Universidade Nacional Timor Lorosa’e (UNTL) nia Reitora Interina, atual Vice-Reitora para os Assuntos Estudantis (VRAE), Professora Dra. Bia Ble Hitu Carvalho de Jesus, partisipa iha lansamentu livru “Mauberiadas”, hakerek husi Kay Rala Xanana Gusmão.

Eventu ne’e hala’o iha Embaixada Portugal, Díli (18/09), ho objetivu atu promove, valoriza literatura no kultura Timor-Leste, aumenta interese komunidade ba leitura, hakerek, no kontribui ba preservasaun memória istórika no patrimóniu kulturál liuhusi obra literária.

Partisipa husi Primeiru-Ministru Kay Rala Xanana Gusmão nu’udar autor livru, Embaixador Portugal iha Timor-Leste, Dr. Duarte Bue Alves, dosente Língua Portuguesa UNTL, reprezentante husi embaixada sira iha Timor-Leste, no konvidadu sira seluk husi instituisaun públika, akadémiku no komunidade literária.