- Detalhes
- Visualizações: 350
#TimorLeste #UNTL #NewZeland #UNDP #COVID19 #COVID19TL 16 Fevereiru 2022
Universidade Nacional Timor Lorosa’e (UNTL), liuhusi Diresaun Nasionál Património i Bens, simu apoiu AC (Air Conditioner) ho unidade 10 ne’ebé apoiu husi UNDP (United Nations Development Program), no apoiu ne’e entrega, iha Kampus Kaikoli UNTL nian, Díli, (16/02).
Proreitór ba Asuntu Dezenvolvimentu Instituisionál (PRADI), Profesór Doutór Lelis Gonzaga Fraga, agradese ba UNDP ne’ebé bele apoiu ekipamentu hirak ne’e ba universidade.
“Agradese ba Governu Nova Zelandia 🇳🇿 tanba bele aloka orsamentu mai iha Timor-Leste no implementa husi UNDP, hodi fó apoiu ekipamentu hirak ne’e mai iha UNTL, no espera bele hadia di’ak liután servisu sira iha universidade nasionál’’, tenik Profesór Lelis.
Iha fatin hanesan, Xefe Departamentu Patrimonio i Bens, Sr. Abrão Conceição Gomes da Silva, hateten, apoiu refere hanesan parte kooperasaun ida ba universidade.
‘’Ajuda hirak ne’e ita sei jere haree ba iha nesesidade, tanba fakuldade no diresaun iha AC balun aat ona, no bele troka fali ho foun ne’e’’, tenik Sr. Abrão.
Aleinde ne’e, Xefe Unidade Ozonu UNDP nian, Sr. Luis Belo, hateten, ekipamentu hirak ne’e parte husi “Public Awarness’’ ida ba Timor-Leste no apoiu husi Governu Nova Zelándia no implementa liuhusi UNDP.
“Ekipamentu hirak ne’e foun bolu naran R32 hodi troka AC tuan R22 ne’ebé agora sei uza no bainhira troka ami sei foti atu ba rai iha fatin formasaun Becora, nune’e labele uza no labele sobu atu estraga fali ambiente tanba nia iha gás esfadu bele estraga ambiente’’, tenik Sr.Luis Belo.
Média UNTL 📝 : Laurindo da Cruz Gomes
Foto 📷 : Avelino Bobo, Altur Ramos
- Detalhes
- Visualizações: 424
#TimorLeste #UNTL #JICATimorLeste #COVID19 #COVID19TL 15 Febreiru 2022
Universidade Nacional Timor Lorosa'e (UNTL) nia Magnífiku Reitor, Profesór dr. João Soares Martins MPH, Ph.D, enkontru ho delegasaun JICA (Japan International Cooperation Agency) 🇯🇵 nian, hodi haree hamutuk progresu projetu kooperasaun CADEFEST nian, iha Fakuldade Enjeñaria, Siénsia no Teknolojia (FECT), iha Sala Videokonferénsia UNTL nian, Díli (14/02).
Projetu CADEFEST (Desenvolvimento de Capacidades da Faculdade de Engenharia, Ciências e Tecnologia) implementa dezde tinan 2016 liubá. Iha okaziaun hanesan Magnífiku Reitor ho ekipa atualiza mós Planu Estratéjiku UNTL ne'ebé ligadu ba FECT nian ba delegasaun JICA nian, nune'e, bele haree posibilidade kooperasaun ba futuru.
Partisipa iha sorumutu ne'e Visereitór ba Asuntu Posgraduasaun no Peskiza, Profesor Doutór Afonso de Almeida, Proreitora ba Asuntu Kooperasaun, Profesora Doutora Lídia Gomes, Visedekanu ba Asuntu Kooperasaun no Peskiza FECT nian, Profesor Domingos de Sousa Freitas, delegado JICA nian husi Japaun, Dr. Watanabe Koichiro, representante inklui da JICA iha Timor-Leste Sr. Goto Ko ho nia ekipa.
Média UNTL 📝 : Agostinho da Cruz e Silva
Foto 📷 : Agostinho da Cruz e Silva
- Detalhes
- Visualizações: 376
#TimorLeste #UNTL #VRAAGQ #EmbaixadadePortugal #UniãoEuropeia 15 Fevereiru 2022
Universidade Nacional Timor Lorosa’e (UNTL), nia Visereitór ba Asuntu Akadémiku no Garantia Kualidade, Profesór Doutór Samuel Venâncio de Sousa Freitas, Ph.D, partisipa iha konferénsia “Timor-Leste na Expedição Magalhânica: Passado e Perspetiva Futuras” ne’ebé organiza husi Embaixada Portugal iha Díli, iha Sentru Kulturál Portugés, Díli (08/02).
Objetivu husi konferénsia ne’e, atu relembra fila-fali istória viajen husi Fernão de Magalhães, iha tinan atus lima (500) liubá ne’ebé ema dahuluk husi Europa, halo viajen haleu mundu ho ro-ahi, ne’ebé iha espetativa ba futuru, no interesante tebes ba Timor-Leste. 
Partisipa husi Embaixadór Portugál iha Timor-Leste, S.E. José Pedro Machado Vieira, Ex-Embaixadór União Europeia iha Timor-Leste Juan Carlos Rey, Ex-Ministru Ensinu Superiór Cabo Verde, António Correia e Silva, estudante no konvidadu sira.
Média UNTL 📝 : Denilson Amandio Barros
Foto 📷 : Avelino Bobo
- Detalhes
- Visualizações: 430
#TimorLeste #UNTL #GabCEDU #MESSK #COVID19 #COVID19TL 15 Fevereiru 2022
Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins, MPH Ph.D, ho Gabinete Sertifikasaun Dosente Universitáriu (GabCEDU) aprezenta hikas prosesu ba sertifikasaun dosente bazeia ba rekomendasaun ne’ebé antes ne’e hato’o husi Ministru Ensinu Superiór Siénsia no Kultura (MESSK), S.E. Longuinhos dos Santos.
Aprezentasuan ne’ebé hala’o iha salaun MESSK (14/02) ne’e, ho objetivu atu responde ba rekomendasaun sira mak hato'o husi MESSK, iha enkontru dahuluk (24/01) liubá. 
Partisipa iha sorumutu refere Visereitór ba Asuntu Administrasaun Finansa no Administradór-Jerál Prof. Dr. Helio A. da C. X. Mauquei, Proreitór ba Asuntu Planeamentu, Monitorizasaun no Avaliasaun, Profesór Nelson Salsinha, Ph.D, Diretór-Jerál GabCEDU, Profesór Doutór Rui da Cruz, ho nia ekipa, Diretora-Jerál Ensinu Superiór no Siénsia, Dra. Maria Filomena Lay Guterres, ho nia funsionáriu sira.
Média UNTL 📝 : Agostinho da Cruz e Silva
Foto 📷 : Avelino Bobo
- Detalhes
- Visualizações: 345
#TimorLeste #UNTL #DNAE #COVID19 #COVID19TL 15 Febreiru 2022
Universidade Nacional Timor Lorosa'e (UNTL) liuhusi Diresaun Nasionál Atendimentu Estudante (DNAE) nia Director, Sr. Rui Loco Pires, L.AP, iha Kampus Sentrál UNTL nian, Díli (8-02) hateten re-ingressu no semestre impár 2022 nian, dezde 17 de janeiro estudante na'in rihun sanulu resin neen, atus lima neenulu resin haat (16564) mak rejista ona. 
"Estudante UNTL hamutuk rihun haatnulu resin tolu, atus neen ualunulu resin neen (43686), husi totál ne'e estudante ne'ebé mai tuir ona rejistrasaun hamutuk 16564 no estudante ne'ebé seidauk tuir rejistrasaun hamutuk 27122", hatutan Diretór Rui.
Diretor DNAE ne'e hateten, fatin haat ne'ebé utiliza hodi halo rejistrasaun propinas ba estudante semestre impár 2022 mak, Fakuldade Siánsia Sosiál (FCS), Fakuldade Edukasaun, Arte no Umanidade (FEAH), Fakuldade Ekonomia no Jestaun (FEG) no Kampus Sentrál. 
“Ha'u fiar katak estudante sira sei mai halo rejistrasaun tuir kalendáriu ne'ebé husi parte DNAE avizu ona, idaidak ba tuir Fakuldade iha lokál rejista hanesan iha Kampus Sentrál, Canto Resende (FEG), Liceu no Kaikoli”, dehan Diretór DNAE.
Sr. Rui mós husu ba estudante sira ne'ebé seidauk re-ingresu, bele hakbesik ba idaidak nia lokál rejistu ona loron ikus mak 18 Febreiru, enkuantu estudante ne'ebé la rejistu sei la hetan subsídiu propinas ne'ebé Governu fó ba UNTL.
Média UNTL 📝 : Altur Ramos
Foto 📷 : Leonia de A. da Costa