Universidade Nacional Timor Lorosa’e (UNTL) nia Magnífiku Reitór Profesór Dr. Joviano António da Costa M.Eng prezide graduasaun ba dahuluk iha mandatu ho graduadu hamutuk na’in 1.461, iha Centro de Convenções de Díli (25/06).
Iha eventu solene ne’e Magnífiku Reitór hatete, diploma ne’ebé UNTL entrega sai hanesan istória prezerveransa ida husi esforsu no konkista ba graduadu sira no halo parte istoria durante mandantu.
“Ohin loron ita reflete mós inan-aman no família sira-nia apoiu, dosente sira-nia orientasaun no ba ema hotu ne’ebé kontribui ba imi-nia formasaun sientífika nian, tanba husi prosesu sira hotu UNTL forma ona akadémiku barak kontribui ba empregabilidade iha setór públiku no privadu sira iha ita-nia nasaun”, Dehan Reitór.
Iha diskursu Mellor Graduanda, Celia Gomes Resleo hatete, graduadu kualifikadu, responsável no étiku, espesialmente iha era dijitalizasaun nian, dalaruma defísil tebes, tanba esensial tebes kombina ho apredizajen ida ne’ebé kontinua hodi mellora prosesu produtivu no servisu sira.
“Mundu ohin loron mudansa makaas ho Artifisial Intelijensia, tanba ne’e ita presiza esforsu hodi aprende. Tanba Artifisial intelijensia la muda ema, maibé substitui ema hodi halo transformasaun ba merkadu no sosiedade, tanba ne’e husi prosesu mak ohin loron simu ona títulu foun.
Husi prosesu tomak reprezenta graduadu sira hotu, hakarak hato’o agradesimentu ne’ebé klean ba parte hotu nia kontribuisaun ba ami-nia prosesu tomak to’o ohin loron ami finaliza ona”, dehan Graduanda.
Serimónia solene ba graduasaun loraik nian husi Faculdade de Medicina e Ciência da Saúde (FMCS) ho totál 448 kompostu husi: departamentu Medisina Jeral (213), Enfermajen (136), Nutrisaun (26), Farmásia (56) no Siénsia Laboratóriu Médiku (21).
Partisipa husi Korpu Diplomatiku, Membru Membru Governu, Embaxadór sira iha Timor Leste, Visereitór, Proreitór, Diretór Jerál, Diretór Nacionál, Xefe Departamento, Dekanu, Dosente, Inan-Aman no konvidadu sira.
