Universidade Nacional Timor Lorosa'e (UNTL), nia Magnífiku Reitór Profesór Dr. Joviano António da Costa, M. Eng, enkontru ho Chief Advisor the Project for (ASEAN) husi Japaun, Dr. Yuji Ono, iha Kampus Sentrál UNTL, Díli (05/10).

Iha diskusaun parte rua foku ba servisu hamutuk iha área formasaun Cyber-Security, ba dosente no estudante sira, liuliu iha Faculdade de Engenharia Ciência e Tecnologia, nia Departamento de Engenharia Informática.

Partisipa husi, Pró-Reitor Para os Assuntos da Cooperação (PRAC), Profesór Dr. Cristóvão dos Reis, Dekanu FECT, Profesór Adalfredo Ximenes, Vice-Decano para os Assuntos de Cooperação Profesór, Leandro Madeira Branco no Ekipa husi Project for ASEAN nian.