Deometro “Feira Karreira & Edukasaun …

Deometro “Feira Karreira & Edukasaun meiu hodi aprezenta obra”

𝐔𝐍𝐓𝐋-𝐃𝐄𝐎𝐌𝐄𝐓𝐑𝐎 “𝐅𝐄𝐈𝐑𝐀 𝐊𝐀𝐑𝐑𝐄𝐈𝐑𝐀 & 𝐄𝐃𝐔𝐊𝐀𝐒𝐀𝐔𝐍 𝐌𝐄𝐈𝐔 𝐇𝐎𝐃𝐈 𝐀𝐏𝐑𝐄𝐙𝐄𝐍𝐓𝐀 𝐎𝐁𝐑𝐀" - 1

Universidade Nacional Timor Lorosa'e (UNTL), nia Prezidente Asosiasaun Estudante husi Faculdade de Engenharia Ciência e Tecnologia (FECT), Deometro Elisa Sir do Carmo hatete, estudante sira lori produtu inovativu hitu hodi aprezenta ba públiku liuhusi Feira Karreira no Edukasaun 2026.

"Ami senti orgullu, tanba universidade bele iha espasu, hodi fó oportunidade ba estudante sira, oinsá bele hatudu sira-nia produtu inovativu. Produtu ne'ebé sira halo iha fakuldade liuliu iha departamentu", Dehan Deometro bainhira partisipa iha Feira Karreira no Edukasaun ne’ebé organiza husi UNTL servisu hamutuk ho UNDP no apoiu husi KOICA iha resintu Kampus Sentrál UNTL, Díli (30/10).

Senadu ne'e mós, husu ba parte relevante liuliu universidade tenki tau seriedade ba estudante sira ne'ebé iha produtividade no hanoin inovativu, nune'e bele tulun no haforsa sira iha projetu ne'ebé sira halo.

Projetu inovativu hamutuk 7 (hitu) ne’ebé FECT aprezenta mak 1️⃣, Sistema deteksaun soe lixu arbiru, 2️⃣, Dezenvolve Sistema Starter ba Motorizada Bazeia ba ESP8266 NodeMCU ho Utilizasaun Wi-Fi Access Point, 3️⃣ Dezenvolvimentu Stik Inteligente,

4️⃣ Sistema Asesu ba Sala Armazenamentu. 5️⃣ Dezenvolve IoT Smart Locker atu Rai sasan, 6️⃣ Prototipu Implementasaun Odamatan Sintina Públika ho Sistema Pagamentu Koin/osan no 7️⃣ Karreta espesiál ba Ema ho Defisiénsia Fízika iha Ain.