- Detalhes
- Escrito por Mateus Goncalves
- Visualizações: 11
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, Mph, Ph.D, partisipa iha serimónia Pré-Lançamento da Revista de Educação Sândalo iha Faculdade de Educação, Artes eHumanidade, iha Kampus Liceu UNTL nian, Díli (3/04).
Iha diskursu Reitór hatete, universidade kongratula estrutura FEAH nia kontribuisaun bele lansa ona revista edukasaun sandalu, sándalu hanesan valór no identidade Timor-Leste nian.
“Ha’u husu nafatin profesór sira atu ativa halo peskiza no hakerek, tanba liuhusi revista ne’ebé lansa bele eleva kualidade no ezisténsia fakuldade nian. Nune’e konvida nafatin profesór sira atu kontribui artigu sientífika sira hodi publika iha plataforma online nune’e la'ós ba deit Timor-Leste, maibé ba nivel internasionál”, dehan Reitór.
Iha fatin hanesan Dekanu FEAH, Profesór Dr. Teodoro Soares apresia tebes, tanba fakuldade bele iha revista sientífika ne’ebé la’ós iha deit nível nasional, maibé tama iha nível internasionál.
“Tan ne’e agradese ba hot-hotu nia kontribuisaun liliu ba dekanu no profesór FEAH ne’ebé servisu hamutuk ho profesór internasional sira husi Brazil no Portugal ne’ebé mak servisu makas hodi eleva kualidade fakuldade nian liu husi revista sientífika sira.
Liuhusi kontribuisaun sira hotu mak ohin ita bele hakat mai iha fase pré-lansamentu ba revista Edukasaun Sándalu, no iha fulan novembru maka sei halo lansamentu ba Revista ne’e”, dehan.
Iha Revista Edukasaun Sándalu ne’e kobre area sira hanesan, Edukasaun Linguístika Artístika no Interkultural, Edukasaun, Siénsia no Matemátika, Edukasaun Formasaun Profesór, Edukasaun Físika no Desportu.
Partisipa husi Visereitór ba Assuntu Akadémika no Garantia Kualidade Profesór Dr. Samuel Venâncio de Souza Freita, Visereitór Pos Graduasaun Profesór Afonso de Almeida, Dr. Mauríciu Medeiros de Asis Embaixador Brasil em Dili, Porfessora Dra. Renata Franck Mendonça de Asunção Editora-Chefe da Revista de Educação Sândalo, Profesora Dra. Suzani Cassiani Coordenador do Projeto de Implementação do Mestrado em Educação, Profesór, konvidadu no estudante sira.
Média UNTL 
: Mario J. Mendonça & Domingos Amaral
: Mario J. Mendonça & Domingos AmaralFoto 
: Domingos Amaral
: Domingos Amaral- Detalhes
- Escrito por Mateus Goncalves
- Visualizações: 11
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, Mph, Ph.D, prezidi serimónia Isar-Bandeira iha semana dahuluk fulan Maiu nian, ne’ebé realiza iha Kampus Sentral, UNTL nian, Díli (6/04).
Iha diskursu Reitór hato’o parabéns ba Faculdade de Direito ne’ebé mak responsável ba atividade Isar-Bandeira liuhusi korpu isar-bandeira no korru.
“Ha’u husu ba estudante sira hotu atu aprende saida mak ita-nia inisiadór ba rai ida ne’e husik hela mai ita, mesmu diferente ideia, maibé ita buka atu rezolve ho maneira ne’ebé demokrátiku no respeitu direitus humanus no evita violensia, atu nune’e ita prense independensia ne’e ho diak” dehan Reitór.
Magnífiku Reitór mós konvida Sivitas Akadémika tomak atu iha fulan maiu ne’e hametin fiar liuhusi reza tersu tanba fulan Maiu ne’e fulan Na’in Feto nian.
“Fulan maiu ne’e fulan Na’in Feto nian, tanba ne’e husu ita hotu reza tersu hodi husu tulun no prezensa Maromak nian ita atividade hotu.
Ita mós selebra eventu importante ida maka semana da Língua Portuguesa Internasional, ita iha obrigasaun no responsabiliade hodi prátika, ne’e hanesan identidade kultural no identidade nasional Timor nian. Husu ita hotu atu pratika no konversa uza Língua Portuguesa iha resintu UNTL”, tenik Reitór.
Partisipa iha Isar-Bandeira ne’e Visereitór, Proreitór, Diretór Jeral, Diretór Nasional, Diretór Departamentu, Dekanu, Dosente, Funsionáriu no Estudante sira.
Média UNTL : Mario J. Mendonça & Domingos Amaral
: Mario J. Mendonça & Domingos AmaralFoto : Agustinho da Cruz
: Agustinho da Cruz- Detalhes
- Escrito por Mateus Goncalves
- Visualizações: 6
Universidade Nacional Timor Lorosa’e (UNTL) nia Visereitor para Asunto Académico e Garantia Qualidade (VRAAGQ) servisu hamutuk ho Departamento de Média e Comunicação (DEMCOM) realiza Debate Akadémiku ho tema ‘’UNTL À CONVERSA: Prazo de Conclusão dos Cursos na UNTL, Desafios e Solucões’’, ba Edisaun II nian iha Auditóriu, FECT Hera, Díli (30/04).
Iha diskursu Magnífiku Reitor Profesor dr. João Soares Martins,MPH.Ph.D hato’o agradese ba inisiativa husi VRAAGQ ho DEMCOM, tanba bele iha inisiativa atividade debate ida-ne’e hodi bele fó espasu hodi bele rona mós kona-ba saida mak estudante sira hato’o haree ba problema sira ne’ebé sira hasoru durante iha prosesu estudu.
‘’Ha’u hanoin dialogu ida-ne’e importante tebes hodi rona problema sira ne’ebé durante ne’e, estudante sira hasoru iha sira-nia prosesu estudu nian. Tanba ne’e husu mós ba dekanu sira atu anota hela ba informsaun sira husi estudante sira hodi ita bele deskute nune’e bele hadia iha futuru bele lao diak liu, nune’e estudante sira mós la estuda kleur liu iha UNTL’’, dehan Magnifiku Reitór.
Iha fatin hanesan, Visereitor para Asunto Académico e Garantia Qualidade (VRAAGQ) Professór Samuel Venâncio de Souza Freitas agradese ba fakuldade sira ne’ebé partisipa iha diskusaun ne’e diak tebes hodi hatan ba problema estudante sira nian.
“Liuhusi diskusaun ne’e, atu iha biban bele avalia iha fakuldade ida-idak hodi fó espasu atu bele resolve buat ruma iha fakuldade entre estudante ho dosente no estrutura sira.
Ohin segunda edisaun ita koalia kona-ba kualidade kursu no kualidade prosesu aprendizajen ba estudante sira hodi rona oinsa estudante sira-nia preokupasaun no bele hare mos kona-ba regulamentu akadémiku nian’’, dehan Profesór Samuel.
Partisipa iha diskusaun ne’e Visereitór, Proreitór, Dekanu, Visedekanu, no interlokutór sira husi Faculdade de Direito, Faculdade de Educação Artes e Humanidades (FEAH) no Faculdade Ciências Exatas (FCE), Senadu Estudantíl no estudante sira.
Média UNTL : Laurindo da Cruz Gomes
: Laurindo da Cruz GomesFoto : Eugenia de Jesus Guterres
: Eugenia de Jesus Guterres- Detalhes
- Escrito por Mateus Goncalves
- Visualizações: 7
Universidade Nacional Timor Lorosa'e (UNTL) liuhusi Diresaun Nasionál Aprovizionamentu (DNA), loke Solisitação de Quotação hanesan, Fornesimentu Refeisaun (Catering Service ), Fornesimentu Material Eskritóriu, Servisu Dekorasaun, Produs Konvite no Baner ba Serimónia Graduasaun UNTL ba dalatolunulu. Ba kompañia sira ne'ebé iha interese bele mai foti dokumentu iha DNA-UNTL.
Informasaun kompletu bele haree iha aneksu.
- Detalhes
- Escrito por Mateus Goncalves
- Visualizações: 7
Universidade Nacional Timor Lorosa’e (UNTL), nia Magnífiku Reitór Profesór dr. João Soares Martins, MPH, PhD, hasoru malu ho Sekretariu Jeral Federasaun Futebol Timor-Leste (F-FTL), Sr. Grigorio Correia, iha Sala-Videoconfêrensia UNTL nian, Díli (30/04), hodi diskute kona-ba pedidu F-FTL ne’ebé husu espasu atu konstrui kampu Futsal iha área UNTL nian.
Objetivu husi sorumutu ne’e ekipa husi Federasaun Futebol Timor-Leste mai hasoru malu ho Reitór UNTL atu koopera no servisu hamutuk iha área desportu nian liga ba konstrusaun kampu futsal nian iha universidade.
Partisipa husi Visereitora ba Asuntu Estudantís Profesora, Lígia Tomás Correia, Proreitór ba Asuntu Kooperasaun Profesór Tome Xavier Jerónimo, Xefe Departamentu Atividade Estrakurikular Sr. Joviano S. Reis no ekipa husi F-FTL nian.