Universidade Nacional Timor Lorosa’e (UNTL), nia Magnífiku Reitór Prof. Dr. Joviano António da Costa, M. Eng, simu vizita husi ekipa Global Campus of Human Rights, iha Kampus Sentra-UNTL, Díli (25/08).

Vizita ne’e nu’udar parte husi esforsu atu hametin relasaun no kooperasaun iha área edukasaun, direitus umanus no akademia entre UNTL ho Global Campus of Human Rights.

Partisipa husi Diretór Sentru Direitus Umanus UNTL, Prof. Dr. Armindo Maia, Diretór Ezekutivu Programa Formasaun Diplomátika, University of New South Wales, Sr. Patrick Earle, Xefe Dezenvolvimentu Kapasitasaun Global Campus, Sr. Adriano Remiddi no ekipa husi Global Campus of Human Rights.