- Detalhes
- Visualizações: 429
#TimorLeste #UNTL #GabCEDU #MESSK #COVID19 #COVID19TL 15 Fevereiru 2022
Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins, MPH Ph.D, ho Gabinete Sertifikasaun Dosente Universitáriu (GabCEDU) aprezenta hikas prosesu ba sertifikasaun dosente bazeia ba rekomendasaun ne’ebé antes ne’e hato’o husi Ministru Ensinu Superiór Siénsia no Kultura (MESSK), S.E. Longuinhos dos Santos.
Aprezentasuan ne’ebé hala’o iha salaun MESSK (14/02) ne’e, ho objetivu atu responde ba rekomendasaun sira mak hato'o husi MESSK, iha enkontru dahuluk (24/01) liubá. 
Partisipa iha sorumutu refere Visereitór ba Asuntu Administrasaun Finansa no Administradór-Jerál Prof. Dr. Helio A. da C. X. Mauquei, Proreitór ba Asuntu Planeamentu, Monitorizasaun no Avaliasaun, Profesór Nelson Salsinha, Ph.D, Diretór-Jerál GabCEDU, Profesór Doutór Rui da Cruz, ho nia ekipa, Diretora-Jerál Ensinu Superiór no Siénsia, Dra. Maria Filomena Lay Guterres, ho nia funsionáriu sira.
Média UNTL 📝 : Agostinho da Cruz e Silva
Foto 📷 : Avelino Bobo
- Detalhes
- Visualizações: 376
#TimorLeste #UNTL #VRAAGQ #EmbaixadadePortugal #UniãoEuropeia 15 Fevereiru 2022
Universidade Nacional Timor Lorosa’e (UNTL), nia Visereitór ba Asuntu Akadémiku no Garantia Kualidade, Profesór Doutór Samuel Venâncio de Sousa Freitas, Ph.D, partisipa iha konferénsia “Timor-Leste na Expedição Magalhânica: Passado e Perspetiva Futuras” ne’ebé organiza husi Embaixada Portugal iha Díli, iha Sentru Kulturál Portugés, Díli (08/02).
Objetivu husi konferénsia ne’e, atu relembra fila-fali istória viajen husi Fernão de Magalhães, iha tinan atus lima (500) liubá ne’ebé ema dahuluk husi Europa, halo viajen haleu mundu ho ro-ahi, ne’ebé iha espetativa ba futuru, no interesante tebes ba Timor-Leste. 
Partisipa husi Embaixadór Portugál iha Timor-Leste, S.E. José Pedro Machado Vieira, Ex-Embaixadór União Europeia iha Timor-Leste Juan Carlos Rey, Ex-Ministru Ensinu Superiór Cabo Verde, António Correia e Silva, estudante no konvidadu sira.
Média UNTL 📝 : Denilson Amandio Barros
Foto 📷 : Avelino Bobo
- Detalhes
- Visualizações: 341
TimorLeste #UNTL #VRAE #UNWOMENTimorLeste #COVID19 #COVID19TL 15 Fevereiru 2022
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D, hamutuk ho Visereitora ba Asuntus Estudantís (VRAE), Profesora Eng.ª Lígia Tomás Correia, M.Sc, hasoru malu ho Xefe Gabinete UNWomen Timor-Leste, Nishtha Satya, hodi diskute kontinuasaun programa Kampus Seguru, iha Kampus Sentrál Dili Timor-Leste (10/02).
Magnífiku Reitór hateten, importante tebes atu kontinua implementa Programa Kampus Seguru iha UNTL liuliu separa haris fatin, kria ekipa konsellu hodi kombate violénsia hasoru feto inklui programa sira seluk ne’ebé sei hala’o fali iha tinan oin.
“Ha’u sente interesante no importante tebes atu kontinua ita-nia kooperasaun ne’e tanba ita presiza kontinua implementa programa ne’e, liuliu hafahe haris fatin ba feto no mane, UNTL mós sei kria ekipa konsellu ida hodi haree asuntu direitu feto, no kombate violénsia hasoru feto sira nomós programa seluk ne’ebé ita atu hala’o iha tinan oin”, tenik Reitór.
Relasiona ho kooperasaun ne’ebé iha antes ne’e UNTL hamutuk ho UNWomen iha Timor-Leste implementa ona Programa Kampus Seguru hanesan Kompetisaun Diskursu Públiku, Hakerek Artigu, Pintura, MC no Kuda Aioan hodi hamatak kampus, halo promosaun ba kombate violénsia hasoru feto liuhusi Anúnsiu Públiku.
Média UNTL 📝 : Leonia de A. da Costa
Foto 📷 : Agustinho da Cruz E Silva
- Detalhes
- Visualizações: 345
#TimorLeste #UNTL #DNAE #COVID19 #COVID19TL 15 Febreiru 2022
Universidade Nacional Timor Lorosa'e (UNTL) liuhusi Diresaun Nasionál Atendimentu Estudante (DNAE) nia Director, Sr. Rui Loco Pires, L.AP, iha Kampus Sentrál UNTL nian, Díli (8-02) hateten re-ingressu no semestre impár 2022 nian, dezde 17 de janeiro estudante na'in rihun sanulu resin neen, atus lima neenulu resin haat (16564) mak rejista ona. 
"Estudante UNTL hamutuk rihun haatnulu resin tolu, atus neen ualunulu resin neen (43686), husi totál ne'e estudante ne'ebé mai tuir ona rejistrasaun hamutuk 16564 no estudante ne'ebé seidauk tuir rejistrasaun hamutuk 27122", hatutan Diretór Rui.
Diretor DNAE ne'e hateten, fatin haat ne'ebé utiliza hodi halo rejistrasaun propinas ba estudante semestre impár 2022 mak, Fakuldade Siánsia Sosiál (FCS), Fakuldade Edukasaun, Arte no Umanidade (FEAH), Fakuldade Ekonomia no Jestaun (FEG) no Kampus Sentrál. 
“Ha'u fiar katak estudante sira sei mai halo rejistrasaun tuir kalendáriu ne'ebé husi parte DNAE avizu ona, idaidak ba tuir Fakuldade iha lokál rejista hanesan iha Kampus Sentrál, Canto Resende (FEG), Liceu no Kaikoli”, dehan Diretór DNAE.
Sr. Rui mós husu ba estudante sira ne'ebé seidauk re-ingresu, bele hakbesik ba idaidak nia lokál rejistu ona loron ikus mak 18 Febreiru, enkuantu estudante ne'ebé la rejistu sei la hetan subsídiu propinas ne'ebé Governu fó ba UNTL.
Média UNTL 📝 : Altur Ramos
Foto 📷 : Leonia de A. da Costa
- Detalhes
- Visualizações: 391
#TimorLeste #UNTL #VRAE #FEG #SECOOP #COVID19 #COVID19TL 14 Fevereiru 2022
Universidade Nacional Timor Lorosa'e (UNTL) nia Visereitoria ba Asuntu Estudantís koopera ho Sekretaria Estadu Kooperativa (SEKOOP) fasilita formasaun durante loron haat (8-11 fevereiru) ba estudante no alumni, na’in tolu nulu resin lima (35) kona-ba olprosesu harii kooperativa, iha kampus Fakuldade Ekonomia no Jestaun FEG-UNTL nian, Díli (11/02).
Visereitora ba Asuntu Estudantís (VRAE), Profesora Eng.ª Lígia Tomás Correia, M.Sc agradese ba SEKOOP ne'ebé ho vontade hodi fahe matenek ba alumni no estudante universidade nian, atu prepara sira harii kooperativa iha futuru.
"Agradese ba formasaun ne'ebé hala'o durante loron haat (4) liuliu ba formador sira ne'ebé ho vontade hodi oferese formasaun ba mai nia alumni no estudante sira, no rezultadu husi atividade ne’e bele kontribui ba sira idaidak nia futuru", tenik Visereitora.
Iha fatin hanesan, Diretór-Jerál SEKOOP nian, Sr. Francisco Xavier, husu ba alumni no estudante sira ne’ebé partisipa ona iha formasaun atu tau matenek no koñesimentu ne'ebé di'ak hodi aplika ba prátika.
"Agradese ba formandu sira liuliu Profesora Lígia Tomas Correia no Profesora Brígida Correia liuhusi inisiativa bele hamosu formasaun oinsa bele iha koñesimentu kona-ba kooperativa hodi fasilita estudante no alumni sira iha universidade", tenik Diretór-Jerál.
Iha fatin hanesan, formandu João Francisco Ruas Hornai hateten, durante loron haat sira aprende kona-ba kooperativa, prosesu harii no jere kooperativa ho diak, kontabilidade jestaun no finanseiru kooperativa nian.
"Ami senti kontente tanba simu matéria hirak ne'e sai hanesan bukae ba ami no komprende tipu kooperativa sira oinsá mak akadémiku bele harii kooperativa iha universidade", dehan. 
Média UNTL 📝 : Denilson Amandio Barros
Foto 📷 : Denilson Amandio Barros