- Detalhes
- Escrito por Mateus Goncalves
- Visualizações: 226
Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins,MPH.Ph.D akompaña husi reprezentante Prezidente Comissão Função Pública (CFP) nia Komisáriu José Telo Soares Cristovão fó pose ba funsionáriu na’in 40 ba Kargu Xefia no Xefe Sesaun hodi kompleta estrutura Mikro-UNTL, ho mandatu tinan haat (2024-2028).
“Husu ba imi hatudu responsabilidade ne’ebé aas, nomós hatudu ita-nia ambisaun atu halo mudansa, tanba kargu xefia ne’e ema barak mak konkore, la hetan, maibé ita boot sira mak konsege susesu ne’e di’ak tebes ba UNTL.
Iha vaga tenki iha rekezitu ne’ebé prepara no estuda para responde pergunta, entaun motivasaun ne’e tenki kontinua la’ós de’it atu konkore maibé aumenta tan responsabilidade hodi ezerse duni hodi hala’o knaar ho di’ak hodi kontrola servisu tuir disiplina’’, dehan Magnífiku Reitór, liuhusi diskursu iha Auditóriu FECT nian, Hera, Díli (25/01).
Iha fatin hanesan Komisariu CFP nian Sr. José Telo Soares Cristovão hato’o agradese ba Prezidente Juri, tanba liuhusi prosesu naruk bele hetan emposadu/a sira liuhusi prosesu méritu atu ezerse kargu ida.
‘’Ita haree iha ne’e ita dehan tranzisaun, tanba joven sira komesa okupa iha kargu barak ne’e di’ak tebes. Ohin ita boot sira asina hodi toma responsabilidade, guarda segredu no juramentu ne’ebé halo labele hotu iha ohin, tanba selesaun méritu ne’e ba tinan 4 iha UNTL, ita boot sira iha responsabilidade ba kualidade edukasaun, tanba imi mak sai autór atu asegura prosesu administrativa iha universidade’’, dehan José Telo.
Iha fatin hanesan Sra. Zelia Soares de Carvalho emposada ba Xefe Departamento de Logística, sente orgullu tebes, tanba iha períodu dala rua ona nafatin asume ona kargu iha departamentu refere no agradese ba Maromak liuhusi UNTL no CFP bele fo fiar nafatin hodi hala’o knaar ne’e.
‘’Iha kargu ida-ne’e ha’u iha responsabilidade hodi hala’o ha’u-nia knaar tomak ho di’ak liután iha períodu ne'e, nu’udar feto ida ha’u mós hakarak kontribui ba prosesu dezenvolvimentu no konstrusaun estadu ida-ne’e, atravez husi UNTL’’, dehan emposada.
Seremónia ne'e partisipa husi Visereitór, Proreitór, Diretor Jeral, Diretor Nasional, Inspetora CFP, Dosente, Funsionáriu, Asistente Tékniku inklui família husi emposadu/a sira.
#TimorLeste #UNTL #CFP 25 Janeiru 2024
Média UNTL 📝: Laurindo da Cruz Gomes
Foto 📷: Leonia da Costa/ Altur Ramos/ Domingos Amaral (estajiáriu)
- Detalhes
- Escrito por Mateus Goncalves
- Visualizações: 206
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins MPH, Ph.D, hasoru malu ho profesór sira husi, Universidade Federal Santa Catarina (UFSC) - Brasil, hodi diskute kursu mestradu iha Faculdade Educação Arte e Humanidade (FEAH).
Enkontru ne'e hala'o iha Sala-Videokonferénsia UNTL nian, Díli (24/01), ho objetivu atu aprezenta profesór sira husi Brazil ba Magnífiku Reitór, nomós liuhusi sira-nia prezensa atu selesiona disiplina ne'ebé enkuadra iha programa mestradu iha área edukasaun nian. Apoiu FEAH hodi kria revista siéntifika edukasaun no atu fó formasaun ba responsável biblioteka sira.
Partisipa husi Visereitór ba Asuntu Kooperasaun no Peskiza, Profesór Dr. Afonso de Almeida, Dekanu (FEAH), Profesór Dr. Teodoro Soares, Ministra Konseleira Embaixada Brazil iha Timor-Leste Dra. Rita Marques, Dosente, no Profesór sira husi (UFSC-Brazil).
#TimorLeste #UNTL #FEAH #UFSC 24 Janeiru 2024
Média UNTL 📝: Denilson Amandio Barros
Foto 📷: Denilson Amandio Barros
- Detalhes
- Escrito por Mateus Goncalves
- Visualizações: 219
Universidade Nacional Timor Lorosa’e (UNTL) nia Coordenador do Curso Mestrado em Educação Profesor Vicente Paulino halo abertura ba semináriu ho tema ‘’Educaçao e Transformação Social’’ iha auditoriu Arkivu Museu Resisténsia Timorense, Díli (24/01).
“Objetivu prinsipál husi semináriu ne’e mak atu estudante mestradu sira aprezenta sira-nia projetu sientífiku ba peskiza hodi habelar koñesementu hamutuk ho profesór sira, inklui ba públiku-alvu sira no atu hato’o mós hanoin ho solusaun hamutuk ba ita-nia sosiadade emjeral katak, ita-nia sistema edukasaun ne’e sei iha problema ne’ebé presiza iha solusaun alternativu’’, dehan Profesór Vicente.
Iha fatin hanesan, Estudante Mestrada iha área Matemática, Gradiana Esperansa Sarmento sente orgullu tebes hodi kontinua estudu, tanba nu’udar joven hakarak aprende liután atu bele mellora edukasaun iha Timor-Leste.
‘’Ha’u nia títulu ne’ebé foti mak analiza difikuldade estudante sira-nian iha área Matemática iha Timor-Leste no dadun ne’e ha’u hakerek hela projetu traballu sientífiku antes ba halo peskiza iha baze’’, dehan Gradiana.
Nia mós hatutan objetivu foti tema ne’e, tanba observa alunu sira hetan difikuldade iha materia Matemática liuliu iha Trigonometria ho nune’e mak hakarak peskiza atu bele deskobre loloos problema siada mak estudante sira hasoru.
Semináriu ne’e organiza husi Centro Estudo Cultura e Arte (CECA) no servisu hamutuk Programa Pos-Graduasaun Peskiza (PPGP), FEAH, Universidade Federal Santa Catarina, no CAPES (A Coordenação de Aperfeiçoamento de Pessoal de Nível Superior).
#TimorLeste #UNTL #CECA #PPGP 24 Janeiru 2024
Média UNTL 📝: Laurindo da Cruz Gomes
Foto 📷: Laurindo da Cruz Gomes
- Detalhes
- Escrito por Mateus Goncalves
- Visualizações: 189
Universidade Nacional Timor Lorosa'e (UNTL), liuhusi Faculdade de Ciências Sociais nia Departamento de Inclusão Comunitária Social (DICS) preparadu hodi simu estudante foun ba ema ho nesesidade espesiál no difisiente (edukasaun Inkluziva) tinan 2024 bazeia ba vaga ne’ebé departamentu propoin ona.
Diretora Departamento de Inclusão Comunitária Social (DICS) Profesora Cecilia Pereira iha Kampus Kaikoli, Díli (15/01) hatete, proparasaun ba simu estudante foun, departamentu ne’e la’os ba estudante ho defisiénsia de’it, maibé atu promove inkluzaun sosial ka edukasaun inkluzivu ba sidadaun hotu iha Timor-Leste.
“Ami promove edukasaun inkluzaun, maibé husi departamentu ida-ne’e koko oinsa hamutuk ho organizasaun sira ne’ebé servisu ba ema ho defisiénsia atu halo advokasia ba Governu liuliu ba iha universidade iha alokasaun fasilidade no kondisaun hodi promove edukasaun inkluzivu ne’e ba ema hotu, no oinsa atu hasa’e kapasidade ema ho defisiénsia para bele iha koñesimentu di’ak”, dehan nia.
Profesora ne’e esplika, parte departamentu preparadu ona iha ensinu aprendizajen nian bazeia ba proposta ne’ebé propoin ona ba universidade tuir kondisaun ne’ebé mak iha.
“Ami-nia preprasaun liuliu ba ensinu aprendizajen ne’e tuir proposta ne’ebé hato'o ona, tanba ita laiha programa letra braille, maibé durante ne’e ami servisu hamtuk ho East Timor Blind Union (ETBU) ho Asosiasaun Defisiénsia Timor-Leste (ADTL) hodi sira ne’ebé ho problema matan, materia fó de’it ba sira lori ba imprimi letra braille iha ADTL, nune’e husu ba universidade atu aumenta tan rekursu umanu ba tradutór letra lingua jestual no ekipamentu sira liga ho ensinu nian ba ema ho defisiénsia”, nia esplika.
Iha fatin seluk, Visereitór Asuntu Akadémiku no Garantia Kualidade(VRAGQ), Profesór Samuel Venâncio de Sousa Freitas hatete, preparasaun iha nível infraestrutura liuliu asesibilidade estudante sira-nian ho defisiénsia tuir kondisaun ne’ebé mak iha.
“Preparasaun hanesan nafatin, nivel infraestrutura ita prezisa haree oinsa estudante sira bele asesu, normalmente kursu hotu atu simu estudante foun presiza iha ona planu dezenvolvimentu, tanba iha universidade kada departamentu propoin nia vaga rasik bazeia ba rekursu no infraestrutura sira, tanba universidade aborda nesesidade sira tuir kapasidade orsamental”, dehan Prof. Samuel.
#TimorLeste #UNTL #FCS #DICS 24 Janeiru 2024
Média UNTL 📝: Altur Ramos
Foto 📷: Eugenia de Jesus
- Detalhes
- Escrito por Mateus Goncalves
- Visualizações: 214
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH, Ph.D, halo abertura ba distribuisaun pakote Orsamentu Jerál Estadu (OJE-2024) nian ba kada diresaun, unidade no fakuldade sira, iha Salaun Faculdade de Ciências Exatas (INFORDEPE), Díli (24/01).
"Ita orgullu ho fakuldade balun ne'ebé kriativu no prestasaun as hodi halo ensinu, peskiza no dedikasaun kominitária hanesan Faculdade de Agricultura, Faculdade de Ciências Sociais no Faculdade de Engenharia Ciência no Tecnologia, ne'ebé halo peskiza la depende ba OJE maibé sira ativu tebes, ne'e knaar importante ita tenki halo," dehan Reitór.
Reitór mós agradese ba governu bele aprova ona orsamentu, nune'e bele melloria estratéjia estájiu komunitária hodi lori misaun universidade nian ne'ebé orientadu atu bele responde ba nesesidade estudante nian.
Partisipa iha distribuisaun ne'e, Visereitór, Proreitór, Diretór Jerál, Diretór Nacional, Xefe Departamento, Dekanu, Visedekanu, Dosente, pontu vokal no Asistente Tékniku sira.
#TimorLeste #UNTL #OJE 24 Janeiru 2024
Média UNTL 📝: Denilson Amandio Barros
Foto 📷: Eugenia de Jesus