Universidade Nacional Timor Lorosa'e (UNTL), liuhusi Faculdade de Engenharia Ciência e Tecnologia (FECT), hetan vizita husi Advisor JICA (Japan International Cooperation Agency), Dr. Tsuyoshi Usagawa, ho ekipa iha Kampus FECT-Hera, Díli (20/10).

Dekanu FECT, Profesór Adalfredo Ximenes, agradese ba JICA no povu Japaun liuhusi apoiu ne'ebé oferese ba UNTL liuliu FETC.

"Agradese ba apoiu ne'ebé JICA fó ba fakuldade ami hein katak liuhusi kooperasaun ida ne'e, nafatin kontinua hodi ami bele loke tan kursu doutoramentu iha FECT", Tenik Dekanu.

Iha ámbitu vizita ne’e ekipa JICA akompaña husi estrutura fakuldade halo vizita ba iha laboratoriu husi departamentu lima (5) FECT nian.

Partisipa husi, Estrutura FECT nian, Dosente, Diretór Curso Mestrado em Engehnaria nian, Profesór Dr. Valeiro de Sousa Gama no ekipa husi JICA nian Division Director Mr. Kazuma Inoue no Mr. Takahiko Nakamura.