- Detalhes
- Escrito por Mateus Goncalves
- Visualizações: 312
Universidade Nacional Timor Lorosa’e (UNTL) liuhusi Faculdade de Economia e Gestão (FEG) nia Assosiasaun Akadémika Estudantil (AAE) realiza atividade Kultura Akadémika ho tema “Promove Kultura Akadémika Kontribui ba Dezenvolvimentu Ekonomia iha Timor-Leste’’, iha Auditóriu FEG-UNTL nian, Díli (25/10).
Prezidente Komisaun Organizadora Ronaldo da Silva hatete, atividade ne’e iha sekuénsia haat hanesan Seminariu, Diskusaun Aberta, Apresentasaun Mellór Graduadu no Diskursu Públiku atu bele promove estudante sira-nia koñesimentu iha área idak-idak nian.
‘’Objetivu husi ita-nia atividade ida ne’e atu konvida fali Mellór Graduadu sira FEG nian atu bele lori fali sira-nia projetu mai halo apresentasaun ba estudante sira hodi sai hanesan bukae ida iha prosesu aprendizajen nune’e ba oin estudante sira bele hatene ona oinsa prosesu hakerek monografia no oinsa bele halo peskiza’’, dehan Ronaldo.
Iha fatin hanesan, Oradora Cecilia Gomes Amaral Corte-real hatete, nia aprezenta kona-ba (Turizmo e Desenvolvimento Sustentavel iha Zona Espesiais Oecuse AmbenoTimor Leste) no ida ne’e mak Disertasaun Mestradu nian hakarak apresenta ba estudante sira atu bele foti sai hanesan materia ida ba sira iha sira nia prosesu aprendizajen.
“Agora vantajen husi ne’e ba estudante sira mak fó hanoin ba sira kona-ba oinsá estrutura hakerek no oinsa sira bele uza metodolojia sira no sira mós bele hatene oinsa bele estabelese objetivu ba peskiza nian klaru atu labele hamosu fali problemas ba iha peskiza, atu sira bele uza metodolijia sira hodi analiza dadus ka resultadu sira husi peskiza nian”, dehan Profesora Cecilia.
Atividade ne’e partisipa husi dosente, Assosiasaun Akadémika Estudantil Fakuldade (AAEF), Alumni sira no oradór sira inklui estudantes sira.
#TimorLeste #UNTL #FEG #AAE 26 Outubru 2023
Média UNTL 📝: Laurindo da Cruz Gomes
Foto 📷: Laurindo da Cruz Gomes
- Detalhes
- Escrito por Mateus Goncalves
- Visualizações: 228
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH, Ph.D, halo enkontru ho delegasaun husi Camões,I.P, Sra. Sima Ferreira, iha Sala-Videokonferénsia UNTL nian, Díli (25/10) hodi diskuti prosesu avaliasaun ba projetu FOCO iha Universidade Nasionál.
Enkontru ne'e, ho objetivu atu diskuti preparasaun ba avaliasaun no kooperasaun ho Camões, liuhusi projetu FOCO (Formar, Orientar, Certificar e Otimizar). Nune'e bele hadia kontinuasaun formasaun Língua Portuguesa iha universidade nomós ba públiku.
Partisipa husi Visereitór ba Asuntu Pós-Graduasaun no Peskiza, Profesór Afonso de Almeida, Visereitór ba Asuntu Akadémika no Garantia Kualidade, Profesór Samuel Venâncio de Sousa Freitas, no ekipa husi Camões nian.
#TimorLeste #UNTL #Canoes IP #ProjetoFOCO 25 Outubru 2023
Média UNTL 📝: Denilson Amandio Barros
Foto 📷: Denilson Amandio Barros
- Detalhes
- Escrito por Mateus Goncalves
- Visualizações: 208
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH, Ph.D, halo vizita hodi haree prosesu servisu administrativu no atividade Ensinu-Aprendizajen husi fakuldade tolu ne’ebé lokaliza iha Kampus Sentrál, Díli (25/10).
Visita refere ho objetivu atu haree direta kondisaun saladeaula sira, atividade ensinu-aprendizajen no servisu Administrativu nian iha Kampus Sentrál ba fakuldade tolu hanesan Faculdade de Agricultura, Faculdade de Filosofia e Ciência Humana (FFCH) no Faculdade de Direito.
Iha vizita ne'e, akompaña husi Diretór Jerál Servisu Apoiu Reitoria Sr. Jacinto H.S. Belo.
#TimorLeste #UNTL #DGSAR 25 Outubru 2023
Média UNTL 📝: Denilson Amandio Barros
Foto 📷: Denilson Amandio Barros
- Detalhes
- Escrito por Mateus Goncalves
- Visualizações: 317
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH, Ph.D, partisipa iha revizaun orsamentu fiskál tinan 2024 ne'ebé lidera husi, S.E Primeiru-Ministru, Kayrala Xanana Gusmão, iha Auditóriu Ministériu Finansas nian, Aitarak Laran Díli (24/10).
Revizaun ne'e hala'o ho objetivu atu rona aprezentasaun programa no planu sira, nune'e bele apoiu atividade ne'ebé ajusta ona kada linã ministerias, liuliu ajénsia autónomu sira, hafoin simu tetu fiskál ba OJE (Orçamento Geral de Estado) tinan 2024 nian.
Partisipa husi Visereitór ba Asuntu Akadémika no Garantia Kualidade, Profesór, Samuel Venâncio de Sousa Freitas, Visereitór ba Asuntu Administrasaun Finansas no Administrador Jerál Profesór Helio A. X. Mauquei, Proreitór ba Asuntu Planeamentu Monitorizasaun no Avaliasaun, Profesór José Nelson Salsinha, Diretór Nasional Planu Finansas, Sr. Egídio do Santos Filipe, Ekipa husi Linã Ministeriais no Intituisaun públiku sira.
#TimorLeste #UNTL #PM #MF 25 Outubru 2023
Média UNTL 📝: Denilson Amandio Barros
Foto 📷: Denilson Amandio Barros
- Detalhes
- Escrito por Mateus Goncalves
- Visualizações: 230
Universidade Nacional Timor Lorosa'e (UNTL) nia estudante Faculdade de Agricultura (FAGRI), nia Departamento de Agronomia halo peskiza uza amostra batar no modo uza adubu no la uza adubu atu haree diferénsia husi rezultadu produsaun no identifika rai nia bokur.
Iha atividade kolleta ne’ebé hala’o iha Kampus Hera, Díli (24/11), Dekanu Fagri nian, Profesór Vicente de Paulo Correia, hatete, peskiza ne'e importante tebes, tanba lori teoria iha terenu hodi prátika, hodi buka hatene rai nia bokur no rezultadu husi batar ne'ebé sira uza adubu.
"Ha'u hanoin peskiza ne'e importante tebes, tanba estudante sira prátika direta teoria iha terenu no prátika refere nu'udar peskiza kiik ida ne'ebé estudante sira halo durante fulan tolu. Peskiza ne'e apoiu husi ACIAR (Australia Center for Internasional Agriculture Research (ACIAR), hodi buka hatene rai ninia bokur hodi halo produsaun", dehan Dekanu Fagri.
Profesor Marçal Gusmão hanesan orientadór iha peskiza ne’e hatete, peskiza ne'e hala'o iha munisípiu tolu hanesan, Ainaro, Díli no Baucau ho produtu rua modo no batar hanesan amostra.
"Peskiza ne'e ami uza produtu rua hanesan amosta mak modo no batar, peskiza ne'e realiza iha Ainaro, Baucau no Díli inklui Manufahi, no liuhusi peskiza ne'e mak atu identifika rai nia bokur" tenik Profesór Marçal.
Iha fatin hanesan estudante Gil Amaral da Costa nu’udar mós peskizadór hatete, peskiza ne'e hala'o durante fulan tolu ho objetivu hodi haree diferénsia entre utiliza adubu nomós balu la uza adubu nune'e hodi bele identifika rai nia bokur liuhusi batar nia isin di'ak ka la di'ak.
"Peskiza ida ne'e ami hala'o durante fulan tolu hodi hatene diferénsia husi amostra ne’ebé uza adubu no la uza adubu ba produsaun batar, no agora batar sira isin hotu ona, ita bele kolleta ona nomos bele han maibé antes kolleta presiza tetu hodi haree ninia todan" dehan Gil.
Peskizadór sira hamutuk 14, na’in haat peskiza iha Baucau, nain haat iha Ainaro, nain rua iha Hera-Díli no nain rua iha Manufahi, akompaña iha prosesu ne'e, Sr. Alex Peachey husi Toos ba Moris Di'ak (TOMAK), orientadór no estudante sira.
#TimorLeste #UNTL #FAGRI 25 Outubru 2023
Média UNTL 📝: Leonia de A. da Costa
Foto 📷: Laurindo da cruz Gomes