Universidade Nacional Timor Lorosa’e (UNTL) nia Magnífiku Reitór Profesór Dr. Joviano António da Costa, M.Eng, hasoru malu ho Prezidente Rede Lusófono de Educação Ambiental (RLEA) Sr. Joaquim Ramos Pinto, hodi diskute kooperasaun. Diskusaun ne'e realiza iha Videokonferénsia, Kampus Sentral UNTL-Díli (22/07).

Objetivu husi enkontru ne’e, parte rua deskuti kona-ba (1) Kongresu IX ba CPLP nian, (2) Identifika kolaborasaun hamutuk no projetu sira ne’ebé sei implementa iha RAEOA, (3) investigasaun no formasaun iha área edukasaun ambiental nian ho nasaun sira CPLP nian, (5) estabelese liña investigasaun akadémika.

Akompaña husi Dekanu Interinu Faculdade de Agricultura nian, Profesór Graciano Soares Gomes, Reprezentante Proreitór ba Asuntu Kooperasaun nian, Xefe Departamentu Kooperasaun nian, Sr. Laurensiu Suni, ekipa tékniku, ekipa apoiu Rede Lusófono de Educação Ambiental nian iha Timor-Leste.