da Cunha
- Visualizações: 761
#TimorLeste #UNTL #DNLM #DNRU #COVID19 #COVID19TL 15 Jullu 2021
Universidade Nacional Timor Lorosa’e (UNTL), nia Magnífiku Reitór Profesór dr. João Soares Martins, MPH, Ph.D, hala’o vizita ba Kampus Kaikoli (13/07) hodi observa progresu servisu Diresaun Nasionál Lojístika no Manutensaun (DNLM) ho Diresaun Nasionál Rekursu Umanu (DNRH) nian.
Liuhusi visita ne’e, Reitór halo diskusaun direta ho Diretora Nasionál Lojistika no Manutensaun (DNLM), Sra. Fátima Odete Monteiro, no nia ekipa atu hatene atividade diresaun nian ligadu ho progresu no dezafiu sira.
Aleinde ne’e, Reitór ho ekipa mós halo diskusaun ho Diretór Diresaun Nasionál Rekursu Umanu (DNRU), Sr. Agustinho Quelo, L.DC ho ekipa atu koñese lala’ok atividade sira durante ne’e sira hala’o, inklui difikuldade sira ligadu ho servisu atu apoiu di’ak liutan universidade iha futuru.
Iha vizita ne’e, akompaña hosi Visereitór ba Asuntu Administrasaun Finansa no Administradór-Jerál, Profesór Profesór Helio A. da Costa Mauquei, Ph.D, ho nia ekipa.
Média UNTL : Altur Ramos (estajiáriu)
Foto : Pio Belo Ximenes (voluntáriu)
- Detalhes
- Escrito por Adelaide da Cunha
- Visualizações: 4000
#TimorLeste #UNTL #VRAAGK #MESSK #COVID19 #COVID19TL 14 Jullu 2021
Universidade Nacional Timor Lorosa’e (UNTL), nia Visereitór ba Asuntu Akadémiku no Garantia Kualidade (VRAAGK), Profesór Doutór Samuel Venâncio de Sousa Freitas, iha Kampus Sentrál UNTL nian, Díli (13/07), hateten, universidade submete ona lista estudante nian, rihun ruanulu resin tolu atus lima (23.500), ba Ministériu Ensinu Superiór, Siénsia no Kultura (MESSK) hodi asesu subsídiu.
“Dadus hirak ne’e ita rekolla diretamente husi administrasaun universidade nian, bazeia ba estudante ativu ne’ebé naran tama iha sistema ho totál 23.500, Reitór asina no submete ona ba Ministériu Ensinu Superiór, Siénsia no Kultura (MESSK), hodi prosesa subsídiu propinas no pulsa ba universitáriu sira durante implementasaun Serka-Sanitária (SS)”, tenik Visereitór.
Profesór Samuel mós hateten, subsídiu propinas ne’e selu tuir kustu ba estudante nian ne’ebé selu ba universidade, no ba universitáriu ativu sira iha UNTL U$ 30.00, no livre teoria U$5.00.
“Subsídiu sei fó tuir estudante ida-idak nia kustu pagamentu, sira ne’ebé ativu U$ 30.00 no livre teoria selu de’it ho U$5.00 maibé nia prosesu kleur oituan tanba atu selu pulsa ba estudante sira presiza hatene númeru telefone maibé solusaun ne’e oinsá, ita hein desizaun MESSK”, hateten Profesór Samuel.
Média UNTL : Leonia Araújo (Estajiária)
Foto : Altur Ramos ( Estajiáriu)
- Detalhes
- Escrito por Adelaide da Cunha
- Visualizações: 601
#TimorLeste #UNTL #MESSK #MS 13 Jullu 2021
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D, partisipa lansamentu Vasina Sinovac ba dose daruak nian, iha salaun Chinese Merchant Association-Timor-Leste, Hudi-Laran (12/07).
Vasinasaun Sinovac lansa ba dahuluk nian iha Kampus Sentrál UNTL iha loron 14 fulan juñu liuba, no partisipa husi Sívitas Akadémika no populasaun sira iha Díli no ohin (12-07) lansa ba dose daruak ho kompleta.
Partisipa iha abertura ne’e Ministru Ensinu Superiór Siénsia no Kultura (MESSK), S.E. Dr. Longuinho Dos Santos, Vise-Ministru Saúde S.E. Bonifacio Maucoli, Ministru Defesa, S.E. Filomeno Paixão de Jesus, Embaixadór Xina ba Timor-Leste, S.E. Xiao Jiangu, Komunidade Xineza iha Timor-Leste no seluk tan.
Média UNTL : Agostinho da Cruz e Silva
Foto : Agostinho da Cruz e Silva
- Detalhes
- Escrito por Adelaide da Cunha
- Visualizações: 4251
Universidade Nacional Timor Lorosa’e (UNTL) liuhusi Visereitór ba Asuntu Akadémiku no Garantia Kualidade (VRAAGK), nia Diretór Diresaun Nasionál Atendimentu Estudante (DNAE) hateten, dadaun ne’e prepara hela ba graduasaun períodu tuir mai ho finalista na’in 382, sira ne’ebé la konsege partisipa iha graduasaun online iha loron 25 fulan Maiu liubá.
“Preparasaun ba graduasaun ne’e fahe ba rua, (1) graduasaun online bazeia ba situsaun COVID-19, ne’ebé realiza ona iha 25 fulan Maiu ne’e, ho totál estudante atus rua limanulu resin ida (251), no (2) prezensiál tuir data tentativa iha fulan Agostu 2021 ho estudante na’in 382”, hateten Diretór DNAE, Sr. Rui Loco Pires, iha Kampus Sentrál UNTL nian, Díli ((12/07).
Sr. Rui mós hateten, finalista ne’ebé rejistadu iha 2020 nian hamutuk 633, maibé liuhusi graduasaun online partisipa de’it graduadu hamutuk 251, tanba ne’e mak ba sira ne’ebé seiduak gradua sei partisipa iha graduasaun períodu tuir mai.
“Tuir orientasaun husi Visereitór ho Diretór-Jerál Akadémika, DNAE hahú fahe ona atributu graduasaun nian ba estudante atus tolu ualunulu resin rua ne’e hodi tuir graduasaun ba etapa daruak nian”, tenik Diretór DNAE.
Bazeia ba oráriu atendimentu, DNAE sei fó atendimentu no distribui atributu graduasaun nian hahú segudan-feira (12-07) ne’e, to’o hotu, informasaun seluk bele hakbesik ba universidade.
Informasaun ofisiál Reitoria UNTL durante pandemia COVID-19 sei kontinua fo-sai de’it iha:
website www.untl.edu.tl ,
pájina Facebook UNTL nian www.facebook.com/untl.edu.tl .
Média UNTL : Leonia Araújo (estajiária)
Foto : Altur Ramos (estajiáriu)
- Detalhes
- Escrito por Adelaide da Cunha
- Visualizações: 4864
#TimorLeste #UNTL #RTTLEP #COVID19 #COVID19TL 09 Jullu 2021
Universidade Nasional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D, reuniaun ho Prezidente RTTL-EP, Sr. José António Belo, hodi define atividade konjunta entre UNTL ho RTTL-EP ne’ebé sei implementa iha futuru.
Reuniaun ne’ebé hala’o iha sala Vídeokonferensia UNTL nian, Díli (09/07), ne’e ho objetivu atu define prioridade ba implementasaun Memorandu Entendimentu (MoU) ne’ebé asina ona iha loron 25 Maiu liubá.
“Ohin ami ko’alia opsaun lubuk ida hanesan (1) RTTL mai iha kampus, ne’ebé ami kontente tebes ho inisiativa ida ne’e, (2) asuntu seluk Sr. Prezidente husu ba ita kona-ba probilidade pesoál sira bele mai estudu iha UNTL ami sei diskute kona-ba kestaun ne’e tanba sei iha prosedimentu lubuk ida mak presiza diskuti antes iha desizaun finál”, tenik Reitór.
Reitór husu atu fasilita UNTL kona-ba aula sira liuhusi kanál RTTL nian hodi transmite aula tanba Zoom, no Google Meet ladun funsiona ho di’ak no Prezidente RTTL-EP iha konkordánsia hodi bele implementa.
Iha fatin hanesan, Prezidente RTTL-EP agradese ba UNTL tanba oferese ona buat balun ba estudante sira nune’e mós parte RTTL-EP sei fó espasu ba universidade atu implementa nia programa liuhusi kanál RTTL.
“Ami mai haklean memorandu ne’ebé asina ona, tanba ne’e agradese ba UNTL ne’ebé ho fuan bo’ot oferese ona buat balun ba ami funsionáriu sira, ami identifika ona funsionáriu hamutuk na’in 94, atu haree ba longu-prazu nian mak liuhusi Universidade atu fó espasu ba sira bele asesu iha UNTL”, tenik Sr. Prezidente RTTL-EP.
Partisipa iha enkontru ne’e Visereitora ba Asuntu Estudantís, Profesora Eng. Lígia Tomás Correia, M.Sc, Proreitóra ba Asuntu Kooperasaun, Profesora Doutora Lídia Gomes, SKM, MPH, no Parte RTTL-EP nian mak Diretór ba Programasaun, Sr. Horacio Babo, ho nia ekipa no tékniku sira.
Média UNTL : Leonia Araújo (estajiária)
Foto : Agostinho Crus e Silva