212478629 4323115984376420 5339366329365298278 n

219254408 4323116021043083 6799102545658694986 n

#TimorLeste #UNTL #KJ #COVID19 #COVID19TL 26 Jullu 2021

Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins MPH, Ph.D, prezide Konsellu Jestaun (KJ) hodi halo apresiasaun ba kursu lisensiatura foun rua (Historia no Psikolojia) husi Fakuldade Filozófia no Siénsia Umana (FFSH) no kursu lisensiatura ida (Sosiolojia) no kursu Mestradu ida (Dezenvolvimentu Komunitáriu) husi Fakuldade Siénsia Sosial (FCS).

Magnífiku Reitór agradese ba estrutura fakuldade sira-nia esforsu hodi konsege aprezenta sira-nia proposta ba Konsellu Jestaun.
“Agradese ba ita bo’ot sira-nia aprezentasaun ba kursu lisensiatura Sosiolojia husi FCS no mos Mestradu iha Dezenvolvimentu Komunitáriu, no kursu foun rua husi Fakuldade Filozofia nian hanesan Historia no Psikolojia, presiza iha preparasaun diak bazeia ba kriteriu sira ne'ebé iha”, tenik Reitór.

Iha reuniaun refere, antes halo apresiasaun iha sala Videokonferénsia UNTL nian, Díli (23/07), hahú ho aprezentaun proposta husi Dekanu sira aprezenta kona-ba kursu foun ne’ebé sira atu estabele.
Partisipa iha sorumutu ne’e visereitór no proreitór, Diretór Sentru sira, Dekanu no Visedekanu sira.

Média UNTL : Agostinho da Cruz e Silva
Foto : Agostinho da Cruz e Silva

 

Comment

186849644 4317115381643147 7200241862194653487 n

#TimorLeste #UNTL# KIPKI #COVID19 #COVID19TL 24 Jullu 2021

Universidade Nasional Timor Lorosa’e (UNTL) nia Xefe Ekipa Komisaun Implemenstasaun Planu Kontijénsia Interna (KIPKI), Doutora Teresa António Madeira Soares, BDS, MPH iha Kampus Sentral UNTL nian, Díli (07/07) hateten katak universidade nia sívitas akadémika no família husi sívitas akadémika na’in 2200 mak simu ona Vasina iha sentru Vasinasaun ne'ebé destaka iha resintu kampus sentrál UNTL.
“Haree ba númeru rihun rua atus rua 2200 ne’e, mak mai vasina iha universidade no konstitui husi vasinasaun ba Sinovac hamutuk na’in 1600 no vasina Astrazaneca hamutuk na’in 600 ho total ne’ebé mensiona iha leten ne’e inklui familia husi komunidade akadémika nian”, tenik Doutora Teresa.

Diretora Poliklínika Universitáriu ne’e mós rekoñese katak totál ne’ebé iha, ba hirak ne’ebé vasina iha universidade liuhusi koordenasaun KIPKI no Sentru Integradu Jestaun Krize (SIJK), sivitas akadémika sira barak mak vasina iha fasilidade saúde sira no iha fatin seluk.
“Meiu ba reativa aula, mak apela nafatin ba sívitasas akadémika hotu iha UNTL atu bele vasina hodi prevene moras Covid-19, ita la’o tuir regra ne’ebe mak iha (fase liman, uza máskara, distansiamentu no seluk tan)”, dehan Doutora.
Informasaun ofisiál Reitoria UNTL durante pandemia COVID-19 sei kontinua fo-sai de’it iha:
website www.untl.edu.tl ,
pájina Facebook UNTL nian Universidade Nacional Timor Lorosa'e .

Média UNTL : Laurindo da Cruz (estajiáriu)
Foto : Laurindo da Cruz (estajiáriuriu)

 

Comment

198851847 4312422925445726 6302378206101627521 n

180296333 4312423205445698 1020228840084216529 n

#TimorLeste #UNTL #MEJD #INFORDEPE #COVID19 #COVID19TL 22 Jullu 2021

Universidade Ncional Timor Lorosa’e (UNTL) nia Magnífiku Reitór Profesór dr. João Soares Martins partisipa iha abertura estájiu pedagójika ba estudante sira na’in rihum rua atus lima sianulu resin tolu (2593), ne’ebé kompleta ona teoria iha kursu Baixarelatu husi Instituto Nacional de Formação Profisionais da Educação (INFORDEPE) nian, iha Salaun Ian Martin Balide Dili, (22/07).
“Agradese ba Governu tanba bele fó Konfiansa mai UNTL hodi envolve no formadór sira ba iha formasaun ida ne’e, no liuhusi kooperasaun entre instituisaun UNTL, INFORDEPE no Ministeriu Edukasaun Juventude no Desportu bele realiza formasaun ho diploma baixarelatu”, tenik Profesór.
Magnífiku Reitór mós enkoraja ba estajiariu sira atu nafatin iha vontade no labele lakon esperansa maské ho idade ne’ebé avansadu ona maibé aprende laiha limiatasaun ba idade.

Iha fatin hanesan Ministru Edukasaun Juventude no Desportu, Profesór Doutór Armindo Maia hateten halo abertura estajiu pedagójiku ba formandu sira ne’ebé durante ne’e partisipa iha formasaun hodi ba aplika teoria ne’ebé aprende ona.
“Ohin halo abertura estájiu pedagójika ba ita-nia formandu ne’ebé durante tinan tolu resin sira tuir formasaun hamutuk entre MEJD ho UNTL hodi realiza formasaun iha territóriu tomak no ohin sira aplika teoria iha terrenu”, tenik Ministru.
Formasaun ne’e realiza tanba servisu hamutuk entre UNTL ho MEJD liuhusi nia INFORDEPE hodi fó formasaun ba Manorin Na’in sira husi Ensinu Pre-Sekundáriu no ensinu Sekundáriu.

Partisipa iha Serimómia ne’e Diretór Jerál ba Asuntu Administrasaun Akadémika Sr. Armindo Leto Fátima, Dekana Fakuldade EdukasaunArte no Umanindade Dra. Ana Cristina de J. Martins ho nia estrutura, Vise-Ministru Edukasaun Juventude no Desportu Dr. António Guterres, Presidente Infordepe Sr. Manuel G. de Araujo ho nia estrutura no konvidadu sira.

Média UNTL : Agostinho da Cruz e Silva)
Foto : Agostinho da Cruz e Silva

 

Comment

216861982 4317108538310498 7020697158993915601 n

182077156 4317108674977151 7270879977983365241 n

#TimorLeste #UNTL #MESSK #ANAAA #COVID19 #COVID19TL 24 Jullu 2021

Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins, MPH, Ph.D, partisipa iha lansamentu ba avaliasaun instituisionál no programátiku ba tinan 2021 nian, iha Salaun UNITAL (23/07).

Liuhusi abertura refere, fó koñesimentu ba instituisaun ensinu superiór sira-nia kursu ne’ebé sei hetan avaliasaun husi Ajénsia Nasional ba Avaliasaun no Akreditasaun Akadémika (ANAA) iha 2021 ne’e.
Hafoin lansamentu, ANAAA sei avalia kursu hamutuk 24 kompostu husi lisensiatura no Baixarelatu 20, Mestradu 4, husi Instituisaun sira hanesan UNTL iha kursu haat, UNITAL iha kursu hitu, UNDIL iha kursu haat, IOB iha kursu ida, DIT iha Mestradu, CRISTAL iha kursu rua, UNPAZ iha Mestradu, ne’ebé sei avalia durante fulan haat hahú husi fulan Agostu, Setembru, Outubru no Novembru.

Iha lansamentu ne'e, abertura husi Ministru Ensinu Superiór, Siénsia no Kultura, S.E. Dr. Longuinhos dos Santos, perante lideransa husi Instituisaun ensinu superiór sira ne’ebé nia kursu preparadu ba avaliasaun.
Partisipa iha lansamentu ne’e, Visereitór ba Asuntu Akadémiku no Garantia Kualidade, Profesór Doutór Samuel Venâncio de Sousa Freitas, Ministru Ensinu Superior, Siénsia no Kultura, S.E. Dr. Longuinhos dos Santos, Diretór Ezekutivu ANAAA, Profesór Edmundo Viegas, Ph.D, Avaliadór Nasionál sira, Reitór husi Instituisaun Ensinu Superiór Privadu no Públiku sira.

Média UNTL : Leonia Araújo (estajiária)
Foto : Pio Belo Ximenes (voluntáriu)

 

Comment

175682500 4311859982168687 6463084946215092011 n

#TimorLeste #UNTL #FCS #DIKS #COVID19 #COVID19TL 22 Jullu 2021

Universidade Nacional Timor Lorosa’e (UNTL) nia Dekanu Fakuldade Siénsia Sosiál (FCS), Profesór Camilo Ximenes Almeida, iha Kampus Kaikoli UNTL nian Díli (13/07) hateten, Departamentu Inkluzaun Komunitária Sosiál (DIKS) sei fó edukasaun espesiál ba sidadaun dizabilidade sira iha nível superiór.
“Iha DIKS ida ne’e, primeiru misaun atu fó oportunidade ba ema sira ho kondisaun dizabilidade, nune’e mós ba família dizabilidade, maibé iha tinan oin (2022) sei loke espasu ba ema hotu atu bele mai rejista iha departamentu ne’e” dehan dekanu FCS.

182122190 4311860088835343 9170031787923890068 nIha fatin hanesan, Diretór DIKS, Profesór Januario Correia hateten katak, hahú iha 2018 departamentu ne’e sai hanesan área espesializasaun ida iha Departamentu Dezenvolvimentu Komunitária (DC), no bazeia ba despaxu Magnífiku Reitór, formalmente iha 1 Abril 2021, DIKS hanesan departamentu ida iha FCS.
“Bainhira iha 9 marsu 2021 ne’e, ita abertura aula ba tinan ida ne’e, entaun ami orienta estudante foun sira oinsa prienxe Fixa Planifikasaun Estudante (KRS) liuhusi online de’it, aleinde ne’e ami mós hahú aula online ba estudante sira iha ámbitu serka-sanitária”, dehan Diretór DIKS.

Profesór Correia salienta liután katak, durante serka-sanitária atividade aula online la’o hela, estudante sira partisipa hotu ho di’ak, no ba sira ne'ebé la partisipa sei buka meiu hodi rekupera.
DIKS ne’ebé antes ne’e integra iha DC, gradua ona graduadu hamutuk 81 ho nível baxarelatu (Diploma I) no ba Diploma III nia sei iha fase hakerek monografia, totál estudante 150.

Média UNTL : Altur Ramos (estajiáriu)
Foto : Altur Ramos(estajiáriu), Arquivu DIKS

 

Comment