Universidade Nacional Timor Lorosa’e (UNTL) nia Magnífiku Reitór, Prof. Dr. Joviano António da Costa, M. Eng, simu vizita husi Team Leader Programme of SCOPE-HE (Sustainable Connectivity Package for Higher Education), Dr. Frank Feulner, iha Kampus Sentral, Díli (24/09).

Vizita ne’e atu hametin kooperasaun entre UNTL ho parseiru internasionál iha área edukasaun superiór, peskiza, mobilidade akadémika, transformasaun dijitál no tranzisaun ba ekonomia verde (green transition). Aleinde ne’e, kria oportunidade atu habelar partisipasaun UNTL iha diálogu polítika no edukasaun superiór iha nivel ASEAN.

Partisipa husi Pró-Reitor para os Assuntos da Cooperação (PRAC), Professor Cristóvão dos Reis, Communications Manager SCOPE-HE Programme, Ms. Inty Dienasari, no ekipa téknika PRAC.