- Detalhes
- Escrito por Mateus Goncalves
- Visualizações: 6
Universidade Nacional Timor Lorosa’e (UNTL), nia Proreitór ba Asuntu Informatizasaun, Transformasaun Dijitál no Inovasaun (PRAITDI), Profesór Frederico Soares Cabral, informa katak progresu ba Sistema Informasaun Akadémika (SIA) iha Faculdade de Agricultura (FAGRI) no Faculdade de Filosofia e Ciência Humana (FFCH), dadaun ne’e estudante sira bele asesu ona ba Sistema Informasaun Akadémika ne'e rasik.
“Progresaun ba sistema SIA, dadaun ne’e estudante sira komesa foti sira-nia konta iha DNIT atu bele asesu tuir password no user, nune’e sira bele asesu ba Sistema tuir Ficha Planifikasaun Estudu bazeia ba planu estudu tuir semestre no disiplina hira maka sira atu foti no kréditu hira mak sira foti”, dehan Proreitór iha Kampus Sentrál, UNTL nian, Díli (08-04).
Proreitór ne’e hatutan, SIA ne’e rasik tuir planu sei implementa mos ba fakuldade haat mak hanesan Faculdade de Medicina Ciência Saúde (FMCS), Faculdade de Educação Artes Humanidades (FEAH), Faculdade de Ciências Exatas (FCE) no Faculdade de Direito (FADIR).
“PRAITDI espera katak iha semestre impar DNIT (Diresaun Nacional Informasaun no Teknolojia) sei halo sosializasaun no husu ba fakuldade sira atu koopera ba formasaun sistema SIA, nune’e bele implementa iha semetre par 2024”, hatutan.
Média UNTL 
: Denilson A. Barros
: Denilson A. BarrosFoto 
: Eugenia de Jesus/Arkiva PRAITDI
: Eugenia de Jesus/Arkiva PRAITDI- Detalhes
- Escrito por Mateus Goncalves
- Visualizações: 7
Universidade Nacional Timor Lorosa’e (UNTL) nia Policlínica Universitário (PU) Profesóra Teresa António M. Soares, ho ekipa hala’o atividade rastreamentu saúde ba dosente no pesoal administrativu husi Faculdade de Economia e Gestão (FEG), Faculdade de Educação Artes e Humanidades no Faculdade Turismo Arte Indústria Criativas Culturais, iha Kampus FEG nian Dili, (08/04).
Iha entrevista Diretora Policlínica Universitário, Profesora Teresa António M. Soares hateten, atividade rastreamentu saúde ne’e hala’o atu hetan dadus primaria husi dosente no pesoal administrativu sira relasiona ho sira-nia kondisaun.
“Atividade rastreamentu saúde ne’e hanesan atividade prevensaun ne’ebé Poliklinika hala’o ba dosente no pesoal administrativu sira iha UNTL, ho objetivu atu ita bele hetan dadus primaria ka baze dadus ida, nune’e bele hatene kada pesoal ida nia kondisaun saúde, iha restreamentu ne’e mak deteta iha pesoál balun moras mak ita enkamiña ba tratamentu no fó ai-moruk”, dehan Diretora Teresa.
Diretora PU mós husu ba Sivitas Akadémika hotu atu halo konsulta anual no check-up, ne’e importante nune’e bele prevene moras sira no PU nafatin tau atensaun ba pesoal ne’ebé presiza tulun hodi haree sira-nia kondisaun.
Atividade rastrea
mentu saúde ne’e sei halo durante fulan ida hahú husi loron 18 Marsu to’o 10 Maiu ba fakuldade 10 no konsulta saúde ne’e sei hala’o durante loron lima kada fakuldade hotu.
mentu saúde ne’e sei halo durante fulan ida hahú husi loron 18 Marsu to’o 10 Maiu ba fakuldade 10 no konsulta saúde ne’e sei hala’o durante loron lima kada fakuldade hotu.Média UNTL : Domingos Amaral
: Domingos AmaralFoto : Eugenia de Jesus/PU
: Eugenia de Jesus/PU- Detalhes
- Escrito por Mateus Goncalves
- Visualizações: 5
Universidade Nacional Timor Lorosa’e (UNTL) nia Proreitór para os Assuntos de Cooperaҫão (PRAC) Profesór Tomé Xavier Jerónimo, reprezenta Magnífiku Reitór hodi partisipa iha lansamentu livru ho tema “Feto Sira-Nia Asesu ba Justisa Tranzitóriu iha Timor-Leste” organiza husi Sentru Direitus Umanus UNTL servisu hamutuk ho Global Campus of Human Right, iha salaun Centro Nacional Chega (CNC) Balide, Díli (5/04).
Objetivu husi lansamentu livru ne’e atu enkoraza feto sira atu brani koalia sai ba públiku violasaun ba feto maluk sira ne’ebé sai vítima iha situsaun funu no liuhusi livru ne’e sai mós matadalan ba akadémika sira bele uza hanesan referénsia.
Iha okaziaun ne’e, Sentru Direitus Umanus UNTL distribui mós sertifikádu ba formandu Direitu Umanus nain hitu (7) ne’ebé partisipa ona kursu kona-ba Children Right Trainning durante tinan tolu 2021-2023.
Partisipa husi Diretór Interinu CNC Sr. Metodio Caetano Moniz, Diretor Sentru Direitus Umanus Profesór Armindo Maia, Dekanu Faculdade de Economia e Gestão (FEG) Profesór Filipi Mendes Pereira, Head of Capacity Development-Global Campus of Human Rights Sr. Adriano Remiddi, General Development Officer Director-USAID TimorLeste Sra. Rebecca Robinson, Diretora Asosiasaun Chega ba Ita (Acbit) Sra. Maria Manuela Leong Pereira no konvidadu sira.
Média UNTL : Eugenia de Jesus
: Eugenia de JesusFoto : Laurindo da Cruz Gomes
: Laurindo da Cruz Gomes- Detalhes
- Escrito por Mateus Goncalves
- Visualizações: 4
Universidade Nacional Timor Lorosa’e (UNTL), liuhusi Diresaun Nasionál Aprovizionamentu (DNA), loke konkursu ba kompaña sira ne’ebé iha interese no elijibel bele kompete konkursu públiku ba prestasaun servisu seguransa no limpeza. Nune’e bele mai foti dokumentu refere iha DNA.
Informasaun kompletu bele asesu iha Aneksu tuir mai.
- Detalhes
- Escrito por Mateus Goncalves
- Visualizações: 4
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH,Ph.D hamutuk ho Proreitór ba Asuntu Kooperasaun (PRAK), Profesór Tomé Xavier Jerónimo, hasoru malu ho Diretór Fondazione EMGdotART Victor Lei, iha Sala-Videokonferensia, UNTL nian, Díli (04/04), hodi diskute kooperasaun iha área Turizmu no Eransa.
Iha entrevista Proreitór ba Asuntu Kooperasaun nian, Profesór Tomé Xavier Jerónimo hatete, enkontru ne'e ho objetivu atu koopera iha área sira hanesan, turizmu no liuliu promove eransa antigu Timor-Leste nian.
"Ohin ita hasoru malu ho Fondazione EMGdotART husi Macau, no ita ko'alia kona-ba kooperasaun ne'ebé ita sei halo iha área sira ne'ebé liga ho Faculdade de Turismo Arte, Industria Criativas e Culturais hodi promove eransa antiga sira Timor-Leste nian iknlui promove área Turismu iha Timor-Leste", dehan Proretiór.
Iha sorin seluk, Diretór Fondazione EMGdotART nian, Victor Lei, sente kontente ho enkontru ne'e no konsege dekuti kona-ba kooperasaun iha área edukasaun, artkitektura, promove eransa antiga Timor-Leste nian.
"Ha'u kontente hasoru malu ho Reitór UNTL ho estrutura sira, no iha diskusaun ne'e ami ko'alia kona-ba kooperasaun iha área sira hanesan, turismu, arkitektura, promove eransa Timor nian inklui área edukasaun liuliu iha UNTL, no ha'u iha konfiansa katak ba futuru kooperasaun ne'e sei lao di'ak liután", tenik Diretor Victor.
Iha enkontru ne'e, ekipa husi Fondazione EMGdotART nian halo aprezentasaun ba sira-nia programa iha loron 5 fulan Abril tinan ne'e, nune'e haree didiak sira-nia planu no programa atu koopera ho UNTL.
Partisipa husi Visereitór ba Asuntu Estudantís, Eng. Lígia Tomás Correia, Dekanu Faculdade de Turismo Arte Indústria, Criativas e Culturais, Profesór Feliciano Quintas do Céu ho estrutura no ekipa husi Fondazione EMGdotART.
Média UNTL : Leonia de A. da Costa
: Leonia de A. da CostaFoto : Leonia de A. da Costa & Domingos Amaral
: Leonia de A. da Costa & Domingos Amaral