Dezde 2000 UNTL iha Viajen adakémika, no dezenvolvimentu institusionál konsege iha ona fakuldade sia; kompostu husi departamentu 39 ho programa Pós-Graduasaun I Peskiza no Unidade oioin konta husi apoiu komunidade, sivitas akadémiku sira, Estadu no instituisaun ne’ebé iha lasu kooperasaun.
Iha entrevista Magnífiku Reitór Francisco Miguel Martins ho orgullu katak mezmu ho dezafiu oioin maibé dinámika siénsia no teknolojia, produtivu iha dalan ida serteza ba prosesu dezenvolvimentu ensinu superiór ida dinga ba povu no nasaun.
“Tinan hirak ne’e mai UNTL iha dezenvolvimentu, enfrenta dezafiu barak maibé iha tinan 18 ohin ita lansa livru no biblioteka dijitál nune’e mós hanesan iha relatóriu hato’o katak liuuhusi evolusaun ikus mai universidade konsege kontribui barak ka natoon ba nasaun”.
Atu kontinua hakbesik ba kualidade, Professór ne’e hateten Universidade ne’e iha ona kooperasaun iha área oioin abranje iha unversidade sira iha kontinente hotu.
“Ita iha parseiru hotu iha kontinente lime no (Rede dos Reitores) atu dezenvolve rekursu umanu kualifikadu ba futuru dezenvolvimentu nasionál tanba ne’e ita ho esforsa liután”.
Iha ámbitu aniversáriu ne’e lansa mós biblioteka dijitál (i-library) ne’ebé ho asesu laiha limite atu estudante, dosente sira labele tán suspira ho livru laiha.
“Bilioteka ne”e fó hakat ida lais tebes atu hakbesik ho universidade di’ak sira iha Ázia no ligasaun ida ho universidade Europeia sira ne’ebé sai mehi Reitór ho Ekipa Reitoria no Sivitas akadémiku sira-nia mehi mós”.
Profesór ne’e rekoñese katak UNTL presiza iha kualidade maka foin bele kompete ho universidade sira iha nasaun seluk tanba ne’e dalan ida liuhusi mobilidade estudante ba portugál, Japaun, Coreia, Austrália no nasaun seluk.
“inklui dosente sira Ita mós partisipa iha peskiza, publikasaun hamutuk no supervizaun ba peskiza sira iha universidade rai-liu sira iha área ne’ebé solisita”.
Dezenvolvimentu iha kualidade ensinu fonte n’e akresenta katak dezafiu maka orsamentu tanba aposta iha kualidade prezisa orsamentu boot, liuhusi orsamentu operasionál.
Aniversáriu UNTL nian XVIII ne’e partisipa husi sivitas akadémiku sira, Prezidente Konsellu Jerál, Ministru Ensinu Superiór Siénsia I Kultura ho konvidadu sira. Hato’o mós relatóriu tinan nianhusi Magnífiku reitór lansamentu livru no atividade animasaun sira. *Edisaun Média I Komunikasaun UNTL*