Universidade Nacional Timor Lorosa'e (UNTL), liuhusi Faculdade de Direito, realiza eleisaun ba lideransa Asosiasaun Akadémika Estudante (AAE) Pakote A, ne'ebé lidera husi Sergio de Araújo, konsege sai vensedór no sei lidera AAE durante períodu 2026–2028.

Eleisaun ne'e lokaliza iha Kampus Sentral, Díli (27/07), totál votante sira hamutuk 512. Husi númeru ne'e, 509 votu válidu, 2 votu em branco, no 1 votu nulu. Rezultadu kontajen votu hatudu katak Pakote A hetan 266 votu, enkuantu Pakote B, ne'ebé lidera husi Bonifácio Abi, hetan 243 votu.

Prezidente Komisaun Organizadora, Natalicio Nunes, anúnsia rezultadu ofisiál katak Sergio de Araújo, hamutuk ho nia ekipa husi Pakote A, ofisialmente eleitu nu'udar lideransa foun Asosiasaun Akadémika Estudante (AAE) FADIR ba mandatu 2026–2028.