Universidade Nacional Timor Lorosa’e (UNTL) nia Vice-Reitora para os Asuntos Estudantis Profesora Bia Ble Hitu Carvalho de Jesus, halo abertura kompetisaun jogu futsál ba fakuldade sira iha kampu futebol MJDAC Lecidere, Dili (24/07).

“Ha’u husu ba estudante sira atu labele buka manan trofeu de’it, maibé buka partisipa ho amizade iha kompetisaun ne’e. Tanba atividade despostiva mós hanesan eskola hodi hadia saúde no hasa’e ábitu saudavél”, Dehan VRAE.

Profesora Bia hatutan atividade ne’e atu aumenta koñesementu ba servisu ekipa, lider ba ekipa, no aprende mós esperiénsia foun ba vida profisional iha Futuru.

“Atividade desportu ne’e mós hanesan disiplina transversal hodi aumenta imi-nia koñesementu servisu ekipa no mós hatudu imi-nia respeitu ba regras sira iha jogu nian”, dehan.

Iha abertura ne’e hahu kedas ho jogu husi ekipa feto FMCS kontra FFCH no ekipa mane FCSP kontra FCEN.