- Detalhes
- Escrito por Mateus Goncalves
- Visualizações: 298
#TimorLeste #UNTL #VRAPGP #COVID19 #COVID19TL 17 de Novembro de 2021
Universidade Nacional Timor Lorosa'e (UNTL) liuhusi Visereitoria ba Asuntu Pós-Graduasaun no Peskiza (VRAPGP), realiza siklu ba reflesaun ho tema “A UNTL EO SEU FUTURO” durante loron rua hahú husi loron 15-16 novembru, iha Sentru Kulturál Portugés , Embaixada Portugal iha Díli (15-11).
Relasiona ho eventu refere, Magnífiku Reitor, Profesór dr. João Soares Martins MPH, Ph.D, hateten activity ne'e realiza hodi selebra aniversáriu UNTL nian ba dala 21 (2000-2021), atu reflete fila fali saida mak ita halo ona no oinsá planu ba futuru UNTL, bele sai Sentru Exelénsia iha Timor-Leste.
“Atividade ida ne'e ita realiza hodi selebra aniversáriu UNTL nian ba dala 21, no ita haree liu ba saida mak ita halo tiha ona, no oinsá ita hotu nia planu atu lori UNTL sai Sentru Exelénsia iha ita nia Nasaun, bazeia ba Misaun no Vizaun Universidade nian”, tenik Reitor.
Iha fatin hanesan Embaixador Portugál nian iha Díli, SE José Pedro Machado Vieira, odeie, tema “UNTL e Seu Futuro” não priense mas dalen inglês hanesan parte importante no hatudu mudansa ba UNTL iha futuru.
“Ohin UNTL marka ona ba 21 anos, ita hotu tenke sentraliza iha dalen portugés hodi reflete no hadia ba oin, nune'e mós implementa Língua Portugueza iha universidade, tanba ne'e kooperasaun ida ne'e strong no sei kontinua promove liután” , dehan Embaixador.
Partisipa iha eventu ne'e, Visereitór, Proreitor, Dekanu, Visedekanu, Dosente, Funsionáriu, Estudante, Diretora-Jérál Ministériu Ensinu Superiór Siénsia no Kultura, Dra. Maria Filomena Lay Guterres, no konvidadu sira.
Média UNTL 📝: Leonia de A. da Costa
Foto 📷: Denilson A. Barros
- Detalhes
- Escrito por Mateus Goncalves
- Visualizações: 342
#TimorLeste #UNTL #VRAE #COVID19 #COVID19TL 16 Novembro 2021
Universidade Nacional Timor Lorosa'e (UNTL) nia Magnífiku Reitor, Profesór dr. João Soares Martins, MPH, Ph.D, halo abertura da atividade kompetisaun programa 4 (Master of Cerimony, Jornal Parede, Traballu Sientífiku, Fotográfiku, Trio-Vocal) ne'ebé promove husi Visereitoria ba Asuntu Estudantís (VRAE) hodi komemora Diesnatalis ba dala XXI (2000-2021).
“Ha'u husu ba estudante sira atu kompete ho didi'ak no imi mós tenke hatudu imi-nia talentou atu sai vensedór iha eventu sira hanesan ne'e, maibé labele haree ema sira ne'ebé imi konsege manan kiik liu fali, tanba karik sira laiha ita labele sai vensedór, nune'e mós hatudu kultura ita respeitu malu”, tenik Reitor.
Magnífiku Reitor dezeju, husi Aniversáriu UNTL nian ba dala XXI, sei fortalese liután ezisténsia UNTL nian hodi kontribui ba dezenvolvimentu siénsia no teknolójia, peskiza, service komunitária iha nasaun ida ne'e.
“Aniversáriu Universidade nian ba tinan 21 ne'e, dezeja bele fortalese ezisténsia UNTL nian iha Timor-Leste, liuliu estudante sira bele maduru aplika siénsia ne'ebé imi aprende iha sosiedade, no sai esperansa ba família, ho meiu partisipa iha atividade sira ne 'e hodi hasa'e liután kapasidade”, hatutan.
Iha fatin hanesan, tuir Visereitora ba Asuntu Estudantís, Profesora Eng.ª Lígia Tomás Correia, M.Sc hateten, atu selebra aniversáriu, UNTL hala'o programa hirak ne'e hodi konkista estudante sira-nia abilidade, hodi enkoraja sira bele halo mudansa litán.
“Ita atu selebra dala XXI ba ezisténsia UNTL nian mak ita mós realiza programa hirak ne'e, nune'e bele konkista estudante sira nia talentu, no ita mós sei foka ba talentu sira ne'e, nune'e bele enkoraja sira kontinua mantein no dezenvolve sira-nia poténsia sira ne'e”, dehan VRAE.
Viseireitora mós sent satisfeitu tanba maské iha difikuldade barak,maibé estudante sira partisipa másimu nune'e dezenvolve di'ak liután sira-nia talentu.
Partisipa iha abertura ne'e, Visereitór, Proreitor, Diretór-Jerál, Dosente, Funsionáriu no Estudante sira, inklui konvidadu sira.
Média UNTL 📝: Leonia de A. da Costa
Foto 📷: Leonia de A. da Costa
- Detalhes
- Escrito por Mateus Goncalves
- Visualizações: 301
#TimorLeste #UNTL #FECT #DEGP #COVID19 #COVID19TL 9 Novembru 2021
Universidade Nacional Timor Lorosa’e (UNTL) nia Fakuldade Enjeñaria Siénsia no Teknolojia (FECT), liuhusi Departamentu Enjeñaria Jeolojia i Petróliu (DEGP), dezloka estudante na’in ualunulu resin sia (89) bá Munisipiu Ainaro, Postu-Administrativu Hatubuiliku hodi hala’o peskiza kona-ba rekursu jeolójiku sira, durante semana ida (9-16 novembru).
DEGP nia Profesór Asistente, Osvaldo da Cruz Sarmento, iha Kampus Sentrál UNTL nian, Díli (9/11) hateten, liuhusi estudu refere hanesan prátika ba estudante sira kona-ba téknika foti dadus Jeolojia nian iha terrenu.
“Objetivu husi peskiza ida ne’e atu estudante sira bele identifika rekursu jeolójiku sira, hafoin ita analiza iha laboratóriu atu bele halo mapa ida di’ak nomós ita bele hatene kondisaun fatuk no minerais sira, rekursu bee, no obra enjeñaria nia risku sira, ita tenki hatudu ba estudante sira”, tenik profesór Osvaldo.
Profesór ne’e mós hatutan tan katak, peskiza ida ne’e sei hala’o kada tinan tinan iha semestre tanba sira iha prátika ba laboratóriu hodi analiza nia prosedimentu sira, no prátika iha kampu hodi hatene halo mapamentu ba rekursus jeolójiku sira iha lokál destinadu sira.
Iha fatin hanesan, peskizadór Noenio Falcatario Lay Pinto hateten, atividade ne’ebé hala’o ajuda estudante sira aprende iha prátika no maneira rekolla dadus no analiza.
“Liuhusi estudu ne’e ami sei hatene maneira no téknika ida ne’ebé profesór sira adisiona mai ami atu prepara ami, atu hakerek ami-nia teze iha semestre ikus nian, no oinsa ami atu foti dadus no halo mapamentu ba área ne’ebé ami-nia peskiza atu kria mapa ida ba rekursu naturais sira, liu-liu iha área Jeolojia nian”, dehan Noenio.
Hafoin rekolla dadus iha terrenu, estudante sira sei halo rekapitulasaun hetan orientasaun husi dosente, analiza, rezultadu ikus sei publika hanesan artigu sientífiku iha Jornál Fakuldade nomós entrega enkamiña ba Centro Nacional de Investigação Científica (CNIC) hodi publika.
Média UNTL 📝: Laurindo da Cruz Gomes
Foto 📷: Laurindo da Cruz Gomes
- Detalhes
- Escrito por Mateus Goncalves
- Visualizações: 341
#TimorLeste #UNTL #SEJD #CUBA #COVID19 #COVID19TL 12 de novembro de 2021
Universidade Nacional Timor Lorosa'e (UNTL) nia Magnífiku Reitor, Profesór dr. João Soares Martins, MPH, Ph.D, asina Memorandu Entendimentu (MoU) do SE Sekretáriu Estadu Juventude no Desportu (SEJD), Eng. Abrão Saldanha, não representante Ministro Ensinu Superiór Cuba (MES-CUBA) nian, Sr. José Ernesto Días Pérez, iha salaun SEJD nian, Díli (11/11).
“Ha'u hakarak agradese ba SEJD no reprezentante MES-CUBA tanba bele selebra akordu ne'e hodi eleva formasaun ba foinsa'e sira liuhusi Departamentu Ensinu Edukasaun Fízika no Desportu Fakuldade Edukasaun, Arte no Umanidade (DEFD-FEAH), no bele ajuda Departamentu ne'e iha prosesu ba Avaliasaun Programátika iha futuru ne'ebé hala'o husi ANAAA”, tenik Reitor.
Reitor mós hatutan tan katak, akordu refere importante tebes atu lori joven timorense sira sai desportivu, kompetitivu no iha kapasidade di'ak iha area desportu.
Iha fatin hanesan, SE Eng. Abrão Saldanha, hateten akordu triparte entre Governu Timor-Leste, Governu Cuba liuhusi MES-CUBA no UNTL iha ámbitu kooperasaun ba formaaun tékniku atu lori tan profesór sira bá UNTL iha area desportu nian.
“Antes ne'e Governu, Universidade ho Cuba selebra tiha ona akordu ida, ho ida ne'e, ohin ne'e ita halo akordu, nune'e operasionaliza implementasaun atu lori Profesor Kubanu na'in haat hodi haforsa DEFD-FEAH hodi prepara profesór inklui fasilidade prátika”, dehan SEJD Sr. Abrão.
Iha fatin hanesan, representante MES-CUBA, Sr. José Ernesto Días Pérez, odiado, asina akordu importante no MES-CUBA sei nafatin fó apoiu iha parte Desportu nian.
“Ami prepara ona profesór na'in haat, ida Doutoramentu no nain tolu Mestradu, no ami asegura katak sei prepara timoroan sira ba profisionál desportu nian iha nível sientífiku nian, tanba ita haree Timor-Leste iha kapasidade, no ba oin sei dezenvolve di' ak liután”, tenik Pérez.
Partisipa iha asinatura MoU ne'e Visereitór, Proreitor, Dekanu, no Xefe DEFD, Diretór-Jerál, no konvidadu sira.
Média UNTL 📝: Laurindo da Cruz Gomes
Foto 📷: Pio Belo Ximenes
- Detalhes
- Escrito por Mateus Goncalves
- Visualizações: 712
: Leonia de A. da Costa