- Detalhes
- Escrito por Mateus Goncalves
- Visualizações: 2605
Universidade Nasional Timor-Lorosa’e (UNTL), nia Proreitór Asuntu Estudantíl, Profesór Zeferino Viegas Tilman, iha Kampus Sentrál UNTL nian, Díli, hateten katak atualmente universidade nasionál nia Ekipa Futeból Feto partisipa iha Liga Feto Timor-Leste (LFTL) 2020 nian hatudu kualifikasaun di’ak.
“UNTL nia klube Akadémika partisipa iha Liga FFTL 2020, ho objetivu dahuluk hodi marka UNTL nia prezensa iha sosiedade nia leet, daruak fó biban ba atleta talentozu sira espresa sira-nia talentu desportivu, no atu promove selesaun ba fini jogadór sira atu partisipa iha eventu internasionál sira hodi reprezenta Timor-Leste liuliu Asia University Games”, hatutan Proreitór.
Proreitór Tilman konvida estudante hotu UNTL nian, tantu feto no mane, ne’ebé iha talentu desportivu bele hakbesik ba Gabineti Proreitór Asuntu Estudantíl (GPRAE) atu envolve iha formsaun tuir modalidade ne’ebé iha.
Aleinde ne’e, treinadór Ekipa Akadémika nian Sr. Francisco Baptista Xavier akresenta katak, Ekipa Futeból feto hamutuk na’in 27 ne’ebé kompostu husi jogadora na’in 25 no baliza na’in rua, sira sempre preparadu atu hatudu sira-nia téknika jogu iha LFTL.
“Ekipa nia preparasaun enjerál ne’e ami hahú iha fulan hirak liubá, antes jogo ne’e komesa, no hasoru ita-nia adversáriu liuliu fó treina ba jogadora sira iha parte fíziku, halai no atu mantein ida-idak nia fatin iha kampu laran”, subliña treinadór.
Iha parte seluk, jogadora Nelia Asunção Soares hateten katak benefísiu ba sira nu’udár futebolista feto nian, bele hatudu sira-nia talentu no universidade fó bolsu-estudu ba sira, no bele eleva sira-nia abilidade nu’udár futebolista ba Timor-Leste.
“Mai ha’u importante mak fahe tempu ba treinu, no tempu ba aula nian iha universidade hodi aprende matéria, tanba ne’e husu ba kolega feto sira labele moe no tauk mai ita promove desportu”, tenik Asunção.
Kualifikasaun jogu dezde loron 5 jullu 2020 mak hanesan: klube Nain feto hasoru Akademika-FC (manan 5-0), daruak klube Mau Doko hasoru Akademika-FC (manan 6-0), datoluk klube Ade Silbere Laulara hasoru Akademiku (lakon 2-0), dahaat klube VDL Lahane hasoru Akadémika-FC (manan 2-0), jogu dalima klube São José hasoru Akadémika-FC (manan 7-0).
Adademika-FC partisipa jogu ne’e ba dalimak ona, iha prestasaun demonstra katak manan dalahaat no derrota dala ida.
Iha jogu tuir mai FC-Akadémiku sei hasoru UNITAL-FC iha loron domingu 20 setembru 2020, 16h00, iha Kampu Demokrasía, Bairro dos Grilos, Díli.
Média UNTL 
: Geraldino Pereira Magno (estajiáriu)
: Geraldino Pereira Magno (estajiáriu)Foto 
: Humbertu Alves (estajiáriu), Jacob Pinto Guterres (estajiáriu), Arkivu GPRAE
: Humbertu Alves (estajiáriu), Jacob Pinto Guterres (estajiáriu), Arkivu GPRAE- Detalhes
- Escrito por Mateus Goncalves
- Visualizações: 2960
Universidade Nacional Timor Lorosa’e (UNTL), nia Magnífiku Reitór, Profesór Doutór Francisco Miguel Martins, ofisialmente entrega estajiária na’in neenulu resin sia (69) husi Eskola Superiór Parteira, Fakuldade Medisina no Siénsia Saúde (FMCS), ba Diretora Servisu Apoiu Diagnóstika no Terapéutika, Dra. Fabiola Monteiro Guterres, hodi hala'o Estájiu Klinika, iha Hospital Referal Horex Baucau (15/09), Munisípiu Baucau.
Reitór UNTL iha nia diskursu hateten katak, estajiária sira husi Eskola Súperior Parteira aprende ona siénsia no prátika laboratóriu husi profesór sira iha universidade no iha estájiu klinika sira aprende korelasaun prátika konkreta no konverta teoria iha pratika.
Estudante ESP iha Hospital Referal Horex Baucau.
“Husu ba estudante hotu, tau aas profesionál ho étika liga ho siénsia ne'ebé imi aprende iha universidade, no hahú ohin presiza buka hatene, observa no prátika husi superiór parteira sira iha hospitál ne'e,” hateten Reitór UNTL.
Iha fatin hanesan, reprezentante Diretór Ezekutivu Hospitál Referél nian, Dr. Jaime de Jesus Araújo, hateten katak Hospital Referal Baucau dala ida tan hetan oportunidade diak tebes simu estudante estajiária parteira sira husi UNTL.
“Ho ita boot sira-nia prezensa hodi hetan esperiénsia foun ruma liuhusi pratika pertinente ho siénsia ne'ebé ita boot sira estuda iha aula hodi implementa iha ospitál atu hasa'e imi-nia kapasidade ba futuru,” hateten Dr. Jaime.
Dr. Jaime mós espera katak, liuhusi estajiária sira-nia prezensa ne'e sai hanesan mós suporta ida ba parteira sira iha Hospital Baucau hodi fó atendimentu ba pasiente sira.
Estájiu Klíniku refere, estajiária parteira nain 69 ne'e sei destaka iha lokál hahú husi loron 15 setembru to’o 2 dezembru 2020.
Partisipa iha eventu ne'e Reitór UNTL nian, Proreitór Asuntu Garantia Kualidade Interna, Profesór Marcos António Amaral, Dekanu FMCS nian, Profesór José Dionisio Ximenes, Diretór-Jerál Servisu Apoiu Reitoria, Sr. Jacinto Belo, Diretora Servisu Apoiu Diagnóstika no Terapéutika, reprezentate Diretór Ezekutivu, Diresaun no Xefe Departamentu Hospital Referal Horex Baucau, inklui estajiária sira.
Média UNTL : Mateus Gonçalves
: Mateus GonçalvesFoto 
: Mateus Gonçalves
: Mateus Gonçalves- Detalhes
- Escrito por Mateus Goncalves
- Visualizações: 12748
#TimorLeste #UNTL #FEAH #ANAAA 15 Setembru 2020
Universidade Nacional Timor Lorosa'e (UNTL), liuhusi Fakuldade Edukasaun Arte no Umanidade (FEAH) nia Departamentu Formasaun Profesór Edukasaun Pré-Eskolar (DFPEP), hetan ona avaliasaun preliminár husi Ajénsia Nasionál ba Avaliasaun no Akreditasaun Akadémika (ANAAA).
Relasiona ho progresu avaliasaunn nian, Proreitór ba Asuntu Garantia Kualidade Interna, Profesór Marcos António Amaral iha Kampus Liceu UNTL nian (10/09) hateten katak, DPFEP kursu foun ida iha UNTL tan ne'e ANAAA nia avaliasaun preminár refere hodi haree ba progresu departamentu.
“Avaliasaun ne'e ita bolu preliminár ba Departamentu Formasaun Profesór Edukasaun Pré-Eskolar. Departamentu ne’e ita foin rejista no hetan ona lisensa husi Ministériu Ensinu Superiór, Siénsia no Kultura (MESSK) hodi hala'o atividade letivu, ho nune’e mak ekipa avaliadór ANAAA nian mai haree progresu departamentu ne'e rasik”, tenik Proreitór.
Proreitór mós hatutan katak liuhusi avaliasaun ne'e mós atu fo hanoin ba responsável sira iha kursu refere liuhusi relatóriu ne'ebé entrega ona ba ANAAA, tanba ho sira-nia prezensa atu hare ba realidade ne'ebé refere iha relatóriu.
Iha parte seluk Vise-Dekanu Asuntu Akadémika FEAH nian, Profesór Elvis Brites, iha nia entrevista hateten katak, iha rekomendasaun lubuk ida husi avaliadór sira, no hato'o ba parte universidade atu prepara rekursu umanu liuliu dosente iha área espesífiku relasaun ho área sientífiku Departamentu nian, inklui mós fasilidade sira.
“Avaliasaun preliminár ne’e hanesan matadalan ida ne’ebé leno hela mai ita atu ita bele hadia liuhusi rekomendasaun sira, ita presiza prepara ita-nia rekursu umanu espesífiku ba Departamentu nian, no kompleta fasilidade própriu hanesan biblioteka, fasilidade prátika no seluk tan”, tenik Prof. Elvis.
Profesór Elvis mós hatutan tan katak, ba oin fakuldade sei aposta iha planu hodi responde ba rekomendasaun sira hanesan dosente ne’ebé ho área espesífiku iha edukasaun pré-eskolar nian, no fasilidade sira.
Prosesu avaliasaun ne’e partisipa husi Magnífiku Reitór, Profesór Doutór Francisco Miguel Martins, Proreitór Asuntu Akadémiku, Profesór Miguel Maia dos Santos, Dekana FEAH, Profesora Doutora Ana Cristina Silveira de Jesus Martins, Diretora DFPEP nian, Profesora Madre Francisca Maria Soares dos Reis, ho dosente DFPEP sira, inklui ekipa ANAAA nian.
Média UNTL 📝 : Nelia Manuela da Costa (estajiária)
Foto 📷 : Rafael da Costa dos Reis (estajiáriu)
- Detalhes
- Escrito por Mateus Goncalves
- Visualizações: 13592
Universidade Nacional Timor Lorosa’e (UNTL) nia Fakuldade Siénsia Sosiál (FCS) liuhusi Departamentu Komunikasaun Sosiál (DCS) servisu hamutuk ho Asosiasaun Tane Konsumidór fahe informasaun ba estudante Departamentu Komunikasaun Sosiál (DCS), ho tema “Defende komsumidór sira-nia interese no direitu”, iha Kampus Kaikoli (14-09).
Konsumidór mak sidadaun sira ne’ebé ho asesu ba sosa sasan ruma ka bein no servisu sira hanesan konsumidór ba saúde, seguransa, edukasaun, kualidade servsiu, interese ekonómiku, publisidade, protesaun jurídika, informasaun partispasaun no seluk tan.
Dekanu FCS fahe informasaun ba estudante DCS
Iha abertura Dekanu FCS nian, Profesór Camilo Ximenes Almeida, agradese tebes ba Prezidente Tane Konsumidór nian, Doutór António Ramos, no S.E. Embaixadór Uniaun Europeia (UE) 
, Sr. Andrew Jacobs, ne’ebé bele vizita Fakuldade ne’e hodi disemina informasaun ba estudante sira.
, Sr. Andrew Jacobs, ne’ebé bele vizita Fakuldade ne’e hodi disemina informasaun ba estudante sira.“Ha’u hanoin programa ne’e importante tebes, tan ita-nia direitu fundamentál atu ko’alia, ne’ebé hahu agora muda ita-nia komportamentu no mentalidade hodi senti pretense ba rai ida ne’e no pretense ba buat ruma ne’ebé ladi’ak ita tenki ko’alia ba organizasaun ne’ebé bele defende ita-nia direitu, nu’udar konsumidór”, tenik Profesór Camilo.
Dekanu mós agradese ba Dr. António Ramos ho nian ekipa ne’ebé bele harii ona organizasaun Tane Komsumidór atu defende direitu sidadaun nian iha aspetu oioin ezemplu direitu asesu ba saúde, informasaun, no seguransa.
Iha fatin hanesan, Embaixadór UE nian ho orgullu hoti partisipa iha atividade diseminasaun refere, no konsidera importante atu promove direitu konsumidór nian.
nian ho orgullu hoti partisipa iha atividade diseminasaun refere, no konsidera importante atu promove direitu konsumidór nian.“Uniaun Europeia rekoñese no valoriza asaun ne’e, no importante hodi promove seguransa konsumidór sira-nian, no aumenta koñesimentu hodi fortalese aplikasaun ba lei tuir interese konsumidór nian”, hatutan.
rekoñese no valoriza asaun ne’e, no importante hodi promove seguransa konsumidór sira-nian, no aumenta koñesimentu hodi fortalese aplikasaun ba lei tuir interese konsumidór nian”, hatutan.Prezidente Asosiasaun Tane Konsumidór nian hateten katak universitáriu sira presiza informasaun no bele disemina ba komunidade bainhira hasoru problema ruma iha direitu ba sosa sasan ruma, nomós konsumidór ba servisu sira.
“Estudante sira mak komsumidór potensiál ne’ebé bele sosializa sentimentu dever, no direitu iha parte seluk organizasaun hakarak ajuda mós departamentu para hasa’e sira-nia koñesimentu iha servisu komunitária ne’ebé hakbesik ba komunidade”, dehan Dr. António
Partisipante Zenila da Costa Calau hateten katak atividade diseminasaun refere importante tebes no sita atividade konsumidór ne’ebé la satisfaz bainhira sosa sasan ruma, bele hato’o keixa ba Tane Konsumidór hodi hetan mediasaun no advokasia.
Iha atividade refere konvidadu sira distribui brosura informativu ba partisipante sira, no hala’o mós vizita ba Laboratóriu Multimedia DCS nian, hodi haree kondisaun no fasilidade sira.
Partisipa husi Diretór DCS nian, Profesór Marcelino Ximenes Magno, dosente no estudante sira, inklui ekipa Embaixada Uniaun Europeia, Ekipa Tane Konsumidór, inklui konvidadu sira.
Média UNTL : Zita Menezes (estajiária)
: Zita Menezes (estajiária)Foto : Rafael dos Reis (estajiáriu), Francisco Colo (estajiáriu), Honorio Guterres (estajiáriu)
: Rafael dos Reis (estajiáriu), Francisco Colo (estajiáriu), Honorio Guterres (estajiáriu)- Detalhes
- Escrito por Mateus Goncalves
- Visualizações: 1341
Universidade Nasional Timor Lorosa'e (UNTL), nia Fakuldade Ekonomia i Jestaun (FEJ), iha salaun FEJ nian (11/09), atribui tan títulu lisensiatura 
ba finalista nain ruanulu resin neen (26), kompostu husi Departamentu Jestaun (11), Departamentu Siénsia Ekonomia (4), Departamentu Akuntabilidade (3) no Departamentu Komérsiu i Turismu (8).
ba finalista nain ruanulu resin neen (26), kompostu husi Departamentu Jestaun (11), Departamentu Siénsia Ekonomia (4), Departamentu Akuntabilidade (3) no Departamentu Komérsiu i Turismu (8).Reprezentante Magnífiku Reitór UNTL nian, Profesór Miguel Maia dos Santos, kongratula ba inan-aman sira tanba husi sira-nia servisu hamutuk mak lori estudante nain 26 ne’e atinji sira-nia objetivu husi área ne’ebé sira estuda.
“Hakarak kongratula ba inan-aman sira, tanba ita-nia servisu hamutuk mak lori ona sira to’o momentu ida ne'e, hanesan vitória ne’ebé finalista idaidak konkista iha nia estudu durante tinan lima iha universidade liuliu FEJ”, hateten atuál Proreitór ba Asuntu Akadémiku nian.
Proretór hatutan, judisiun parte integradu ida hodi lori sira ba graduasaun, hanesan aktu ida hodi atribui títulu lisensiatura, nune'e bele ona utiliza titulu refere iha sira-nia moris loron-loron.
Dekanu FEJ nian, Profesór Custódio Barata Ximenes, hateten katak dezde sira-nia entrada hanesan estudante iha UNTL, universidade fahe ona nia matenek ba sira idaidak no liuhusi judisium entrega hikas ba inan-aman.
“Ohin imi simu ona judisium, universidade liuliu FEJ iha responsabilidade hodi apoiu nafatin imi, tanba simi mak espellu no bee ba UNTL, ohin ami entrega hikas ba familia sira hodi tau matan ba imi-nia futuru”, hateten Dekanu.
Entretantu, reprezentante finalista nian, Natercia Maria Pereira, senti orgullu ho susesu ne’ebé nia hetan tanba kontribuisaun husi parte oioin liuliu inan-aman no profesór sira .
“Ha’u senti kontenti tebes, tanba ohin bele atinji ona hau nia mehi, maské hasoru problema oioin maibé la senti kolen atu aprende, tanba domin husi inan-aman ne’ebé buka osan atu sustenta ami-nia estudu, no agradese ba profesór sira ne’ebé fahe ona sira-nia matenek mai ami”, tenik Natercia.
Partisipa iha judisium ne’e Proreitór ba Asuntu Administrasaun no Finansas Profesór José Honorio, Dekanu Fakuldade Medisina Siénsia Saúde Profesór José Deonisio, Vise-Dekanu Asuntu Administrasaun Fakuldade Siénsia Ezata, Dekanu FEJ ho nia estrutura, Diretór Departamentu sira, Dosente, Estudante, no inan-aman inklui konvidadu sira.
Média UNTL 
: Santidade Ribeiro (estajiária), João Bosco (estajiáriu)
: Santidade Ribeiro (estajiária), João Bosco (estajiáriu)Foto 
: João Bosco (estajiáriu)
: João Bosco (estajiáriu)