- Detalhes
- Escrito por Mateus Goncalves
- Visualizações: 10198
#TimorLeste #UNTL #UNResidentCoordinator #UNESCO 15 Fevereiru 2021
Universidade Nacional Timor Lorosa’e (UNTL) nia Magnífiku Reitór, Profesór dr.João Soares Martins, MPH, Ph.D, reuniaun ho UN 🇺🇳 Resident Coordinator iha Timor-Leste, Sr. Roy Trivedy, no reprezentate Organizasaun Nasaun Unidu nian ba Edukasaun no Kultura (UNESCO), iha Timor-Leste Sra. Adelina Carly Tilman, iha Sala Vídeo Konferénsia UNTL nian, Díli, (15/02).
Objetivu husi reuniaun hodi ko’alia kona-ba plataforma ne’ebé Nasoens Unidas iha no bele kolabora ho UNTL, hanesan Rede Solusaun ba Dezenvolvimentu Sustentável no International Telecommunication Union (ITU). Diskute mós kona-ba planu UNESCO nian ba apoiu ensinu superiór públiku iha Timor-Leste.
Partisipa iha enkontru Visereitór ba Asuntu Akadémiku no Garantia Kualidade, Profesór Doutór Samuel Venâncio Freitas, Visereitór ba Asuntu Estudantíl, Profesora Eng. Lígia Tomás Correia, Proreitora ba Asuntu Kooperasaun, Profesora Doutora Lídia Gomes, SKM, M.D. no Dekana FEAH, Profesora Doutora Ana Cristina de J. Silveira Martins, husi UNESCO Asitensia Teknika Sra. Odete da Costa Barreto no Partnership & Development Finance UNRC's Office, Sr. Alex Tilman.
Média UNTL 📝: Mateus Goncalves
Foto 📷: Denilson A. Barros (estajiáriu) ho Leonia de Araújo (estajiária)
- Detalhes
- Escrito por Mateus Goncalves
- Visualizações: 11763
#TimorLeste #UNTL #FEAH 15 Fevereiru 2021
Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins, ho nia Visereitór sira hala’o sorumutuk ho Dekana Fakuldade Edukasaun, Arte i Umanidade (FEAH), Profesora Doutora Ana Cristina de J. Silveira Martins, iha sala Vídeo Konferénsia Kampus Sentral UNTL nian, Díli (15/02).
Iha enkontru refere, Dekana ho nia estrutura aprezenta sira-nia progresu husi atividade sira durante ne’e, inklui dezafiu sira ba Magnífiku Reitór ho nia estrutura atu tau iha asaun anuál universidade nian relasiona ho rekursu umanu no fasilidade sira.
Partisipa iha enkontru Visereitór ba Asuntu Akadémiku no Garantia Kualidade, Profesór Doutór Samuel Venâcio Freitas, Visereitór ba Asuntu Estudantíl, Profesora Eng. Lígia Tomás Correia, Dekana FEAH Profesora Doutora Ana Cristina de J. Martins, ho nia Visedekanu sira, inklui konvidadu sira.
Média UNTL 📝: Agostinho da Cruz e Silva
Foto 📷: Agostinho da Cruz e Silva
- Detalhes
- Escrito por Mateus Goncalves
- Visualizações: 11594
#TimorLeste #UNTL #EmbaixadorCubaihaTL 15 Fevereiru 2021
Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins, hala’o enkontru ho Embaixadór Cuba 🇨🇺 nian iha Timor-Leste, S.E. Sr. Omar Mauro Mareirro, hodi ko’alia kona-ba kooperasaun entre Timor-Leste ho Cuba iha formasaun rekursu umanu ne’ebé konsentra iha área Medisina Jerál nian iha universidade nasionál.
Iha enkontru ne'ebé hala’o iha Sala Vídeo Konferénsia UNTL nian (15/02), Díli, Reitór UNTL nian agradese ba Governu Cuba ne’ebé fó ona apoiu ba Timor-Leste ho kooperasaun ne’ebé kleur ona.
"Agradese ba apoiu husi Cuba nian ne’ebé importante ba formasaun médiku sira, nune’e mós destakamentu médiku cubanu iha Timor-Leste, dezde 2003 to’o 2021 ne’e, kongratula ba ita bo’ot sira-nia asisténsia”, tenik Reitór.
Iha fatin hanesan, Embaixadór Cuba iha Timor-Leste hateten katak kooperasaun ne’e eziste kleur ona, no Governu Cubanu iha planu hakarak kontinua nafatin koopera ho UNTL liuliu formasaun nian.
“Loos duni relasaun entre nasaun rua ne’e eziste kleur ona, ha’u hakarak kontinua kooperasaun ida ne’e, no relasaun ho Universidada Nacional Timor Lorosa’e hodi apoiu Fakuldade Medisina ho nia Kursu Medisina Jerál”, tenik Embaixadór.
Partisipa iha sorumutuk ne'e, Visereitór ba Asuntu Akadémiku i Garantia Kualidade, Profesór Doutór Samuel Venancio Freitas, Visereitór ba Asuntu Estudantíl, Profesora Eng. Lígia Tomas Correia, Proreitora ba Asuntu Kooperasaun, Profesora Doutora Lídia Gomes, SKM, M.D., Xefi Brigada Médika Cubana iha Timor-Leste, Dr. Juan Chaves Godoy, inklui konvidau sira.
Média UNTL 📝: Agostinho da Cruz e Silva
Foto 📷: Althur Ramos (estajiáriu), Agostinho da Cruz e Silva.
- Detalhes
- Escrito por Mateus Goncalves
- Visualizações: 11480
#TimorLeste #UNTL #FAGRI 15 Fevereiru 2021
Universidade Nacional Timor Lorosa’e (UNTL), husi Fakuldade Agrikultura, Departamentu Agro-Sosio Ekonomia nia estudante na’in hitunulu resin tolu (73), hala’o prátika Estensaun Agrikola iha Suku Metagou, Postu Administrativu Bazartete, Munisipiu Liquiçá (11 to’o 14 fevereiru 2021).
Relasiona ho prátika refere Profesór Gil da Conceição, iha kampus Sentrál UNTL nian, Díli (11/02), informa katak objetivu husi prátika ne’ebé hala’o atu aplika teoria ne’ebé estudante sira aprende ona iha disiplina Estensaun Agrikola.
“Prátika ne’e parte ida atu haklean teoria ne’ebé estudante sira hetan iha banku estudu, liuliu iha matéria Estensaun Agrikola atu bele identifika problema ne’ebé komunidade enfrenta iha Suku Metagou, nune’e sira mós bele fahe siénsia ne’ebé hetan ona ba komunidade”, tenik Profesór Gil.
Profesor ne’e dezeja katak prátika ne’ebé hala’o estudante sira bele konsentra iha lokál durante loron ha’at atu fó formasaun hanesan ema estensionista nomós bele fó informasaun, ideia ba grupu agrikultór sira identifika problema no buka solusaun hamutuk ho komunidade.
Enkuantu pratikante, Milenia Leonor de Carvalho Guterres hateten katak liuhusi prátika refere bele haklean teoria ne’ebé hetan iha nível universitáriu.
“Liuhusi materia ne’e (Estensaun Agrikola), ami aprende iha teoria no prátika importante prepara ami atu fahe informasaun ba grupu agrikultór sira atu bele identifika problema no ami fahe hanoin atu buka solusaun ba problema ne’ebé sira hasoru iha Suku Metagou”, tenik Milenia.
Milenia Leonor de Carvalho Guterres mós ho esperansa katak liuhusi informasaun ne’ebé sira fahe bele ajuda komunidade agrikultór sira muda sira-nia sistema iha estensaun agrikola.
Atividade prátika ne’ebé hala’o estudante pratikante na’in hamutuk hitunulu resin tolu (73) ne’e dezloka ba lokál, iha 11 to’o 14 fevereiru 2021, no kompaña husi sira-nia Profesór Gil da Conceição.
Média UNTL 📝: Denilson A. Barros, Altur Ramos (estajiáriu)
Foto 📷: Arkivu Estudante estajiáriu Departamentu Agro-Sosio Economia.
- Detalhes
- Escrito por Mateus Goncalves
- Visualizações: 10461
#TimorLeste #UNTL 11 Fevereiru 2021
Universidade Nacional Timor Lorosa’e (UNTL) nia Magnífiku Reitór, Profesór dr.João Soares Martins, MPH, Ph.D, akompaña husi Visereitór no Proreitór sira, halo vizita servisu ba administrasaun sentrál universidade nasionál nian hodi observa direta funsionamentu administrasaun iha Diresaun Nasionál Aprovizionamentu nian, iha Kampus Sentrál UNTL nian, Díli (11/02).
Iha visita ne’e Magnífiku Reitór ho ekipa rona esplikasaun husi Diretór Nasionál Aprovizionamentu (DNA) nian, Sr. Afonso Lopes, kona-ba prosesu no lala’ok tomak administrasaun aprovizionamentu nian, inklui dezafiu hirak ne’ebé durante ne’e DNA enfrenta.
Partisipa iha vizita refere, Visereitór Asuntu Administrasaun, Finansas no Administradór-Jerál, Profesór Hélio Augusto da Costa Xavier Mauquei, Ph.D, no Proreitór ba Asuntu Inspesaun, Auditória no Kontrolu Kualidade, Profesór José Honorio da Costa Pereira Jerónimo.
Média UNTL 📝: Laurindo da Cruz (estajiáriu)
Foto 📸: Laurindo da Cruz