Universidade Nacional Timor Lorosa’e (UNTL), liuhusi Magnífiku Reitór, Profesór Dr. Joviano António da Costa, M.Eng, partisipa iha Reuniaun Komité Revizaun Polítika (KRP) ba preparasaun Orsamentu Jerál Estadu (OJE) 2027, ne’ebé organiza husi Ministériu Finansas, iha Auditóriu Kay Rala Xanana Gusmão, Aitarak-Laran-Díli, (24/08).

Reuniaun ne’e nu’udar parte husi prosesu preparasaun Governu nian ba OJE 2027, ho objetivu atu define prioridade polítika no asegura alokasaun rekursu públiku tuir prioridade estratéjika governu nian.

Partisipa husi Primeiru-Ministru Kay Rala Xanana Gusmão, membru Governu sira, reprezentante Organizasaun Sosiedade Sivíl, parseiru dezenvolvimentu, embaixadór no reprezentante korpu diplomátiku sira iha Timor-Leste, reprezentante setór privadu, Administrador-Geral -UNTL, Profesór José Dionísio Ximenes, M.Cont, Diretór Nasional Planeamentu Finansas-UNTL, no konvidadu importante sira seluk.