Universidade Nacional Timor Lorosa'e (UNTL) nia Magnífiku Reitór Profesór Dr. Joviano António da Costa hatete, avaliasaun ne’ebé hala’o husi Ajénsia Nasional ba Avaliasaun no Akreditasaun Akadémika (ANAAA) kontribui ba exelénsia ensinu no prátika iha univerdade.

"Ohin enseramentu ba avaliasaun no investigasaun ba Departamento de Geologia e Petróleo (GPD) iha Faculdade de Engenharia Ciência e Tecnologia (FECT). Ne’e hanesan kontribuisaun ba exelénsia ensinu no prátika, hodi halo mudansa ba departamentu rasik.
Ami mós sei kompleta rekezitu husi pasu por pasu, fiar katak neneik sei priense kriteria. Ami iha difikuldade mak funsionariu permanente ne'ebé agora seidauk sufisiente”, dehan Reitór iha sala enkontru Kampus FECT-Hera, Díli (21/07).

Reitór mós agradese ba avaliadór sira tantu avaliadór internasional nomós nasional ne'ebé avalia ona DGP, espera ho rekomendasaun sira-ne'e departamentu sei hadia di'ak liutan iha futuru.

Partisipa husi Vise-Reitór Para os Asuntos Académico Profesór Dr. Câncio Monteiro, Pro-Reitór Para os Asuntos Garantia Qualidade Profesór Dr. Ruben Jerónimo Freitas, Dekanu FECT Mestre Adalfredo Ximenes, Diretór, Visediretór no dosente sira.