Universidade Nacional Timor Lorosa'e (UNTL), nia Magnífiku Reitór Profesór Dr. Joviano António da Costa, M.Eng, hamutuk ho estrutura universidade, presta omenajen ikus ba matebian Profesór Bendito Freitas Ribeiro iha nia residénsia, Delta I, Comoro, Díli (7/08).

Matebian Profesór Bendito Freitas Ribeiro hanesan dosente iha Faculdade de Engenharia, Ciência e Tecnologia (FECT), iha Departamento de Eletrónica no Elétrica. Nia hahú hala'o knaar hanorin iha UNTL husi tinan 2005 no dedika-an tomak ba área edukasaun to'o remata nia jornada moris.

Matebian moris iha Suku Afaloicai, Postu Administrativu Uatulari, Munisípiu Viqueque, iha loron 10 Juñu 1983, husi uma-lisan Salari–Borukailia. Nia mak oan daruak husi Hermenegildo Ribeiro no Madalena Freitas (Balwari, Matahoi), husi alin-maun hamutuk na'in lima.

Matebian harii família ho Filomena Noronha iha tinan 2018, husi sira-nia matrimoniu iha oan na'in rua.

Antes hakotu nia jornada moris, matebian kontinua hela nia estudu doutoramentu iha Gifu University, Japaun, hahú husi tinan 2023. Remata nia jornada moris iha loron 15 Jullu 2026.