- Detalhes
- Escrito por Mateus Goncalves
- Visualizações: 309
#TimorLeste #UNTL #UmaAmericanConner #COVID19# COVID19TL 18 Novembru 2021
Universidade Nacional Timor Lorosa’e (UNTL), nia Magnífiku Reitór, Profesór dr. João Soares Martins, MPH, PhD, akompaña husi Kordenadór Uma Amérika nian, Sr. Ezaquiel de Jesus Ribeiro, komemora loron aniversáriu Uma Amérika ba dala lima (2016-2021), iha Sentru Uma Amérika UNTL nian, Díli (16/11).
Iha serimónia ne’e, Magnífiku Reitór, hateten atividade uma Amérika nian atu promove Língua Ingleza no ajuda estudante asesu ba biblioteka online nomós atu promove kultura Amérika 🇺🇲 iha Timor-Leste, liuhusi iha universidade. 
“Uma Amérika mós prepara joven sira ba estuda iha Amérika, karik hetan bolsa estudu no fó mós formasaun atu nune’e bele hetan koñesimentu kona-ba vivénsia kultura Amérika nian”, tenik Reitór.
Iha fatin hanesan, Koordenadór Uma Amérika nian, rekoñese katak, uma Amérika eziste durante tinan lima, atividade ne’ebé halo fó formasaun ba estudante no joven sira, nomós barak maka hetan ona benefisiu husi programa Uma Amérika nian.
“Uma Amérika mós halibur estudante no joven sira atu partilla informasaun liuhusi programa ne’ebé iha nomós oinsá atu kapasita joven sira iha Língua Ingleza”, tenik koordenador.
Iha serimonia ne'e, fahe mos serifikadu ba formanadu sira, no partisipa husi dosente, funsionáriu, estudante no konvidadu sira.
Média UNTL 📝: Denilson A. Barros
Foto 📷: Denilson A. Barros
- Detalhes
- Escrito por Mateus Goncalves
- Visualizações: 267
#TimorLeste #UNTL #MESSK #FDCH #COVID19 #COVID19TL 12 Abril 2022
Universidade Nacional Timor Lorosa'e (UNTL) nia Magnífiku Reitor, Profesór dr. João Soares Martins, MPH, Ph.D, hamutuk ho Ministru Ensinu Superiór, Siénsia no Kultura (MESSK), SE Longuinhos dos Santos, inaugura edifício fundado no funsionamentu Administrasaun Jerál Universidade nian, iha Kampus Sentrál UNTL nian, Díli, (12/04 ).
“Agradese ba Reitor sesante, Profesor Doutór Francisco Miguel Martins, ho nia estrutura, no MESSK, ne'ebé iha VIII Governu ho esforsu konsege harii edifísiu ne'e, tanba ho kolaborasaun hirak ne'e bele kria kondisaun ba funsionamentu Administrasaun Jerál nian” , dehan Magnífiku Reitor iha nia diskursu.
Profesór João mós husu ba estrutura Administradór Jerál nian ho funsionáriu sira atu uza edifisiu foun tenke dezempeñu servisu ho di’ak no profisionál liután iha UNTL no uza hanesan na’in no responsabilidade.
Ministru Ensinu Superiór, Siénsia no Kultura, S.E. Longuinhos dos Santos, hateten, infraestrutura importante atu hadia kualidade ensinu, tanba ne’e maka VIII Governu liuhusi MESSK esforsu makaas hodi tulun kondisaun no dezenvolve UNTL sai hanesan projetu kualidade sientífiku no pedagójiku nian.
“Ohin ita inaugura edifísiu foun ne’e, liuliu ba administrasaun nian tanba liuhusi administrasaun mak fó impaktu pozitiva ba efisiénsia no efikásia servisu funsionáriu sira, tanba ne’e maka VIII Governu liuhusi MESSK esforsu makaas hodi tulun kondisaun no dezenvolve UNTL sai hanesan projetu kualidade liuliu sientífiku no pedagójiku nian ba Timor-Leste”, tenik.
Partisipasaun husi Reitór sesante, Profesór Doutór Francisco Miguel Martins, no nia estrutura, estrutura atuál Visereitór, Proreitór, Diretór-Jerál, Diretór Nasionál, Dekanu, Visedekanu, Funsionáriu, Estudante sira, Embaixadóra Portugal iha Timor-Leste, Dra. Manuela Bairos, Diretór Ezekutivu Fundu Dezenvolvimentu Kapitál Umanu (FDCH), Profesór Doutór Cristóvão dos Reis, Prezidente Komisaun Funsaun Públika (CFP), Profesór Doutór Faustino Cardoso Gomes, no konvidadu sira.
Média UNTL 📝 : Leonia de Araújo da Costa
Foto 📷 : Denilson Amandio Barros&Laurindo da C Gomes
- Detalhes
- Escrito por Mateus Goncalves
- Visualizações: 298
#TimorLeste #UNTL #VRAPGP #COVID19 #COVID19TL 17 de Novembro de 2021
Universidade Nacional Timor Lorosa'e (UNTL) liuhusi Visereitoria ba Asuntu Pós-Graduasaun no Peskiza (VRAPGP), realiza siklu ba reflesaun ho tema “A UNTL EO SEU FUTURO” durante loron rua hahú husi loron 15-16 novembru, iha Sentru Kulturál Portugés , Embaixada Portugal iha Díli (15-11).
Relasiona ho eventu refere, Magnífiku Reitor, Profesór dr. João Soares Martins MPH, Ph.D, hateten activity ne'e realiza hodi selebra aniversáriu UNTL nian ba dala 21 (2000-2021), atu reflete fila fali saida mak ita halo ona no oinsá planu ba futuru UNTL, bele sai Sentru Exelénsia iha Timor-Leste.
“Atividade ida ne'e ita realiza hodi selebra aniversáriu UNTL nian ba dala 21, no ita haree liu ba saida mak ita halo tiha ona, no oinsá ita hotu nia planu atu lori UNTL sai Sentru Exelénsia iha ita nia Nasaun, bazeia ba Misaun no Vizaun Universidade nian”, tenik Reitor.
Iha fatin hanesan Embaixador Portugál nian iha Díli, SE José Pedro Machado Vieira, odeie, tema “UNTL e Seu Futuro” não priense mas dalen inglês hanesan parte importante no hatudu mudansa ba UNTL iha futuru.
“Ohin UNTL marka ona ba 21 anos, ita hotu tenke sentraliza iha dalen portugés hodi reflete no hadia ba oin, nune'e mós implementa Língua Portugueza iha universidade, tanba ne'e kooperasaun ida ne'e strong no sei kontinua promove liután” , dehan Embaixador.
Partisipa iha eventu ne'e, Visereitór, Proreitor, Dekanu, Visedekanu, Dosente, Funsionáriu, Estudante, Diretora-Jérál Ministériu Ensinu Superiór Siénsia no Kultura, Dra. Maria Filomena Lay Guterres, no konvidadu sira.
Média UNTL 📝: Leonia de A. da Costa
Foto 📷: Denilson A. Barros
- Detalhes
- Escrito por Mateus Goncalves
- Visualizações: 336
#Timorleste #UNTL #PRAPA #COVID19 #COVID19TL 17 Novembro 2021
Universidade Nasional Timor Lorosa'e (UNTL) liuhusi Proreitoria ba Asuntu Provedoria no Akonsellamentu (PRAPA) nia Amu Kapelaun, Padre Nívio Lebre Correia, Fdcc, hamutuk ho estrutura universidade nian no Sívitas Akadémika selebra misa agradesimentu ba aniversáriu UNTL nian ba dala XXI iha Kampus Hera, Díli (17/11).
Padre Kapelaun UNTL nian Pe. Nívio Lebre Correia, liuhusi omilia konvida Sívitas Akadémika tomak atu agradese ba Maromak ba ezisténsia universidade nian (2000-2021), reflete katak “buat hotu ne'ebé iha rai ne'e Maromak nian”.
“Ohin ita halibur hamutuk iha ne'e atu agradese ba Maromak ba ezisténsia UNTL nian iha Timor-Leste, tanba ne'e ha'u husu ita hotu mi reflete ba Salmu ne'ebé liu dadaun katak “buat hotu iha rai ne'e Maromak nian inklui ita-nia vida”, dehan Padre Nívio.
Padre Nivio hatutan katak, ho idade XXI ne'e hanesan ema karik, bele foti ona desizaun rasik ba nia an ona, tanba ne'e keta haluha katak, matenek no buat hotu ne'ebé ema sempre iha prezensa Maromak nian.
Padre Kapelaun mós enkoraja estrutura universidade nasionál nian no Sívitas Akadémika tomak nafatin esforsu nune'e matenek ne'ebé hetan kontribui ba mudansa sosiedade nian nomós ba nasaun ida ne'e.
Partisipa iha misa refere, Magnífiku Reitor, Profesór dr. João Soares Martins, MPH, Ph.D, Visereitór, Proreitor, Dekanu no Sívitas Akadémika UNTL nian.
Média UNTL 📝: Leonia de A. da Costa
Foto 📷: Leonia de A. da Costa
- Detalhes
- Escrito por Mateus Goncalves
- Visualizações: 342
#TimorLeste #UNTL #VRAE #COVID19 #COVID19TL 16 Novembro 2021
Universidade Nacional Timor Lorosa'e (UNTL) nia Magnífiku Reitor, Profesór dr. João Soares Martins, MPH, Ph.D, halo abertura da atividade kompetisaun programa 4 (Master of Cerimony, Jornal Parede, Traballu Sientífiku, Fotográfiku, Trio-Vocal) ne'ebé promove husi Visereitoria ba Asuntu Estudantís (VRAE) hodi komemora Diesnatalis ba dala XXI (2000-2021).
“Ha'u husu ba estudante sira atu kompete ho didi'ak no imi mós tenke hatudu imi-nia talentou atu sai vensedór iha eventu sira hanesan ne'e, maibé labele haree ema sira ne'ebé imi konsege manan kiik liu fali, tanba karik sira laiha ita labele sai vensedór, nune'e mós hatudu kultura ita respeitu malu”, tenik Reitor.
Magnífiku Reitor dezeju, husi Aniversáriu UNTL nian ba dala XXI, sei fortalese liután ezisténsia UNTL nian hodi kontribui ba dezenvolvimentu siénsia no teknolójia, peskiza, service komunitária iha nasaun ida ne'e.
“Aniversáriu Universidade nian ba tinan 21 ne'e, dezeja bele fortalese ezisténsia UNTL nian iha Timor-Leste, liuliu estudante sira bele maduru aplika siénsia ne'ebé imi aprende iha sosiedade, no sai esperansa ba família, ho meiu partisipa iha atividade sira ne 'e hodi hasa'e liután kapasidade”, hatutan.
Iha fatin hanesan, tuir Visereitora ba Asuntu Estudantís, Profesora Eng.ª Lígia Tomás Correia, M.Sc hateten, atu selebra aniversáriu, UNTL hala'o programa hirak ne'e hodi konkista estudante sira-nia abilidade, hodi enkoraja sira bele halo mudansa litán.
“Ita atu selebra dala XXI ba ezisténsia UNTL nian mak ita mós realiza programa hirak ne'e, nune'e bele konkista estudante sira nia talentu, no ita mós sei foka ba talentu sira ne'e, nune'e bele enkoraja sira kontinua mantein no dezenvolve sira-nia poténsia sira ne'e”, dehan VRAE.
Viseireitora mós sent satisfeitu tanba maské iha difikuldade barak,maibé estudante sira partisipa másimu nune'e dezenvolve di'ak liután sira-nia talentu.
Partisipa iha abertura ne'e, Visereitór, Proreitor, Diretór-Jerál, Dosente, Funsionáriu no Estudante sira, inklui konvidadu sira.
Média UNTL 📝: Leonia de A. da Costa
Foto 📷: Leonia de A. da Costa