- Detalhes
- Escrito por Adelaide da Cunha
- Visualizações: 520
#TimorLeste #UNTL #COVID19 #COVID19TL 03 Agostu 2021
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins MPH, Ph.D, hala'o reuniaun mensál ho Ekipa Reitorál, iha sala Vídeo Konferénsia UNTL nian, Díli (03/08), hodi atualiza servisu ekipa nian ne'ebé liu tiha ona.
Iha reuniaun refere kada Vise-Reitór, Proreitór no Diretór Nacional sira hato'o ida-ida nia progresu servisu, ne'ebé durante ne'e atinje ona.
Média UNTL : Agostinho da Cruz e Silva
Foto : Agostinho da Cruz e Silva
- Detalhes
- Escrito por Adelaide da Cunha
- Visualizações: 630
#TimorLeste #UNTL #VRAE #FDCH #COVID19 #COVID19TL 31 Jullu 2021
Universidade Nacional Timor Lorosa’e (UNTL) nia Visereitora ba Assuntu EstudantÍs, Profesora Eng.ª Lígia Tomás Correia, M.Sc, realiza enkontru ho Koordenadór Gabinete de Gestão e Sistema de Informação (GAGESI), Sr. Henrique do Rosario, husi Fundo de Desenvolvimento do Capital Humano (FDCH), atu diskute planu realizasaun serimónia asinatura kontratu bolsa hakbiit nian, ne’ebé sei implementa iha 2021 ne’e.
“Agradese ba kolaborasaun no serbisu hamutuk entre UNTL ho FDCH ba implementasaun bolsa hakbiit ba estudante kbiit la’ek sira, hodi apoiu estudante sira-nia estudu", tenik Visereitora iha Gabinete Vise-Reitora, Kampus Sentrál, UNTL (30/7).
Iha fatin hanesan, Koordenadór GAGESI Sr. Henrique do Rosario hateten, estudante UNTL nian balun admitidu ona husi programa refere no sei falta atu kompleta tuir númeru ne’ebé planeia husi FDCH.
“Atribuisaun ba programa bolsa hakbiit ba estudante husi Instituisaun Ensinu Superiór públiku hamutuk vaga atus lima (500) ba tinan akadémiku 2021, husi númeru total ne'e ba UNTL hamutuk (480) no ba estudantes husi Institutu Politékniku Betano (IPB) hamutuk vaga rua nulu (20).
Dadaun ne'e estudante UNTL hamutuk 227 mak admitidu ona husi bolsa refere no presiza kompleta tan vaga atus rua lima nulu resin tolu (253)”, tenik Koordenadór GAGESI.
Média UNTL : Marcos da Cruz (DGSAR)
Foto : Marcos da Cruz (DGSAR)
- Detalhes
- Escrito por Adelaide da Cunha
- Visualizações: 888
#TimorLeste #UNTL #FECT #DEC #FederaçãoNataçãodeTimorLeste #COVID19 #COVID19TL 30 Jullu 2021
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D hato’o universidade nia orgullu ba Imelda Felicyta Ximenes Belo, ne’ebé reprezenta altleta Timor-Leste hodi partisipa iha Jogus Olimpikus , modalidade Natasaun, ne’ebé sei hala’o iha Japaun (30/07).
“Universidade orgullu tanba nia estudante ida (Imelda Felicyta Ximenes Belo) ne’ebé ho kualidade reprezenta Timor-Leste iha Jogus Olímpikus 2020 nian ho modalidade natasaun”, hateten Reitór hafoin partisipa iha Reuniaun Konsellu Reitór nian, iha Salaun Delta Nova Díli (29-07).
Atleta hanesan estudante semestre VII husi Departamentu Enjeñaria Sivil (DEC-FECT) UNTL nian, no nia partisipasaun konta ho apoiu husi Federasaun Natasaun iha Timor-Leste.
Média UNTL : Miguel Gonçalves
Foto : Miguel Gonçalves, Arkivu Federação Natação de Timor-Leste
- Detalhes
- Escrito por Adelaide da Cunha
- Visualizações: 573
#TimorLeste #UNTL #VRAE # USAIDTimorLeste #COVID19 #COVID19TL 31 Jullu 2021
Universidade Nacional Timor Lorosa’e (UNTL) liuhusi Gabinete Visereitora ba Asuntu Estudantis (VRAE) nian, servisu hamutuk ho US Agency for International Devolpment (USAID) , fahe informasaun ba estudante sira ne’ebé atu tuir kompetisaun diskursu públiku ho tema “Turismu Sustentável liuhusi Kresimentu Inkluzivu Iha Ha’u-Nia Timor-Leste”.
Relasiona ho eventu refere, VRAE nia Xefe Departamentu ba Atividade Estrakurikulár, Sr. José de Jesus dos Santos, iha Auditóriu Liceu (30/07) hateten, atividade ne'ebé hala'o atu fahe informasaun ba estudante sira ne'ebé iha talentu atu tuir kompetisaun diskursu públiku.
“Atividade ohin ne’e ita servisu hamutuk ho USAID iha Timor-Leste, fahe informasaun ba estudante sira ne’ebé iha talentu no iha interese atu partisipa iha kompetisaun diskursu públiku ba área turizmu nian, no parte ida hodi kapasita estudante sira iha nível Ensinu Superiór”, tenik Sr. José.
Sr. José mós hatutan, kompetisaun diskursu nian la limita ba sé de’it mak hakarak partisipa iha atividade no informasaun sira ne’e espalla hotu ba iha fakuldade sia (9) iha UNTL.
Iha fatin hanesan, Koordenadór Nasionál USAID, Sr. Fonseca Miranda, dezeja katak, ho diseminasaun ne'e, partisipante sira bele hatene ona prosesu no kretéria sira atu konkore ba kompetisaun.
“Kompetisaun ba tinan ida ne’e foku liubá área turizmu mundial ne’ebé bolu “tourism cloud” bazeia ba kontekstu Timor-Leste nian mak ho tema “Turismu Sustentável liu husi kresimentu inkluzivu iha hau-nia Timor-Leste”, dehan Fonseca.
Liuhusi programa ne’e, hakarak fó oportunidade ba joven sira hodi desenvolve sira nia abilidade kona-ba diskursu públiku no atu introdús (Program Tourism For All Project) ba ema hotu no rezultadu husi kompetisaun ida ne’e mak sei hili feto ida no mane ida atu sai embaixadór ba tinan 2021-2022.
Média UNTL : Laurindo da Cruz (estajiáriu)
Foto : Pio Belo Ximenes (voluntáriu)
- Detalhes
- Escrito por Adelaide da Cunha
- Visualizações: 619
#TimorLeste #UNTL #FECT #COVID19 #COVID19TL 30 Jullu 2021
Universidade Nasional Timor Lorosa’e (UNTL) nia Fakuldade Enjeñaria, Siénsia no Teknolojia (FEST), hahú forma komisaun ba eleisaun Dekanu FEST nian hodi troka Profesór Ruben J. Freitas, Ph.D., ne'ebé asume ona kargu iha instituisaun estadu nian, no bazeia ba estatutu Fakuldade nian tenke liuhusi eleisaun.
Dekanu Interinu FEST nian, Profesór Junior Raimundo da Cruz, Ph.D, iha Kampus Hera UNTL nian (29/07) hateten, nia parte hatun ona despaxu atu estabelese komisaun ba eleisaun Dekanu foun.
“Iha semana kotuk, ha’u hatuun ona despaxu ida bazeia ba enkontru Konsellu Xefia Fakuldade nian, ami deside ona hodi estabelese komisaun hodi prepara ba eleisaun Dekanu nian, tanba Dekanu Interinu agora liuhusi despaxu Magnífiku Reitór nian”, tenik Profesór Junior.
Profesór Junior mós hatutan, atualmente komisaun hahú halo hela preparasaun, no seidauk marka data ba eleisaun, kandidatu ne’ebé eleitu sei aprezenta rezultadu ba Magnífiku Reitór hodi nomeia.
Profesór Junior deskreve mós kritériu sira, bazeia ba Estatutu-FEST nian, iha artigu 12 hatuur ona katak kandidatu prezisa ho nível doutoramentu, mínimu tinan 5 sai dosente permanente iha FEST, saúde di’ak, iha kapasidade ba jestaun no responsabilidade profisionál ba funsaun Dekanu, kapasidade iha komunikasaun ba lian (inglés, portugés, tetun no bahasa Indonesia) no seluk tan.
Média UNTL : Agostinho da Cruz e Silva
Foto : Pio Belo Ximenes