Universidade Nasional Timor Lorosa’e (UNTL), Liuhusi Gabinete Pro-reitoria Asuntu Estudantil Distribui Sertifikadu Lian Korea no Lideransa ba formandu Sira iha Auditoriu FEAH, tersa Feira ne’e (12/09)
Reitor UNTL, Fransisco Miguel Martins iha ninia diskursu hateten Treinamentu lideransa ne’e importante hodi prepara estudante sira ba futuru lideransa Pais ida ne’e nian.
“Ha’u sente orgullu katak iha asuntu estudantíl, fó importánsia maka’as atu eleva kapasidade estudante sira-nia liuhusi treinamentu, liuliu faze ida ne’e maka formasaun lideransa no kursu Lian Koreia nian”, hato’o Reitór.
Iha fatin hanesan Pro Reitór Asuntu Estudantíl, Profesór Zeferino Viegas Tilman, hateten eventu ne’e atu sertifika estudante UNTL sira ne’ebé maka partisipa ona iha kursu oin rua; kursu lideransa no Lian-Koreia nian maibé bá sira ne’ebé tuir to’o hotu.
Nune’e mós Pro-reitór Asuntu Prevedoria i Akonsellamentu, Profesór Miguel Mai dos Santos, hateten sei nafatin fó Apoia ba estudante sira hodi estuda ho oportunidade ne’ebé iha, tan la fasil ema ida sai xefe maibé lori kedas ninia espíritu lideransa ida ne’ebé di’ak.
Formanda Ana Maria das Neves Soares agradese ba oportunidade tanba bele aprende iha kursu ne’e, xave wainhira iha hakarak atu aprende buat foun ruama dalan ba sempre iha
Eventu ne’e hetan partisipasaun husi Magnífiku Reitór UNTL, Pro-Reitór Asuntu Estudantíl, Pro-reitór Asuntu Provedoria i Akonsellamentu, Formadór Changwon Choi nomós estudante formandu sira. *Rita d’Costa*/Editor MG434