UNTL-FAGRI NIA ESTUDANTE NA’IN 111 HALA’O PRÁTIKA MUDANSA SOSIÁL

UNTL FAGRI NIA ESTUDANTE NAIN 111 HALAO PRÁTIKA 5

#TimorLeste #UNTL #FAGRI #DASE #COVID19#COVID19TL 6 Outubru 2021 - Universidade Nacional Timor Lorosa’e (UNTL) liuhusi Fakuldade Agrikultura (FAGRI) nia Departamentu Agro-Sosiu-Ekonomia (DASE) dezloka ona estudante na’in atus ida sanulu resin ida (111) ba munisípiu Manatutu, durante loron tolu hodi hala’o prátika materia Mudansa Sosiál iha área agrikultura nian.

Prefessór Disiplina Mudansa Sosiál DASE nian, Profesór Gil da Conceição, iha Kampus Sentral UNTL nian, Dili (06/10), hatete objetivu prátika refere atu lori estudante sira haklean sira-nia koñesimentu teoria hodi implementa iha baze.

UNTL FAGRI NIA ESTUDANTE NAIN 111 HALAO PRÁTIKA 3

Prátika ida ne’e estudante sira bele hakbesik aan liután ba Komunidade Agrikultór iha Postu-Administrativu Manatutu Vila, Suku Sau, nune’e, sira bele aprende moris hamutuk ho komunidade agrikultura, hodi sira bele identifika problema ruma ne’ebé iha baze no sira ho komunidade buka solusaun ba problema sira ne’e”, tenik profesór DASE.

UNTL FAGRI NIA ESTUDANTE NAIN 111 HALAO PRÁTIKA 6

Profesór hatutan iha kampu materia seluk nebe’e sira lori ne’e mak materia mudansa utilizasaun teknolojia, halo estudu kona ba grupu agrikultura, partisipasaun feto iha jestaun kultivasaun no karaterístika komunidade.

UNTL FAGRI NIA ESTUDANTE NAIN 111 HALAO PRÁTIKA 1

Iha fatin hanesan estudante Elivania Alves Coreia hatete prátika ba mudansa sosial nian atu kompara teoria ho realidade komunidade nian.

UNTL FAGRI NIA ESTUDANTE NAIN 111 HALAO PRÁTIKA 2

Prátika ida ne’e ami atu haree liubá teoria hodi apar ho realidade ne’ebé akontese sosiedade, iha duni mudansa ka la’e, kona-ba agrikultura tinan uluk to'o agora”,tenik Elivania.

Média UNTL 📝: Laurindo da Cruz Gomes
Foto 📷: Leonia de A. da Costa