Universidade Nacional Timor Lorosa’e (UNTL) nia Magnífiku Reitór, Prof. Dr. Joviano António da Costa, M.Eng., simu delegasaun husi Taylor’s University, Malázia, nia Vice Chancellor Global Engagement Prof. Dr. Anthony Ho Siong Hock ho ekipa, iha Videokonferensia, Dili (27/08).

Liuhusi vizita atu haforsa relasaun no kooperasaun akadémika entre UNTL no Taylor’s University. Aleinde ne’e ekipa husi Taylor’s University utiliza hanesan vizita estudu, no aumenta estudante sira-nia komprensaun kona-ba Timor-Leste.

Delegasaun ne’e kompostu husi Staff Taylor’s University na’in 5 no Estudante na’in 11, husi programa Baxarelatu iha Filosofia, Polítika no Ekonomia (Honours).

Partisipa husi Pró-Reitor para os Assuntos Cooperação Professor Cristóvão dos Reis, Vice-Reitora para os Assuntos Estudantís Professora Bia Ble Hitu de Carvalho de Jesus, Dekanu no Ekipa Husi TU Malázia.