Universidade Nacional Timor Lorosa’e (UNTL) nia Magnífiku Reitór Prof. Dr. Joviano António da Costa, M.Eng., hasoru malu ho Sekretáriu Jerál Keio University SOI (School on Internet Asia), Prof. Dr. Achmad Husni Thamrin ho nia ekipa hodi diskute reforsa kooperasaun, iha Videokonferénsia UNTL, Díli (8/10).

Enkontru ne’e ho objetivu atu diskute no haforsa kontinuidade kooperasaun entre UNTL no University SOI Asia, liuliu iha área peskiza, dezenvolvimentu projetu no oportunidade kolaborasaun iha ASEAN.

Partisipa husi Pro-Reitor para os Assuntos de Cooperação Professor Cristóvão dos Reis, Vice-decano Assuntos da Cooperação e Pesquisa Faculdade de Engenharia Ciência Tecnologia (FECT) Prof. Leandro Madeira Branco, no Senior Lecturer, Department of Electrical and Computer Engineering, Universitas Syiah Kuala, Profesor Rahmnad Dawood, M. Sc no Dosente sira.