Universidade Nacional Timor Lorosa'e (UNTL) liuhusi Faculdade de Educação e Humanidades (FEH), Departamento de Ensino de Língua Portuguesa (DELP) nia Diretora Profesora Juliana Soares no Diretora do Instituto Português do Oriente (IPOR)-Macau Profesora Patrícia Ribeiro halo inagurasaun ba expozisaun "Entre Vozes e Versos".

Lansamentu ne’e hala’o iha koridor DELP nian, iha Kampus Sentral, Díli (19/08), hodi komemora loron CPLP nian ba dala XXX (1996-2026). Expozisaun "Entre Vozes e Versos" foku kona-ba obra husi autór oioin husi nasaun Membru CPLP ho konteúdu kona-ba poesia, kultura no arte eskrita.

Partisipa husi Xefe Departamentu ba Asuntu Kooperasaun Sr. Laurensio Suni, Diretora Centro de Língua Portuguesa, Profesora Ana Jesuinha Guterres, Profesór sira, funsionáriu no estudante sira.